أو

الدخول بواسطة حسابك بمواقع التواصل

#1

افتراضي البارت الثاني من :رواية مالت عليه يوم حبيت انسان ما ينحب

البارت الثاني من :رواية مالت عليه يوم حبيت انسان ما ينحب

البارت الثاني ..

اليوم .. تاريخ 27-3-2023
وعيت الصبح الساعة ثمان و كلمت عنود حبيبتي و رديت نمت و يوم وعيت مره ثانيه شافيتها تهزبني ع الكلام الي كتبنه ف اليوم الي قبله ..
و زعلت مني و ما طلعت ترمسني
سرت نمت مره ثانيه و وعيت ع 12 قمت و سرت سبحت اورديت ع أمل أني احصلها كاتبه شي بس .. ما كتبت لي شي ..
سرت و كلمت واااايديييين
و يوم يا العصر سرت بيت يدي عند حرمتيه هههه علوي (( فديتها والله )) و يلسيت وياها لين تسع طبعا سرنا عند شيخه اسميها كانت نفسيه وااايد بعد مب شوي و دق لها فهد .. يوم دق فهد كان خاطري جي اذبحهم .. روحيت من عندهم انا و علوي و وصلتني البيت و ردت ...
و يوم وصلت البيت
أذكرت يوم شافيت عنود عارف ف مردف و شو صار ف اليوم الي بعده .....


... انا بغير اسم الشخصيه مال عنود عارف لأَنِّي تلخبطيت بين عنود عارف و عنود vip.. بخلي اسمها فطوم .. و أسموحه




.
فليوم ألي بعده .. بعد ما شافيت فطوم .. وعيت الساعة عشر و شوي ع طول بدون تفكير فتحت فوني .. اطالع ملاكي شو كاتب لي من يومين ما مرمستنه .. انصدميت يوم ما شافيت ولا محادثه قلت ف خاطري ع الأقل فيس بين لي انك موجود. قلت بطرش بي سي صباح الورد .. استنيت دقيقه دقيقتين عشر .. قلت شكله ما بيرد و سرت أسبح .. طلعت من الحمام (( اكرمكم )) ع ساعه 11:30 شي جي دقت لي ماماه تسألني ليش ما نزليت عندهم تحت .. و قلت لها اني ف الحمام و طبعا امايه هزبتني .. و لبست لي بنطلون سبورتي و بلوزه سبورتيه و جوتي سبورتي وً نزليت تحت عندهم كنت قاصه شعري بوي .. بقول لكم قصة شعري

يتبع



إظهار التوقيع
توقيع : فتاة أنيقة
#2

افتراضي رد: البارت الثاني من :رواية مالت عليه يوم حبيت انسان ما ينحب

كان طويل لين اخر ضهري بس مره كنت رايحه عند ماماه أقول لها شو ها انا من متى اقولج أباً اقص شهري بوي قصيه لي .. فذاك ألقوت ماماه كانت معصبه مني و قالت لي ييبي مقص الشعر و سرت ركض اييب المقص و....


(( سرت ركض اييب المقص و جان اتزحلق و اطيح ع ويهي و ولد عموه شافني تم يضحك عليه الحيوان .. قمت بسرعه و سرت غرفة ماماه و يبت المقص و قفت جدامها و قلت لها ماماه قُصي لي بس شوي من تحت بس الخربان .. مسكت المقص و قصت و أقول لها ليش تاخرتي يالله .. فجاة اختيه تزق و تقول : لااااا لييييش ماماه حراااام وااايد قصيتي .. لفيت انا بسرعه اطالع يوم شافيت شعري يتني الصحيه .. قلت لها ماماه لييييش كنت اتمصخر وياج قالت لي : تتمصخرين عنبوج كلتي فوادي من شهر و الحين تتمصخري .. قصت شعري لين رقبتي و الله حرااام كان طويل لين اخر ضهري .. ساريت بعدين ييت أباً الفه ما طايع وأيد قصير .. و من بعد ها اليوم ماماه متلومه مني .. )) و هاي هي قصة شعري ..
يوم نزليت تحت سلميت عليهم و يلست اتريق كنت ميته يووع ..
قال هزاع اخويه: اقولج ريم ما بنين بيت خالوه اليوم .. كل الشله بتكون موجوده .
ريم : لاه ما بي بسير يمكن عند علايه ولا .. تعااال اليوم شيخه مسويه بارتي .. لا ما بي قول لشباب عندها بارتي
هزاع : والله توقعت .. انزين بعدين سعود بيزعل عليج !
ريم : ي الغبي تراك ويانا ف البارتي ما قلت انا بارتي بنات ..
هزاع : هييييه .. هههههه عيل بقول للشباب ان ما بنيهم اليوم
ريم : حسستني عاده منو الشباب اولاد خالاتيه و عماتيه ..
هزاع : ليش يعني هم بنات وانا ما دري ؟
ريم : يمكن .. اذا انته شاك ف عمرك ها شي ثاني
مسك قوطي الكلينكس يبا يفره بدال ما اتي ع راسي يا ع راس رشود .. ( رشود اخويه العود ولا كنه من العايله هو الوحيد متشدد و عصبي يعصب ع اي شي عكس هزاع أمره ها الانسان شراتي )
انا و هزاع نشوف بعض قلت ل هزاع : الشرده نص المريله
هزاع : صح صح
و نركض فوق بسرعه
رشود كان بيزاعق علينا بس يوم شاف أشكالنا تقلب من الضحك
مادري كيف كانت اشكالنا بس ما دام رشود ضحك معناته اشكالنه فضيعه ..

..
هزاع : الله يغربلج ما تشوفي رشود موجود
ريم : ما شافيته شفيك اضن كان توه داش البيت
هزاع : هيه حتى انا ما شفته .. انزين اقولج ي الله سيري بسرعه لبسي الي بتلبسينه بنسير بيت خالوه أنيب سعود بعدين بنسير عند علايه انييبها و بنسير المول. شرايج !
ريم : خشمك الذيييب... و بعد حمود شو نسيته !
هزاع : لا ما نسيته ي الخبيل هو بيكون اصلا موجود هناكي
ريم : جب جب .. ي الله نقلع ببدل
هزاع : اصلا مب منج من الي بيشلج
ريم : انته اصلا حبيبي ي الله نقلع
هزاع : انزين وَيَا ها ألويه
ريم : احلا عن ويهك ..
....
خطفنا ع سعود و علايه و سرنا العين مول .. صح كان ملل بس ،.
يوم شافيت محمد و شيخه اخته انصدمت .. انصدمت كانت شيخه ماسكه أيد فهد .. يتني الصيحه .. كيييف كيييف تمسكه و جدام خلق الله جي نعممم ويين تبا هاي !!
علايه و سعيد و محمد و هزاع يطالعوني
ابتسمت يا سعيد حذالي و قال : اذا تبينا نروح بنروح
ريم : لاه عادي هههه ليش نروح و نحن اصلا يايين كلنا ناخض اغراض حق البارتي
سعيد : ع راحتج
فهد يوم شافني هد أيد شيخه ...
فهد : هلا والله
الكل : اهلين
فهد : شحالكم
الكل : يسرك الحال من صوبك
فهد : مديم ان شاء الله .. شراتكم
الكل : أمين
شيخه : اوه ريم هني .. شحالج حياتي
ريم : رقيص .. انا مب حيات حد
شيخه : امبيييه ريوم شو فيج ما قلت شي انزين كل ها عشان فهد !
ريم : سيري زقي انت وياه .. اقولكم شباب انتو سيرو خضو حق البارتي و بسير انا عند رشود يباني قال انه هو هني ..
سعيد : اي وياج !!
ريم : لا .. سعود !
سعيد : عيونه
ريم : تسلملي عيونك تعال بقول لك شي ..
وخ لي لانه كان هو أطول مني .. و قلت له : ما باك شي استهبل ههههه
سعيد : وَيَا ها ألويه ههههه
ريم : هههههه ي الله باي اشوفكم بعد كم من دقيقه
الكل : يحفظج
...
وصلت عند رشود ..
رشود : ريوم أباً أقولج شي .. اعرف ان الحين مب وقته بس بقولج اياه
ريم: امر غلايه!! شو فيك؟
رشود : أممم ريوم انا ... انا أحب
ريم بصوت عالي : احلففف !
الكل تم يطالعني
رشود : يعلج السيل فضحتينا .. والله ..
ريم : الله وناسه هههه انزين منو؟؟
رشود : وحده اسمها لطيفه ...
ريم : لطيفة منو ؟
رشود : أممم والله ريوم لا تعصبي اعرف انا اكبر منج ب ثلاث سنين بس والله احس يوم اكلمج تقول وحده اكبر مني
ريم : اييييه و يا ها ألويه الحين انا اكبر منك !!
رشود : ههههه لااا فهمتي غلط اقصد عقلج مب شكلج
ريم : هيه عبالي بعد .. احم استحيت .. انزين منو لطيفه هاي ؟
رشود : ربيعتج
ريم : نعممم
رشود : والله مره يوم مسويه بارتي شفتها و عيبتني
ريم : تكلمها ؟؟
رشود : لاااا .. انا أباً اخطبها .. ريوم انا احبها
ريم : انزين سير كلم ماماه
رشود : لا اول شي أباها تحبني اعرف انها تحبّني بعدين بخطبها..
ريم : أقولك لين ما تكتشف انها تحبك ولا البنت بتنخطب و بتخلص..
رشود : انزين ريوم شو الحل ؟؟
ريم ؛ خلها ع اختك الفطين ..
...
وصلني رشود عند قوم هزاع و روح لان متواعد وَيَا ربيعه
..
ريم : ايييه شو خضتو حق البارتي ؟
فهد : انا خضت عصاير و بارد
تميت اطالعه اطالع عيونه .. وربي اشتقت حق هاي العيون
انته عليه سعيد و مطني و قال : انت خبله !! انا انتبهت انج اطالعين عيونه استخفيتي ؟؟
ريم : سعود .. اشتقت له .. اشتقت لعيونه والله
سعيد : ريوم الحين انت اذا سويتي جي و سرتي عنده بيتحراج لعبه ف أيده .. و بعدين منو دوم يقولي الي ما يباج لاتبيه هههههه
ريم : هههههت صح الي يباني ما اباه
خطف فهد و شيخه حذالنا تخرطفيت ب العباه و طحت و انا يالسه مادري كيف
سعيد و فهد : سلمتي
مد فهد أيده عشان يقومني
بس سعيد نزل عندي و قومني
فهد شاف ايده بعدين رفعها و حرك فيها شعره
هني اذكريت يوه قلت له اكرهك كانت بس مصخره سو شرات الحركه و قال : انزين انا احبج ..
هني ما قدرت استحمل مسكت أيد سعود و قلت له : بسرعه نروح البيت
وبعدي ماسكه أيده مطيت سويك الموتر من عند هزاع و مسكت أيد علايه و روحيت عنهم
سعود مسك السويك من أيدي و قال : انا بسوق
ما قلت له شي ركبيت الموتر و سرنا ب الاول وصلينا علايه بيتهم بعدين يا بيوصلني بيتنا تميم أصيح و بصوت عالي ..
سعيد : ريم والله محد يستاهل دمعتج .. لا تصيحي
ما رديت عليه و تميت أصيح جي نص ساعه هو تم يحوط جريب من فريجنا لين ما هديت يوم هديت وقف جدام الدكان نزل و يوم ركب
سعيد : اندوج اسكريم و كولا
ريم رفعت راسي اشوفه و ابتسمت له
سعيد : هههه شفيج يودي أعرف شو يخليج تضحكين بس ناقص البيزا و خلاص كملت هههه
ريمً: هههههههههه
سعيد : ههههه يعلها دوم
ريم : وياك
سعيد : هزاع حاشرني من متى روحينا عنهم .. هذوه يدق
ريم : رد انزين
سعيد : الحين ... هلا هزاع !
هزاع : ي الحيوان .. شًو ها تخونون فينا .. بعد مناحس كل موترات بيتنا ماشي الحمدالله و اشكر وحده عند رشود و وحده عند أبويه و وحده امايه طالعه فيها و وحده انته شاحتنها .. حتى الدريول محد مسافر ..
سعيد : ههههههههههه .. انزين ترا رشود ف المول وياكم
هزاع : احلف انته بس يعني ما تعرف رشود .. خليتني بروحي شرات الأهبل حتى حمود سار
سعيد : ههههههههههههه وحليلك. انزين ليش ما سرت وياهم .!!!
هزاع : لان انا الغبي قلت لهم سعود الحين بي و ما توقعت بتيلس نص ساعه ي الـ......
سعيد : ههههههه الحين الحين ههههههه الحين بيك ..
هزاع : يا وييلك ان تاخرت طالعين من البيت 12 و الحين 2:30 متى بنزهل للبارتيً
سعيد : خلاص بلف اييب علايه و بيك
هزاع : و ريوم ؟؟
سعيد : هذي ويايه
هزاع : اها جني فهمت ليش تأخرت
سعيدً ابتسم
هزاع : خلاص سامحتك .. انزين اصلا انا متواعد ويا واحد من الشباب سير خل ريم تغير ملابسها و دق ل علايه. عشان تتزهب
سعيد ؛ اوك ي الله عيل باي
هزاع : باي
....
ريم : هههههههههه شفيه هزاع يطحون ؟
سعيد : ههههههههه تام ف المول بروحه
ريم : هههههه المسكين
سعيد : ي الله الحين بوصلج البيت سيري بدلي و انا بعد بسير البيت و ببدل و بي القاج جاهزه
ريم : اوك ..
إظهار التوقيع
توقيع : فتاة أنيقة
#3

افتراضي رد: البارت الثاني من :رواية مالت عليه يوم حبيت انسان ما ينحب

يسلمو ياقلبي
إظهار التوقيع
توقيع : وغارت الحوراء
#4

افتراضي رد: البارت الثاني من :رواية مالت عليه يوم حبيت انسان ما ينحب

جهزت للبارتيً و خلصيت كنت لابسه جنز ازرق سماوي و بلوزه بيضه و عليها صوره نيويورك ف مربع و لبست جوتي فسفوري اصفر و سرت أستنا سعود .. شافيت رشود نازل من فوق
رشود : وين بتسيري ؟؟
ريم : ما عرف
رشود : تستهبلي!
ريم : عوذ ب الله شفيك بسير وَيَا سعيد و علايه نيب هزاع من المول بعدين بنسير بيت خالتيه عشان البارتي
رشود : هيييه هههههه وانا أقول ليش هزاع داق لي طلعتو مخونين فيه
ريم : ههههه هيه
رشود : هيه عيل برايج انا بسير ايبً ربيعي من المطار
ريم : ك .. يحفظك
رشود : ي الله باي
ريم : باي
...
طلع رشود و فها الوقت دقت لي فطوم ...
ريم : هلا والله ..
فطوم : اهلين ريومي
ريم : شحالج الغلا
فطوم : يسرج فديت روحج
ريم : دوم ان شاء الله / أمره تفداج روحي
فطوم : هههه أمره إنت بايعه عمرج عادي واحد ف الشارع بقولج فديتج تقولي له أفداك
ريم : هههه شو أسوي عاده يوم ربيعتج ما خلت حد ما فدته بروحها ������
فطوم : هههههه يحيج والله
ريم : يحيج و يغنيج ...
و اسمع صوت هرن خاري ....
ريم : فطوم دقيقه .. قسم اذا بنديتي بذبحج
فطوم : ههههه ما ببند
...
ركبت الموتر جدام .. بس عوار ف هزاع
...
ريم : انزين فطوم
سعيد يرمسني بصوت خفيف : هاي فطوم مال رآك ؟؟
خزيت راسي يعني هيه
سعيد : اون سلمي عليها
ريم : ههههههههههه يغربل ابليسج ������������������ شو عيدي عيدي ههههههه اخ بطني ههههههه
فطوم : ريوم الزق ما يضحك ������������������
ريم : هههههههه تقفطيعو .. الحين من جده صيح عليكم و اون يا يبا يسلم علسكم و عطا ريس و جدام الكل ������������
فطوم : اييييه ريوم ما يضحك ������هههه
ريم : أسفه أسفه ...
و خضتنا السوالف ل ساعه كامله و فهاي الساعة
سبنا علايه و هزاع و وصلينا بيت خالوه و نزليت و سلميت ع الكل و شفت فهد نازل من فوق و وياه شيخه داقين سوالف
نزلت راسي و سكت
فطوم : ريوم ليش سكتي
ريم : فهد جدامي
فطوم : برايه شتبينه خليه ينقهر سيري مسكي أيد اي واحد و قولي.......
ريم : ايييه شو تستهبلي هههههه عاد انا مب سخيفه جي
فطوم : حيوانه براج
ريم : شو عيل تبيني أسوي ها ..
فطوم : هيه ما فيها شي ������
ريم : ما بسوي مستحيل ..
فطوم : ع راحتج
ريم : اقولج بسير يبوني
فطوم : برايج
....
هزاع : ريييييييم
ريم : هاااا
هزاع : هواااا
ريم : شو تبا ؟؟
هزاع : تعالي ساعدي
ريم : ما روم ما تشوف شو لابسه انيقه اليوم
هزاع : وين شرات كل يوم بس اضن اليوم شي محطيه فويهج
ريم : جب جلب
هزاع ؛ انزين اقولج سيري عند فهد و خضي ها مال البلون نسيت اسمه
ريم : البمب
هزاع : هيه ها هو
ريم : تعال البارتي حق شو ؟؟
هزاع : تصدقي ما عرف اقولج قلبي ويهج
ريم : زين زين




رد: البارت الثاني من :رواية مالت عليه يوم حبيت انسان ما ينحب
إظهار التوقيع
توقيع : فتاة أنيقة
#5

افتراضي رد: البارت الثاني من :رواية مالت عليه يوم حبيت انسان ما ينحب

العفو

إظهار التوقيع
توقيع : فتاة أنيقة
#6

افتراضي رد: البارت الثاني من :رواية مالت عليه يوم حبيت انسان ما ينحب

شكرا يا عثل
إظهار التوقيع
توقيع : Nada Ndod
#7

افتراضي رد: البارت الثاني من :رواية مالت عليه يوم حبيت انسان ما ينحب

جميله وكملى يا حبيبتى
#8

افتراضي رد: البارت الثاني من :رواية مالت عليه يوم حبيت انسان ما ينحب


المشاركة الأصلية كتبت بواسطة nada ndod
شكرا يا عثل

المشاركة الأصلية كتبت بواسطة nody smile
جميله وكملى يا حبيبتى
اكيد راح كمل البارت الثالث ان شاء الله
إظهار التوقيع
توقيع : فتاة أنيقة


قد تكوني مهتمة بالمواضيع التالية ايضاً
الموضوع كاتب الموضوع المنتدى
ملف لروايات كامله بأقلام عدلات الذهبيه, روايات حصريه بالعدولات ,شاركينا بروايتك السفيرة عزيزة أقلام عدلات الذهبية
رواية فجاة ينتشر الحب البارت الرابع عشر دنيا الداودي أقلام عدلات الذهبية
[قصص طويلة] رواية مالت عليه يوم حبيت انسان ما ينحب فتاة أنيقة قصص - حكايات - روايات
[قصص مرعبة] رواية القرار المؤلم البارت الأول بقلمي . كيوكو تشان قصص - حكايات - روايات
نجيب محفوظ ريموووو شخصيات وأحداث تاريخية


الساعة الآن 12:44 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل