أو

الدخول بواسطة حسابك بمواقع التواصل

#1

2131 1168506062 علمتني أمي .. هكذا تكون الصدقة

علمتني أمي .. هكذا تكون الصدقة


وانا صغيره كنت دايما اروح مع ماما السوق نشتري حاجات البيت سوا.. مرة واحنا ماشين لاقينا راجل كبير ماشي على جمب كدة.. كان شكله غلبان ومحني.. بس مكانش بيشحت.. بعد ما مشينا وعديناه بكذا خطوة ماما فتحت كيس الفلوس بتاعها وطلعت فلوس وقالتلي روحي اديهاله..



اخدت الفلوس ورجعت أجرى نحيته وقبل ما اديله الفلوس بصيت فيها لاقيتها عشرين جنية..،
في الوقت دة عشرين جنية كان مبلغ مش قليل! فقولت اكيد ماما غلطانة
رجعتلها قولتلها راحت بصت في كيس الفلوس لاقت انها غلطت فعلاً وانها كان قصدها تديله فلوس أقل..



ماما بدل ما تاخد مني الفلوس قالتلي :


"لما تيجي تطلعي صدقة متبصيش فيها.. متستكتريهاش.. دة رزقه اللي ربنا أذن له بيه متمنعهيوش انتي"



روحت اديت الراجل الفلوس ومشينا.. بس بدل ما ندخل السوق.. ماما مشيت من شارع تاني

=احنا رايحين فين يا ماما





- هنفوت على جدتك ونروح

= مش هنروح السوق؟

- لا ما احنا اشترينا خلاص!






مرة كنا انا وماما قريبين من محطة مترو وواقفين نشتري حاجات.. بنت طلعت من المترو شايلة كتب وواقفة تستنى الميكروباص.. وبعدين بدأت تدور في شنطها على حاجة.. واتلبخت..
الميكروباص لما جيه مركبتش.. وفضلت تدور في شنطها..
وبعدين بدأت تمشي مع إتجاه الميكروباص ومركبتش بردو..
ماما مشيت ناحيتها بسرعة ندهتلها وقالتلها :
خدي يا ماما باين الفلوس دي وقعت منك!



البنت التفتت وبصت للفلوس ببهجة وكانت شبه بتضحك من الاندهاش!

ماما مدتهاش فرصة تفكر وسابتلها الفلوس ومشيت..

ولما سألت ماما

= عملتي كدة ليه؟

قالتلي

- فلوسها ضاعت وكانت هتروّح مشي وهي راجعة من الجامعة تعبانة..

= طيب اديتها فلوس اكتر من أجرة الميكروباص ليه.. شكلها كويس و مش محتاجة الصدقة..

- علشان متفهمش وتتحرج تاخد الفلوس.. "لما تعملي خير حاولي تخفيه ومتمنيش بيه على حد"







كانت ماما دايما تشتري حاجات ملهاش لازمة عندنا اوي.. زي مثلا الحاجات الخوص اللي بتتعمل يدوي او مفارش ومشايات... أو أي حاجة كدة صحابها مفيش عليهم زحمة أو إقبال على بضاعتهم..



ورغم إن ماما تعتبر ناصحة في البيع والشرا وبتعرف تفاصل والكلام دة إلا أنها في مرة اشترت موكيت للطرقة شكله مش حلو ودفعت فيه فلوس كتيرة..



قولتلها : البتاعة دي غالية اوي يا ماما ما تساويش الفلوس دي..
تعالي نرجعها احنا لسة قريبين من الراجل.. لو مكسوفة هاتي ارجعهالك انا..

وكنت مصممة اوي..



لاقيتها بتقولي :
" احنا مش محتاجين الموكيت دي بس الراجل دة محتاج الفلوس ومحدش بيشتري منه ومينفعش نديله فلوس من غير ما ناخد منه بضاعة نحسسه انه شحات أو نكسر عزة نفسه..
لما تمشي في يوم في سوق لوحدك دوري على الناس دي.. نفعيهم من غير فصال
واتصدقي عليهم باكتر من تمن بضاعتهم دول مساكين"







دروس كتير ماما اديتهالي عن الصدقة لو أعدت احكي عنها البوست مش هيخلص..



وعلى غير العادة مش هعد احكيلكو ربنا كافئنا ازاي في كل موقف..
مع ان فعلا في كل مرة الأجر كان بيبقى أضعاف مضاعفة وبشكل مدهش..



