أو

الدخول بواسطة حسابك بمواقع التواصل

#1

افتراضي بعد يومين في رمضان ................. $#$

بعد يومين ؛


- دشري المخلل من أيدك ، حدا واعي بتسحّر عَ مخلل ؟ دك تموتي عطش انت !!؟
- ولكممم بسرعة أعطوني مي قبل لا يأذن
- شوي شوي أنتو مفكرين تخزنوا ١٥ ليتر مي جواكم عشان ما تعطشوا ؟؟؟ ترا هاي ميزة الناقة وبس





- هُب هُببب ، اذّننننن ، ماحدا يمد إيده عَ صحن
- يااااا الله نسيت اشرب ممممي
لمّة السحور في كل بيت ، كله فاتح كرشته وبخزّن خايف يجوع او يعطش ! ، طب شو مع السُّفرة ؟ مين راح يجلي الجليات وينظّف ؟
طبعا ماحدا، لانه خلص فاتوا صيام والقوى الجسدية قد خارت - ماتوا يعني .
بتيجي صلاة الفجر ، الذكور بالجوامع والإناث فِالبيت تصلّي ، ودايما في هذاك الدب من كل عيلة بروح ببطَح حاله بحجّة يريّح عيونه ٥ دقايق وساعة وحنا نقعد نصحّيه يقوم يصلِّي .
بطلع الفجر ، بنفوت بحالة سُبات عميق ، بنصحى عَالصلاة وبس ، وان حكيت مع حدا او مزحت او حتى طفيت عليه المُكيّف بقلك ؛
" أتخلّنيش أجي أفطر عليك هسا "
" إسمعي شايفك قنّية مي ، زيحي من وجهي "
" اللهم أني صائم "
وبرجعوا لحالة السبات لحد ساعة قبل المغرب .

نصحى ثاني يوم نتفقّد بعض اذا صايمين او لاع من خلال جهاز الصياموميتر تبعنا ، عن طريق نشد جلدة الأصبع وإذا ضلت واقفة يعني صايم وإذا نزلت معناته مِفطر ، ونغنّي " يا مفطر هَسّة لاذبحلك بسّة " او " يا مفطر اليوم لاذبحلك زغلول ، زغلول مشوي بالرز محشي " وكنا نآمن بمصداقية هاد الجهاز ونقتنع انه صيامنا باطل ..
وفي بعض الروايات بتقلك " اطلع لسانك " مشعارفة شو بتهيّألنا بقى .
زحمة ما قبل المغرب ؛
يما عازمين حدا اليوم ؟ ، يماااا كثري رز مشان الله ميتين جوع ، دنزَل اشتري فلافل حدا بدو اشي من البلد ؟!! ، قدّييييش ظايل للآذان ؟؟
وبجيلك واحد المفروض يساعد بقعد يفتّح الطناجر يشم الريحة " اخخخ ملذ الريحةة مش قادر اتحملها دَطلع برا أحسن لا أفطر "
، يما شو الحلو اليوم ؟؟ مبيرح أكلنا كنافة اليوم قطايف !!
انا دَطلع اقيس وزني اكيد بكون نقصت كيلو
لشووو البلاستيك ؟؟ بوكلش الا بكزاز ، كزار بعينك ليه هو انت الي بدك تجلي ؟؟؟؟ ، وليه هو انت بدي تكبّي الف كيس زبالة؟

وإذا تقاتلتوا بحكولك " قابلني بعد المغرب الا امردغك "
الكل روحه مفرفطة ، الي جوعان والي مات عطش والّي واقف عَ السطوح يسمع الأذان والي كل شوي يقول " قديه ظايل ؟ " ( هاد الشخص انا صراحة )
لمّة السفرة في الأغلب مقاتلة ، مين بدو يقعد حد الابو ، ليه ؟ لانه كل الاشيا الزاكية مجمّعة حواليه ، والّي بدو اكبر شقفة والّي بدو اكبر صحن ، وهداك الدب بعدو نايم بصحاش الا تا يأذنوا بذانه ويقوم .
- الله اكبر الله اكبررررر !!
اسكتووووو بأذن !!! ، لا هاد مش الأذان هاد باسل ( علاغلب ابن الجيران ، بكون قد مات جوعاً ) قاعد بأذن ، شكلها " ئبّعت معه "
بيجي صوت الابو گالسّيف بقطع جدالاتنا ؛
" ارجي استغفروا الله ، ماحدا طالع صوته بالحارة غيركم ، هاي ساعة مباركة ادعوا الله، أقروا الفاتحة عَ روح سيدكم وستكم بدل ما انتو داقّين ببعض "
ودائما بعد هاي الجملة ، بِأذن
ربع ساعة بالكثير بكون ادلَع واحد بالأكل خلص شبع ، والأكل لساته أكوام أكوام بس شغل فَجعَنة

بتقاتلوا قبل الأذان ! ، التعاون بالترتيب والتعزيل من أحلى الاشياء برمضان ماعدا الدب يلي رجع ينام عشان يريح بطنه " ثَقلان" ، وخاصة لما تيجي فقرة الكنافة ( يما منها الكنافة ) ، وبنلتم كل الحارة عَ القهوة نستنى صلاة التراويح وننطلق عالجوامع .
وبعد التراويح في مين بدو يسهر ، ومين بدو يتابع مسلسلات .
بزماننا ، كُنّا نتجمّع صغار الحارة ونلف بالشارع ننادي " يا نايم وحّد الدايم " ، شغل مسحّراتي يعني ، ونشرب شاي ونرجع عَ الدور وكله هاد والساعة بعدها ١٢ يعني حتى الجاج ما نام ، بس كُنّا عايشين حياة بسيطة ملآنة اكشن.
هاد الملخّص ، هو الروتين الي راح نعيشه كمان يومين
بدي اكون الاولى واقلكم
رمضان كريم أصدقائي ؛ رفقاً في معشر البنات يعني بنموت واحنا نحضر أكل وبعدها بنموت واحنا نجلي يعني حرام يعني .

الله يتقبل العبادات من الجميع ، وكل سنة وأنتو سالمين غانمين ❤️.
والي بدو يعزمني عادي انا جاهزة فكل وقت


إظهار التوقيع
توقيع : بنوتة فلسطينية
#2

افتراضي رد: بعد يومين في رمضان ................. $#$

اللهم بلغنا رمضان
#3

افتراضي رد: بعد يومين في رمضان ................. $#$

رمضان كريم
و الله يتقبل منا و منكم
انتي معزومة باليوم الاول من رمضان ببيتنا اوكي
إظهار التوقيع
توقيع : انسانة الوجود
#4

افتراضي رد: بعد يومين في رمضان ................. $#$

تسلمي ياقمر
وكل سنة وانتى طيبة

إظهار التوقيع
توقيع : ربي رضاك والجنة
#5

افتراضي رد: بعد يومين في رمضان ................. $#$


المشاركة الأصلية كتبت بواسطة aalya
رمضان كريم
و الله يتقبل منا و منكم
انتي معزومة باليوم الاول من رمضان ببيتنا اوكي
وين بيتكم
إظهار التوقيع
توقيع : بنوتة فلسطينية
#6

افتراضي رد: بعد يومين في رمضان ................. $#$


المشاركة الأصلية كتبت بواسطة بنوتة فلسطينية
وين بيتكم
انا من الجزائر حبيبتي
لا تخافي المسافة قصيرة ههههه
إظهار التوقيع
توقيع : انسانة الوجود
#7

افتراضي رد: بعد يومين في رمضان ................. $#$

[QUOTE=aalya;2386314]انا من الجزائر حبيبتي
لا تخافي المسافة قصيرة ههههه[/
قصيرة كتير
بس 4 ايام
إظهار التوقيع
توقيع : بنوتة فلسطينية
#8

افتراضي رد: بعد يومين في رمضان ................. $#$

[quote=بنوتة فلسطينية;2386470]
المشاركة الأصلية كتبت بواسطة aalya
انا من الجزائر حبيبتي
لا تخافي المسافة قصيرة ههههه[/
قصيرة كتير
بس 4 ايام
ع فكرة انا بحب الاهل الجزائرين
إظهار التوقيع
توقيع : بنوتة فلسطينية
#9

افتراضي رد: بعد يومين في رمضان ................. $#$

[quote=بنوتة فلسطينية;2386470]
المشاركة الأصلية كتبت بواسطة aalya
انا من الجزائر حبيبتي
لا تخافي المسافة قصيرة ههههه[/
قصيرة كتير
بس 4 ايام
رح تجي و رح تلبي الدعوة ما ؟
إظهار التوقيع
توقيع : انسانة الوجود
#10

افتراضي رد: بعد يومين في رمضان ................. $#$

[quote=بنوتة فلسطينية;2386471]
المشاركة الأصلية كتبت بواسطة بنوتة فلسطينية

ع فكرة انا بحب الاهل الجزائرين
تسلمي و اهل الجزائر كمان يحبوكم عن جد
إظهار التوقيع
توقيع : انسانة الوجود
#11

افتراضي رد: بعد يومين في رمضان ................. $#$

[QUOTE=aalya;2386644]
المشاركة الأصلية كتبت بواسطة بنوتة فلسطينية
تسلمي و اهل الجزائر كمان يحبوكم عن جد
حبتكم العافية حبيبتي الله لا يحرمنا منكم
إظهار التوقيع
توقيع : بنوتة فلسطينية
#12

افتراضي رد: بعد يومين في رمضان ................. $#$

[QUOTE=aalya;2386641]
المشاركة الأصلية كتبت بواسطة بنوتة فلسطينية
رح تجي و رح تلبي الدعوة ما ؟
هوهو طيب ع شو عازميتنا يا حلوة
إظهار التوقيع
توقيع : بنوتة فلسطينية
#13

افتراضي رد: بعد يومين في رمضان ................. $#$

وأنا عزماكى بقى اليوم التانى من رمضان
#14

افتراضي رد: بعد يومين في رمضان ................. $#$


المشاركة الأصلية كتبت بواسطة لتاليا
وأنا عزماكى بقى اليوم التانى من رمضان
ولا يهمكم وين داركم
تراني رح اجي
شكلي مش رح افطر بالبيت
اضل مسافرة عندك وعند غيرك
وكل يوم عند صديقة
هههههههههه
إظهار التوقيع
توقيع : بنوتة فلسطينية
#15

افتراضي رد: بعد يومين في رمضان ................. $#$

[quote=بنوتة فلسطينية;2386695]
المشاركة الأصلية كتبت بواسطة aalya
هوهو طيب ع شو عازميتنا يا حلوة
ع اللي بدك انتي اطلبي و انا سوي
طيب شو بتحبي؟
إظهار التوقيع
توقيع : انسانة الوجود
#16

افتراضي رد: بعد يومين في رمضان ................. $#$

[QUOTE=aalya;2386865]
المشاركة الأصلية كتبت بواسطة بنوتة فلسطينية
ع اللي بدك انتي اطلبي و انا سوي
طيب شو بتحبي؟
امم
هيك احراج
انا ما بدي اطلب لانه الي منك زاكي
إظهار التوقيع
توقيع : بنوتة فلسطينية
#17

خاطرة رد: بعد يومين في رمضان ................. $#$


المشاركة الأصلية كتبت بواسطة بنوتة فلسطينية
ولا يهمكم وين داركم
تراني رح اجي
شكلي مش رح افطر بالبيت
اضل مسافرة عندك وعند غيرك
وكل يوم عند صديقة
هههههههههه
ماشى منية سندوب , شارع ملك الملك, أولاد البطل, عمارة سيد مطاوع
أزعل منك لو مجاتيش
#18

افتراضي رد: بعد يومين في رمضان ................. $#$


المشاركة الأصلية كتبت بواسطة لتاليا
ماشى منية سندوب , شارع ملك الملك, أولاد البطل, عمارة سيد مطاوع
أزعل منك لو مجاتيش
بدي اكتب العنوان ع ورقة عشان ما انسى اصلا انا في طيارة الظهر اليوم بكون عندك
إظهار التوقيع
توقيع : بنوتة فلسطينية
#19

خاطرة رد: بعد يومين في رمضان ................. $#$


المشاركة الأصلية كتبت بواسطة بنوتة فلسطينية
بدي اكتب العنوان ع ورقة عشان ما انسى اصلا انا في طيارة الظهر اليوم بكون عندك
ماشى أنا فى انتظارك
هتقضى أحلى وقت عندى فى البيت
وبالمرة تساعدينى فى شغل البيت
اه , أمال هتيجى تعدى؟ وتكلى بس؟
#20

افتراضي رد: بعد يومين في رمضان ................. $#$


المشاركة الأصلية كتبت بواسطة لتاليا
ماشى أنا فى انتظارك
هتقضى أحلى وقت عندى فى البيت
وبالمرة تساعدينى فى شغل البيت
اه , أمال هتيجى تعدى؟ وتكلى بس؟
مش رح اقدر اجي عنا عزومة
إظهار التوقيع
توقيع : بنوتة فلسطينية
#21

افتراضي رد: بعد يومين في رمضان ................. $#$

تقبل الله صيامكم
اذا عندك مخلل ابعتيلي دنا بموووووت فية
إظهار التوقيع
توقيع : وِجَـعَ ـ قَلَبّـ..❤
#22

خاطرة رد: بعد يومين في رمضان ................. $#$


المشاركة الأصلية كتبت بواسطة بنوتة فلسطينية
مش رح اقدر اجي عنا عزومة
ماشى عموما حصل خير
لو فضيتى فى يوم ابفى تعالى
وانتى معاكى العنون
وخدى بالك لتوهى
#23

افتراضي رد: بعد يومين في رمضان ................. $#$

ههههههههه
ككل عام وانتي بخير
#24

افتراضي رد: بعد يومين في رمضان ................. $#$


المشاركة الأصلية كتبت بواسطة عَ ـآشّـقَة فُلَسًــــــــــطٌيّنٌ
تقبل الله صيامكم
اذا عندك مخلل ابعتيلي دنا بموووووت فية
انا
كل لمخلل ع حسابك
شو نوع
إظهار التوقيع
توقيع : بنوتة فلسطينية



الساعة الآن 11:16 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل