درس عمل مطر ثابت على الصورة

إزيكو يا عدولات
ف الموضوع دة هشرحلكوا إزاي نعمل مطر ثابت ع الصورة
وفـ درس تاني إن شاء الله مطر متحرك مجهزاه بردو وهنزله
المهم مش هرغي كتير ندخل ع الدرس
دة أول درس ليا فـ أتمنى يبقى الشرح واضح بالنسبة ليكو
كنت عايزة اعمله فـ تصميم بس معنديش المواد اللي محتاجاها
المهم يلا بينا ع الدرس ...

هنفتح الفوتوشوب
من قايمة ملف هندوس فتح
اللي نسختهم إنجليزي File > Open



هيظهرلنا المربع دة



نختار الصورة اللي عايزينها وندوس فتح , open

(الصورة أنا معدلة عليها بحيث تبقى مناسبة يتعمل عليها مطر عشان لما كانت فاتحة زي م هي مكنش باين أوي )


هنضيف لير جديد عن طريق إننا ندوس عالأداة دي من صندوق الليرات



نتأكد إننا واقفين ع اللير الجديد



هنروح للصندوق بتع الأدوات




نتأكد إن اللون مكان مـ محددالكم إسود
ونختار أداة الدهان (معلمة عليها بردو)



هندوس ع الصورة هنلاقيها إتعبت بالإسود



هنختار من قايمة النوافذ فوق مرشح > تشويش > إضافة تشويش
اللي نسختهم إنجليزي Filter > Noise > Add noise



نخلي القيم كدة زي الصورة ( المقدار 400 ونحدد الحاجات اللي متحددة )



مرة تانية هنروح لمرشح بس هنختار تمويه > تمويه توجيهي
اللي نسختهم إنجليزي Filter > Blur > Motion blur



ونخلي القيم كدة زي الصورة ( الزاوية 60 والمسافة 35 )



هندوس من الكيبورد على Ctrl+L ( يعني كنترول وحرف الإل فـ نفس الوقت مع بعض )
هتطلعلنا النافذة دي نخلي القيم زي الصورة



هنروح لصندوق الليرات هنلاقي من فوق كدة مكتوب عادي (Normal)
هندوس عليها ونختار شبكة
اللي نسختهم إنجليزي Screen



هنروح لصندوق الأدوات مرة تانية ونختار الإنتقال إلى إيمج ريدي



هنروح للير الصورة الأساسي لو قدامه فيه رسمة القفل لو مفيش مش لازم الخطوة دي
المهم هندوس عليه مرتين هتطلعلنا النافذة دي ندوس موافق (ok)
هنلاقي القفل راح



كدة خلاص الصورة جاهزة هنحفظها
من قايمة ملف > حفظ المحسن باسم
اللي نسختهم إنجليزي File > Save optimized as




النتيجة



أتمنى يكون شرحي واضح
لو في حاجة مش واضحة أوضحهالكم

مستنية رأيكم يا عدولات