لكن اللي اقدر اقوله إن ماما علمتنا إن الصدقة مش فلوس زيادة معانا بنحطها كل أول شهر في صندوق الجامع..
ولا هي مبلغ زيادة عن طلباتنا ومش محتاجينه.. ماما علمتنا إن الصدقة ليها فنون ❤ واديتني دروس عملي فى اتقانها



و علمتنا إن الصدقة
تُنجي..
تشفي..
تحفظ..
وتُطهر..
إن الصدقة تُفك بها الكروب.. وتُيسَّّر بها الأمور.. يُستجاب بها الدعاء.. ويُرفع بها البلاء.. ❤


منقول

علمتني أمي .. هكذا تكون الصدقة



إظهار التوقيع
توقيع : سماء الأمل
#2

افتراضي رد: علمتني أمي .. هكذا تكون الصدقة

جميييييييييل يا عسل
إظهار التوقيع
توقيع : حڸآۉة آڸرۉح
#3

افتراضي رد: علمتني أمي .. هكذا تكون الصدقة

ادعوا الله الكريم ان يحفظ لكي هذه الام العظيمة التي انشأت ابنه استطاعت ان تعلمها ما هو المعني الحقيقي للصدقه بفضل هذه المواقف الجميلة وغيرها من المواقف . وان يحفظ لنا ابائنا وامهاتنا جميعا. كلامك جميل جدا ويبعث علي السعاده. بشكرك وبشكر والدتك جدا تسلمي يا عسل وربنا يحفظك ويطول في عمر آبائنا وامهاتنا جميعا
#4

افتراضي رد: علمتني أمي .. هكذا تكون الصدقة


المشاركة الأصلية كتبت بواسطة ترنيمة أمل
جميييييييييل يا عسل

ربنا يبارك فيكي
نورتيني رد: علمتني أمي .. هكذا تكون الصدقة

إظهار التوقيع
توقيع : سماء الأمل
#5

افتراضي رد: علمتني أمي .. هكذا تكون الصدقة


المشاركة الأصلية كتبت بواسطة ربي وفقني
ادعوا الله الكريم ان يحفظ لكي هذه الام العظيمة التي انشأت ابنه استطاعت ان تعلمها ما هو المعني الحقيقي للصدقه بفضل هذه المواقف الجميلة وغيرها من المواقف . وان يحفظ لنا ابائنا وامهاتنا جميعا. كلامك جميل جدا ويبعث علي السعاده. بشكرك وبشكر والدتك جدا تسلمي يا عسل وربنا يحفظك ويطول في عمر آبائنا وامهاتنا جميعا

الموضوع منقول حبيبتي
واللهم آمين لدعائك الجميل
ربنا يحفظ الأم العظيمة دي ويحفظ كل أب وأم أحسنوا في تربية أولادهم ويبارك في أعمارهم
ويرحم من مات منهم

وربنا يكرمك ويبارك فيكي
شكرا لردك الجميل
نورتيني رد: علمتني أمي .. هكذا تكون الصدقة

إظهار التوقيع
توقيع : سماء الأمل
#6

افتراضي رد: علمتني أمي .. هكذا تكون الصدقة

موضوع رائع جزاك الله ألف خير
إظهار التوقيع
توقيع : أمال ميما
#7

افتراضي رد: علمتني أمي .. هكذا تكون الصدقة


المشاركة الأصلية كتبت بواسطة سماء الأمل
الموضوع منقول حبيبتي
واللهم آمين لدعائك الجميل
ربنا يحفظ الأم العظيمة دي ويحفظ كل أب وأم أحسنوا في تربية أولادهم ويبارك في أعمارهم
ويرحم من مات منهم
وربنا يكرمك ويبارك فيكي
شكرا لردك الجميل
نورتيني رد: علمتني أمي .. هكذا تكون الصدقة
اللهم امين

#8

افتراضي رد: علمتني أمي .. هكذا تكون الصدقة


المشاركة الأصلية كتبت بواسطة أمال ميما
موضوع رائع جزاك الله ألف خير

وجزاك مثله وزيادة حبيبتي
نورتيني بردك الجميلرد: علمتني أمي .. هكذا تكون الصدقة

إظهار التوقيع
توقيع : سماء الأمل
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
اسباب العقم وتأخر الإنجاب عند المرأة ريموووو مرحلة الحمل والولاده
مصطلحات نفسية : المزااااااج ¥~alaa ~¥ العيادة النفسية والتنمية البشرية
هكذا علمتني وتعلمت من الدنيا زهرة الأوركيدا حكم واقـوال
سوف تبكيك مواعظي ( متجدد ) ام عشتار المنتدي الاسلامي العام
رسائل عيد الام 2024 - رسائل لحماتي 2024 - احدث مسجات عيد الام 2024 Änắ Äşlŋ Sǿ Cuẗê صور تهنئة


الساعة الآن 03:42 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل