أو

الدخول بواسطة حسابك بمواقع التواصل

#1

افتراضي رواية دموع خلف حدود الضباب/؛كاملة

امتلت ذاكرتي بالكثير من
الاحداث الخياليه اود
لو اطلعكم عليها
لتحلقوا معي في خيال الروايتي
التي سنعيش ظروفها,حزنها, فرحنا مع أبطالنا كبار ام صغار
اسمحو لي ان اخذكم في رحله
من الخيال
ارسم لكم من احداث خطتها اناملي
للوصول للقلوبكم قبل عقولكم
بكم انتم متابعيني الاعزاء استمر بالعطاء
فكونوا دائما بقربي
أتمنى منكم التفاعل معي في اول بدايه لي
انتقدوني واذا اخطأت فالعذر منكم احبتي

روايتي الأولى : دموع خلف حدود الضباب من تأليفي

لاتلهيكم الرواية عن دخول وقت الصلاة
.
جيت أبي أرسمك في حضن الضباب
ضحكتك تحكي عن القلب البري

هيبتك مع طيب قلبك بالرضاب
قلبك الطيب وانا قلبي بري

شفت حرفك ينتشي روعة سحاب
ينثر الأمطار للورد الطري

ما حمل قلبي لكم ادنى ارتياب
ود يبقى لا تصدق مفتري

أنقري صدري بساعات العذاب
ويل قلبي ليت شعري ينقري

بطلي تركي)
عمره (26)هادي في اغلب الأحيان
ملتزم بشغله ودوامه من عايله معروف
مع هذا له شغله الخاص وبدأ يكون نفسه
من سنين وعايش بالجنوب شخصيته قويه نتعرف عليها بالاحداث
ملامح وجهه حاده وعيونه عسليه من يشوفه يهبه له حظوره الخاص بأي مكان
بطلتينــــــــــور)
عمرها(20)حساسه حيل حيل ودمعتها في طرف عينها
عيونها تنطق براءة بيضاء نفس قلبها عندها غمازتين تحليها اكثر
والباقي نكتشفه مع الأحداث


كأي يوم طالع من دوامه وراجع شقته الي يشاركه فيها خويه ناصر وتوأم روحه وبحكم انه عزابي مافرقت معه همه الاول والاخير يكون نفسه بأي طريقه ممهما كانت صعوبتها ومعروف بالمناطق الجنوبيه كثرت الامطار،والضباب،والرعود وكانت الساعه خمس وماابقى شي كثير ع وصوله
قبل تغرب الشمس الا تتعطل سيارته ضرب الدركسون بغضب : اوووووف مو وقتك
ليش فكرت ارجع مبكر جنب سياره زين وكان يفكر بالحوسه مشخص وثوب والجو باين انه على وشك تمطر وكان فيه ضباب كثيف توكل ع الله ونزل وطلع يشوف العطل
في نفسه : اي نويصر مكبر المخدة متى الحقه بس
فتح الكبوت يتطمن ع الوضع شيك ع السريع ومالقى شي الا وبدأت السماء تمطر ع خفيف وتزداد مع مرور الوقت
حس الوضع زاد عن حده وكان بيركب الا ستوقفه صوت ونات اول من جا بباله جن بحكم الجبال الي حوله وهو في نيته يخلص باقي المشوار ركض بعد الصوت





تعوذ من ابليس وحصن نفسه
في داخله : جاني احساس مرهف ياهي ضبيه ولا غزاله اصلاا ماعندنا غير الغنم
بس وش له يون ذا الوقت
حس الصوت بدا يعلى شوي ويوضح له
سمى بالله وهو يقرب من مصدر الصوت
والضباب يحجب الرؤيا حس انه شخص يتألم وموب شايف شي همس بهدوء :تو احس بفايدة جوال ابو كشاف
ومشي بحذر الا رجله صدمة بشي وطاح من طوله فكر يحط رجله من التوتر الي عاشه بداخله وحس الصوت جاي من حوله وسمع صوت بكى نقز من المنظر الي شافه بعد انقشاع الضباب
شاف بنت مرميه بالارض
بداخله : مااحط ولا ١٪ انها حيه
شافها ترجف قرب لها ورفعها بين ايديه
مادقق كثير شالها وهو متجه لسيارته وخطر في باله من شافها خواته وماهانت عليه يتركها فتح سيارته وحطها بالمرته الخلفيه وركب قدام كل امله انها تدفى لانها متجمدة
فقد الامل بسيارته حط راسه ع الدركسون وهو يقطر مويا : يارب وش بيدي اسوي
حاول اكثر من مره فيها تشتغل وحصل وشتغلت وانصدم وبدون تفكير حرك
وبهمس : ربي كاتب لك عمر جديد



إظهار التوقيع
توقيع : البرنسيسة2000
#2

افتراضي رد: رواية دموع خلف حدود الضباب/؛كاملة


في المستشفى

دخل شخص زي المجنون ويصارخ ولبسه مبلل وكل طين والي بين ايده ماكانت احس حال منه
يبكي ويصيح باادقان : الحقووووو زوجتي بتموت تكفون
الكل خاف من منظرها كانت شفايفها مزرقه وترجف
خذوها منه وحاولوا يهدونه اما هو مستمر يصارخ وعايش جوه
وهو يدف الممرض : ابعد ابي اشوف زوجتي
الممرض سحبه وجلسه : استهد بالله يارجال قول لا اله الا الله
التفت فتح عيونه ع وسعهم : ماتت
الممرض ابتسم له : شفيك اذكرك بس
اخذ نفس جلس على الكرسي ورجع راسه للخلف وغمض عيونه يفكر لو سالوه وش تقرب له عبيء ورقة البيانات
فتح عيونه اخذ فتره وهو ع وضعيته وشاف لبسه ضحك ع خفيف من مسرحيته : خلاص تركي سويت الي عليك يكفي جبتها لهنا طولت مرة نص ساعه وانا جالس
تحرك متجهه للباب حس بشخص مسكه من كتفه جمدت اطرافه وكابر
التفت : هلا
الممرض مبتسم : زوجتك فاقت تبي تطمن عليها ثم نعبي البيانات لزوم النظام تدري
تركي بداخله :وش هالورطه
بلهفه مصتنعه : اكيد بشوفها
الممرض وهو يدله ع الطريق لغرفتها : تفضل معي
تركي شكره والتفت للباب المقابل له اخذ نفس وطق الباب دخل وهو منزل راسه
واقرب كرسي جلس عليه
سمع تمتمه بس مااهتم
حس ماله داعي وقف بيخرج
سمعها تقول : لوسمحت متى يطلعوني مااحب المستشفيات
التفت لها لااراديا
اغلب مايكون ملاك عيونها مرسومه بدقه وشفايفها صغيره وعدسات عينها تلمع وخدودها المورده
اعطاها نظرة ورفع حاجبه : ليش
البنت بتعجب : مو انت زوجي
تركي (كملت) بتردد: يعني مدري وش اقول
وطلع وتركها تتسأل شفيه ذا
اما عند تركي وش هالبلشه وتجهه لبوابة المستشفى
مااحس الا بشخص مااسكه تنهد((شفيهم علي اليوم )): امر
الممرض : الدكتور يبيك
تركي ((من سلطهم علي)): اي طيب اصبر
وتجهه لغرفة الدكتور سلم عليه وجلس : صراحه ياخوي خلك مااأمن بقضاء ربي
تركي نغزة قلبه: ونعم بالله مختلفنا
الدكتور : مع الايام بتذكرك ان شاء الله المريضه فقدة الذاكره
تركي حس هم من جبال نزل ع صدره وبصرخ : شلوووون
الدكتور ينظرت شك : هي جاتها رضه في مؤخرة الراسه لكن ممكن مع الايام تذكر
تركي حس بنظراته وصافحه : مشكور
قابل الممرض بطريقه: لحظه اجيب الورق
تركي حس فيه شي اتجهه لغرفتها ودخل بسرعه
من شافته مخبوص خافت : شفيك
تركي اتجهه لها بسرعه وشال المغذي من ايدها : تغطي
ناظرته ببراءة وخوف
صرخ فيها : بسرعه
نقزت من صرخت تحركت بتمشي فقدت توازنها قرب لها ومسكها
بخوف :تحسين بشي يألمك شي
البنت هزت راسها بالنفي
مسك ايدها لا شعوري وقرب للباب تاكد ان محد فيه وطلع
ترك ايدها ومشي : امشي ولاتتكلمين
شوي مر من جنبهم شخص طويل القامه ومغضب وكله اسود بسود
مااحس الا بااظافر مغروزه بذراعه
تركي التفت لها : فيك شي
البنت تبكي : فجاءة حسيت بشي غريب
تركي شاف الرجال الي مشى شك انه سوى لها شي لانه من شافته اختبصت شاف وجهها كانت مغطيته
مسك يدها يحسسها بالامان
ومشي بهدوء ويدعي ربه محد يطلع بوجهه
بهمس : ياصبر الارض
وطلع من البوابه والمطر يتساقط عليهم : اسرعي قبل نبرد
وصاروا يركضون لمن وصل سيارته
ودخلوا
حط راسه ع الدركسون يتنهد
حس باايد ناعمه تلامس يده
:تعبان
تركي بقرف: ها خير
سحبت يدها مجروحه من تصرفاته لها

إظهار التوقيع
توقيع : البرنسيسة2000
#3

افتراضي رد: رواية دموع خلف حدود الضباب/؛كاملة

جميل ياقمر بالتوفيق حبيبتي

إظهار التوقيع
توقيع : جنا حبيبة ماما
#4

افتراضي رد: رواية دموع خلف حدود الضباب/؛كاملة

تركي بتفكير: وين ارميها ذي بالغابه ولا بالوادي شفيني استهبل الحين
طلع جواله وتصل بشخص : الو ها خير شتبي محد يرتاح منك
تركي بتعب :## في وجهك قم ثم خذ ملابسك ولا اشوف وجهك واطلع من الشقه
ناصرفز : وين اروح تمزح
تركي بتهديد: ربع ساعه ارجع القاك ماتلوم الا نفسك
ناصر بمزح: موب قايم امش ورني شطارتك
تركي بياس منه: اذا طلعت الاسبوع ذا وجباتك كلها علي
ناصر حس فيه شي : زين بروح لسعد

تركي سكر منه وبداخله: خلصنا منه واخذ نفس

اما هي تناظر بملامحه الحاده وخشمه المنحوت وذقنه وهو موب معها
تركي بتفكير : وين اروح فيه بيت اهلي قمته يالطيف
استغرب سكوتها ولف
شافته اختبصت وجهها حمر من الحيا
تركي رفع حاجبه : فيه شي
البنت بتردد : وين بنروح
تركي بغضب وصد :الشقه
البنت تلعب بااصابعها : طيب مااذكر شي
تركي وصلت معه وصرخ: طبيعي ماتذكرين فاقدة الذاكره ماتفهمين
شوي الا سمع شهقاتها
تركي بداخله: وش ذنبها الحين وانا انبلش فيها
ومر الوقت حتى وقف سيارته
رفعت راسها للعماره الفخمه
فتح درجه الامامي طلع جوال ومده لها ومفاتيح من جيبه
وتصل ع ناصر
بغضب : وينك
ناصر بزعل : عند سعد
تركي بضحكه: اقرب جدار زين
ناصر : نذل من يومك عشان دافع فلوسها انت مااخذت كل ملابسي برجع اكمل بعدين
تركي بعجله : انا اجيبهم لك لااشوفك تقرب
وقفل منه لقاها تناظره بسرحان
تركي بسخريه : اول مره تشوفين شخص يضحك
انتبهت وشالت عينها عنه
تركي تنهد بتعب : نزلي بالدور الخامس شقه ١٣ وقفلي الباب زين واذا دقيت تفتحين غيره لا والجوال صار شي دقي علي مسجله تركش والمفتاح لاتشيلينه خليه بالقفل زين
البنت : حاضر
حط راسه شويتين دق يتطمن اذا عرفت وبعدها حرك لمكانه المقصود
أخذ ساعه ونص على مارجع لها
دق عليها ماهي الا ثواني حتى فتحت له الباب وطبت فيه وتمسكت بأيده وهي تبكي
:تكفى الله يخليك لاعاد تتركني
تركي يهز راسه (عزابي وش البلشه)نزل الاكياس من ايده وقفل الباب
سحبها وجلسها معه ع الكنبه وهو بالقوة ماسك نفسه : خلاص ماعاد بتركك زين
تركي مسح دموعها وهو مبتسم (اصلح زوج ) اخذ نفس : مافي نيتك تبدلين ملابسك ابد
سحب كيس وطلع بجامه شتويه ورديه فيها فرو ورفعها قدامها
ومده لها وقفازات وجوراب
تحت عيونها الي تلمع من دموعها وتشهقق: حلوه حيل
التفتت لها وحس بضيق من الميانه طلع قبعه صوف وحط براسها واعطها ظهر ومشي متجهه لغرفته: هاذي لك لبسها وباقي الاكياس الثانيه وتدفي زين
وهم بعد جبت غداء خذيه والدفايه ع يدك اليسار
وجا بيكمل طريقه
استوقفه صوتها الناعم : وانت
تركي تنههد: مو مشتهي
البنت بصوت يكاد يسمعه: مشكور
تركي ضرب باب غرفته بدل ملابسه اخذ شور ولبس شورت حس بالكتمه فصخ تي شيرته ورما نفسه ع السرير وهمس لنفسه :وش سويت ياتركي
ماهي الا ثواني حتى نام من الارهاق

إظهار التوقيع
توقيع : البرنسيسة2000
#5

افتراضي رد: رواية دموع خلف حدود الضباب/؛كاملة

تسلمى يا قمر

إظهار التوقيع
توقيع : العدولة هدير
#6

افتراضي رد: رواية دموع خلف حدود الضباب/؛كاملة


في منتصف الليل
كان نايم فجاءة صار يسمع صوت صراخ نقز من فراشه يحسب احد من جيرانه وستنتج ان الصوت من عند ضرب راسه وخرج ركض من غرفته وهو ناسيها وسالفتها والف فكره براسه طق الباب :يابنت الناس افتحي الباب
وتستمر بالصراخ
اضطر يكسسر االباب
انفجع من منظرها طالعه كانها طفله بالبجامه الي اعطاها
بتعجب: نايمه
وراح ركض لها قبل ما الجيران يجونه
هزها يمين يسار وزاد حالها عطاها كف
فتحت عيونها بفجعه
تركي بعبط : تبين كف ثاني ولا كفاك
رجعت للخلف وتكت ع السرير وضغطت ع راسها ببكى : ليش يلحقوني وش يبون مني
تركي بهمس والله محد بيجيب خبري غيرك
فجأءة مااحس الا هي بحضنه
تركي ممن الصدمه رفع ايده ويطالع لها: هي انتي
ابعدها عنه بهدوء ومسح دموعها : ايش حلمتي فيه
أخذت نفس من بعد البكى : رجال يلحقوني بيقتلوني
تركي بستفهام : ليش؟
مسحت دمعه تسللت لخدها بطريقه طفوليه : مادري معرفهم موب واضحه اشكالهم
تركي وايده ارتخت من (يبيها وليش؟): طيب ارجعي نامي والصباح رباح
وقف ورجع سدحها وغطاها : يلا
لف بيطلع بس استوقفه مسكت يدها لذراعه : لاتروح
تركي لف عليها: انتي نامي الحين.
لاحظ الخوف والانكسار بعيونها
تركي تنهد : زين بنام ع الكنب لاتخافين انا معك
ببتسامه : نامي يلا
فرحت بوجوده : طيب
اما هو رما نفسه ع الكنبه بداخله: ياصبر الارض عششرين مره شفتها ولاتحل لي شلون ارميها بالشارع يعني لو بس اهلي هنا كان ارتحت وسكنتها عندهم لو بس اعرف من سبب خفوها توطيت ببطنهم
انا متاكد كل ذا مرتبط بالضربه
اهجد ياابليس ذا الفتره بس
اخر شي قاله ثم غفا ومااحس بنفسه
.
.
.
صحي ع تسلل أشعة الشمس للغرفه
تححرك بتعب من نومة الغلط عدل نفسه وهو يتمغط : يابووي انت
شده االلحافة االي كان مغطيه وابتسم لاشعوري رفع راسه انصدم من الغرفه
: الله وكبر وش صار
قام بعجله أول ماافتح الباب انصدم من كمية النظافه وريحة طبخ
تكلم بصدمه : وش صار من سوا كذا
البنت بحيا التفت له : انا
تركي يأشر عليها وعلى المجلس : انتي
وهزت راسها بضحك : والفطور بعد
اشرت ع الطاوله
تركي بداخله تو الاحظ غمازتها التعب وين والكلام : انتي تعبانه وش لك بالكرف ؟؟
البنت : حسيت اني احسن شوي قلت انظف
تركي هز راسه من اهمالها لنفسها : اتركي الشغل انا اجيب خدم ينظفون
اقبلت عليه ورفع راسه لها
وجهها مولع وصاده عنه وتأشر ع بلوزتها
تركي بعبط : نسيتيه بعد اسمه تي شيرت
البنت ماسكه ضحكتها
اما هو لف بيمشي وممقابله مرايا ((ياعليها ضحكه تهول استغفرالله))
رفع راسه للمرايا شاف انعكاسه عليها
لقى ماعليه الا شورت
فقع ضحك بصوت تسمعه : زين مانسيت شي ثاني
البنت وجهها قلب الوان
تركي ومتججججججججججججهه لغرفة : انتي أكلي اول مااخلص بفطر
البنت يتعجبه ((شفيه يعاملني كذا حتى ماكلف على عمره يشكرني ))
بعد ربع ساعه اخذ شور ولبس ثوبه وشخص بغترته وريحة عطره تسبقه

سحب الكرسي ومالقاها
وبدأ ياكل بهدوء عكس الي داخل قلبه
دقايق مرة قطع سكوت
صوتها بهمس : تركي
رفع راسه : نعم
بحزن : انا ناسيه انك زوجي خذني مكان يذكرني فيك بأاهلي حتى ماشفتهم جو عندي ولاسألوا
تكلم وهو يرص على سنونه : تعرفين من أهلك
بخوف : لالا بس ابي شي يذكرني فيهم
تركي بغضب اخذ منديل مسح فمه ورما : شبعت

وخرج وكان شي لم مكان
اما هي حطت راسها ع الطاوله تبكي ع حظها لااهل ولازوج يعاملها زين وغيره تحس انها مجهوله

اما عند شخص تنهد بضيق من تصرفاته
بعد مكان ناوي يعطيها توصيات ((قريب بترجعين لاهلك )) وطلع قفل الباب وراه
في دوامه كان مسرح وحط ايده تحت ذقنه
ويفكر فيها وبضحكتها وابتسم وهو يذكر ضحكها عليه وغمازاتها ويفكر انها صغيره
بس مايمنع تكون متزوجه بعد
سعد ميت ضحك : خله ينفعك تريك مااكلف ع نفسه يفطرك
ناصر بخبث وبهمس : تحسب امشيها له
قرب من تركي بدون مايحس دف ايده
بسرعه وضرب وجهه بالمكتب
: يال#####
ناصر رما نفس ع الكرسي وهو ميت ضحك: شف وجههك بالله
وبحركه سريعه من تركي رفس كرسي ناصر وطاح
سعد بضحكه : ياخي بفهم شغله اهلك بالشرقيه وانت هنا تدور الشقىى وخيركم واجد
تركي بضيق : مو شغلك وانا بكون نفسي لحالي
ناصر يحك راسه: اححح بس
تركي خزة : تستاهل ليته زود
. وخرج متجهه لمكتب المدير
المدير بتعجب : عسى ماشر اول مره تطلب اذن
تركي برزانته : عندي شغله ضروريه والشغل خلصته ودقتت عليه
المدير بثقه : انت ماتقصر بس ياليت خويك نفسك على العموم لو تبي اجازة بعد مامانع
تركي ابتسم له : مو محتاج يلا بالاذن
المدير : اذنك معك
اول ماطلع تنهد الا ناصر بوجهه : شعندك انت اليوم وامس
تركي انخرع: قل اعوذ برب الفلق
ناصر فتح عيونه ع وسعهم : شايف جني انت
تركي طنشه وتجهه للمواقف
ناصر صامل وراه : ع وين تو مااخلص الدوام
تركي وهو يفتح سيارته : مااخذ اذن اقلب وجهك
ناصر سوا نفسه متضايق ولف بيروح سحبه تركي وضمه وحاس بشعره : تعال يالعشير كله ولازعلك
ناصر بشهقه يدفه : اا ءءيالنذل لي ساعه اعدل فيه
تركي وهو يركب : قسم ماعندك سالفه
ناصر بصدمه : من جدك بتاخذ اذن تروك ماتسويها انت
تركي يقفل بابه : اقولك بعدين
تو بيحرك انفتح الباب الجانبي
اخذ فرامل ولف عليه
بصراخ : يالخببل افرض فرمتك دق الباب موب وانا محرك يالمجنوون
ناصر يرد عليه بصراخ: خبل انت كبر التيس وش تفرم
تركي ميت ضحك : زين تدري انك تيس
ناصر بنفخه : الشره ع الي يبي يخفف عنك
تركي ناظره بنص عين : المدير متوعد فيك انزل
ناصر باصرار : سعد يغطي غيابي

تركي يأس منه وهز راسه : نشبه

إظهار التوقيع
توقيع : البرنسيسة2000
#7

افتراضي رد: رواية دموع خلف حدود الضباب/؛كاملة

في المقهى
حط كوب القهوة وهو يناظر الجوال بحضنه
ناصر ناظر بتركي سرحان ومو معه : مدري وش اقول سويت الي يقوله ضميرك
تركي ويحط يده خلف راسه : البنت هاديه حيل لكن في مشكله انها ماتحل لي ومقدر اقعد معها اكثر من كذا والطامه عاد تحسبني زوجها
ناصر بتفكير : حيرتني
تركي بملل : فكرت احطها بااي مكان لكن تبين لي ان قصتها قصه وانا مو مخليها هي محتاجتني اكثر من قبل
ناصر يضرب كف بكف : لااستخف اخوي لاتحتك فيها كثير
تركي وهو يدق عليها : بتطمن ورجع لك
واتصل عليها اكثر من مره ولاترد
ضغط على جوال وبدا جبينه يعرق : ردي عاد
تركي اتجهه لناصر بعصبيه واخذ مفاتيحه : بروح اشوف ليه ماترد اخاف جاها شي
ناصر يهديه : انت هد ولاتكبرها مو جايها شي
وراح مطنش نداء خويه
ناصر بهمس : الله يكون بعونك ورطت نفسك

اما تركي مشاعره مختلطه خوف ومعصب مايدري وش يسوي بغا يسوي حادث وقطع اكثر من اشاره
وقف عند العمارة بسرعه ومااقفل سيارته
دخل الشقه ع عجله شاف الجوال ع الطاوله والبيت هادي
مسك الجوال مااحس الا هو يركض لغرفتها يحسب اغماء عليها

فتح الباب لقاها لامه نفسها ومتكوره جنب السرير على الارض انحنى لها ومسك اعصابه وبحنيه : شفيك ليه ماتردين علي
قاطعته بقهر : ماببببي ارررد

تركي تغيرت تعابير وجهه وبدا يغلي من داخل رما الجوال ع الجدار وتكسسر صرخ بغضب : تتعاااندين كيفك هو انا مااشتغل عندك فااهمه
ردت عليه بنفس مستوى صراخه : ماطلب منك شي الا انك تعلمني من انا وصديتني

تركي حسس انه مخنوق وانفاسه تتسارع : تبين تعرفين أسالي نفسك انا مااعرفك ولا ابي كل الحكايه اني لقيتك مرميه وشفقت عليك وانتي لاااحساس ولا ضمير
وعطاها ظهره بيطلع
استوقف صوتها : عيد ماسمعت

وتركي ساكت ماعنده رد
وصرخت: يعني صدقق ياحقيييررر ياكلب - وصارت تضرب ظهره
انت مو محرم لي كيف تقول زوجكك تكذب الكذبه وتصدقها وتدخل ولا كانك مسوي شي

تركي استفزته بكلامها ومسكها من رقبتها : يما بنات رمو نفسهم علي كل وحده ازين من الثانيه تجيينن انني الي معرف وين ارضك تعلمين الاخلاق والاصول كلمه ورد غطاها ياتقعدين باادبك مو انا اقطع راحتي عشانك وجلس مقابل وجهك عشان وحده ماهما الا العناد
كمل بسخريه : لو حقير استغليت ضعفك امس بس حسافه مايثمر فيك

ورماها ع سريرها وطلع وهي قطعت نفسها صياااح وهي تعيد كلامه وقشعر بدنها وهي تفكر انها خسرت املها الوحيد للامان
اما هوا دخل سيارته ورما نفسه وتصل ع ناصر ولا هو قادر يتنفس يحس انه مكتوم : وينكك تكلم
ناصر : انا مااخذ تكسي نسيتني ياخي
تركي بضجر : تعال بسرعه لاتتكلم واجد
ناصربقلق : شفيه صوتك وينك
تركي بتعب : قدام العمارة
كلها دقايق ناصر عنده وتبادلوا الاماكن
ناصر مكان السايق : مجنون اخليك تسوق
تركي مغمض عيونه : ممكن تسكت
ناصر يهز راسه : خذ غفوة ع مانصل شقة سعد اقعد معنا مافي روحه لها
تركي بتعب : زين زين
ناصر توقع الرفض لكن وافق
فتح سعد الباب : تركي؟؟
تركي سفهه وتجهه لغرفة ناصر ورما نفسه ع السرير ونام
ناصر حط يده ع كتف سعد: تعبان شوي
سعد يلتفت له : شكله موب ناوي يتغدا
ناصر : اي
الا تذكر : ها غطيت غيابي
سعد بضحكه : هذا همك اي غطيت عليك وامورك زينه
ناصر ياخذ نفس : ريحتني ياشيخ

أبطــــــــــالي
(نـــــــاصر):
عمره 26 خويي تركي من كانوا بالابتدائي خبل بمعنى الكلمه ودايم يطلع تركي من الهدوء الي هو فيه ومااخذ عليه من سنين وهو متوظف مع تركي وبيجمع فلووس عشان يتزوج

( ســــــعد):
عمره24 خويهم وعلاقتهم زينه معه لكن تتخللها فجوات وتعرفوا عليه بالدوام

(مــــــاجد) :
عمره 27اكبر منهم بسنه تعرفوا عليه ممن اولى ثنوي واخذ على جوهم
وبيننهم ميانه بنعرفه اكثر بعدين

.
.
.
بالنسبه لتركي اخذ له نومه مااحس ع نفسه الا هو قايم في منتصف الليل
ناظر ساعته بفجعه : الصصصلاة الله يهديك ياناصر ((قام توضى وصلى فروضه
طلع لقى ناصر ع الاب ويشتغل
تخصر بطريقه مضحكه : اشوفك صاحى وراه ماقومتني اصلي

ناصر يناظر لاب وهو يكتب : اي الكلام سهل عليك كل شوي داخل اصارخ وانت ولا سأل رافض تقوم

تركي جلس على الكنبه : ها بقيت لي عشاء ولا بلعته كله

ناصر ضحك عليه : فيه خير خذ الي تبي من المطبخ

تركي وقف فجاءة وضرب راسه: البنت

ناصر بملل: خلها بعد الي صار مفروض ماتروح

تركي اتجهه للمطبخ اخذ اكياس العشاء وناظر ناصر بضحكه: اخليها تموت
ناصر بشك : رجاااال
تركي يمثل ببرائه : بس اوصله ورد
ناصر ابتسم : تبي تشوفها
تركي بنظرة حاده : البنت ممكن ماتغدت ولا تعشت وانت مسوي تنكت
وطلع وقفل الباب وراه
ناصر وهو يثاوب : يطيب قلبك ياتريك المشكله محد يعرفك الا انا

وصل شقته وتردد ودخل كان الجو هادي والبيت بارد وصارخ : يابنت الناس وينك ترى عشاك بالطاوله انا طالع الحين

قرب من غرفتها وحط اذنه مااسسمع شي : اجل نايمه.

حط التكيف ع التدفئه وطلع
طلع وكله امل انه يلقى فكره تساعدها وصار يلف بالاحياء القريبه منه

شد انتبه ظل بنت وقدامها ولد باين انه يتحرش فيه هنا جن جنونه
تنهد : ياللله صباح خير

وقف جنبهم والدنيا ظلام اما هي تراجعت للخلف ودعست عبايتها وطاحت وفيها
الصيحه تحسبه خويه
جا تركي سحب الولد: لعنبوا دراك رجال انت
الولد ابتسم بسنونه الصفراء : لاتزعل انا اول بعدين انت
وهي بدت تبكي وتشهقق
تركي عصب ملامحه حاده : تبي تجرب
الولد بسخريه : لاتصيير طماع
تركي يشمر كم ثوبه : لالا ابد من قالك بتوصى فيك. وبدا يضرب الولد

الولد وجهه له لكمه في فمه ونزفت شفايفه
وتركي ماخلا فيه عرق صاحي طقه لمن طلع الي بقلبه ورتاح
التفت بغضب وهو مو شايفها : انتي امشي معي

انصاعت له وركبت وحرك وهو يناظر الطريق : وين بيتكم
بحزن : مدري
تركي بهدوء : يعني شلون أقطك هنا ولا
البنت شهقت : تررركي
اخذ بريك سريع التفت لها : مستحيييل
صرخ عليها : مجننووونه انني وش مطلعك شفتي الساعه كم
البنت بدت تصيح : طلعت ادورك خفت عليك والله من الصبح استناك ولارجعت
تركي يهدي اعصابه : بزر عندك انا ليش تطلعين
وهي مستمره ومغطيه وجهها بكفوفها: لانك طلعت زعلان والله اسفه موب قصدي خلاص بروح اي مكان بس ماتترك بيتك اصلا وش بستفيد وانت مو فيه حتى لو قعدت لحاالي مااحس بالامان
تركي تكتف : يومك قلقتي دقي علي
ردت بتردد : اذا نسيت كسرت الجوال
جا بيمد ايده يمسح دموعها وتراجع بسرعه
ومد يده للمقعد الخلفي وسحب كرتون المناديل : خذي امسحي دموعك
اخذته من ولازالت تشهقق : ششكرا ع كل شي
تركي بهبال : عفوا على كل شي
وصلوا ونزلوا ثنينهم مع بعض وهم ساكتين
فتح الباب وهي دخلت ركض للمطبخ رما نفسه ع الكنيه وغمض عيونه
بتفكير: تدور رجال طول بعرض
فجاااءه صررخ:اخخخخخ بارررررررد
توسعت عيونه ششافها وهي حاطه ثلجه ع شفاته
غمض عيونه : اقلها نبهيني اخترعت
تكلمت بزعل:انت ماتشوف جرحك
تركي ابتسم : شرايك بعد طالع من هوشه
بضحكه: تصدق كنت بطل والله رحمته


إظهار التوقيع
توقيع : البرنسيسة2000
#8

افتراضي رد: رواية دموع خلف حدود الضباب/؛كاملة

بضحكه: تصدق كنت بطل والله رحمته
تركي ابتسم وهمس : اوعدك
بتعجب : با أ يش ؟
مسك يدها الي فيها الثلج : أردك لأهلك با أقرب وقت
أخذ الثلجة وقام : تعشي كنت احسبك نمتي
ردت بسرعه :وانت؟؟
قبل يقفل باب غرفته : الحمدلله مو مشتهيي
وقفل
اما هي فكت عبايتها وكل تفكيرها بتضحيته وكيف بتردد كل الي سواه لها
وراحت تأكل وهي تحس لها ايام مااكلت


عند تركي وضع مختلف
رما نفسه ع السرير واتصل وهو متأكد بيلقى الرد
: هلا بنور عيني
تركي حس براحه: هلا فيك اكيد تصلين الوتر
بحنيه : اي حبيبي عارفني زين
تركي بتعب : يمه اشتقت لك
الام بعتب: انت وش مقعدك فاقدتك تعال الشرقيه عند خوالك وتعرف منت حاجة هالدوام
تركي عدل جلسته وتربع : اي تبينهم يقولون ابوه يصرف عليه وعلى زوجته
وبتردد : وبعدين محد يجبرني ع شي ما أبيه
الام تتنهد بضيق : ما بتسأل عن ابوك ؟؟
تركي بجمود : كنت شلونه ابوي
الام : نايم والله هادته الاشغال حتى وحنا بااجازة وبنغير جو عند خوالك وخواتك على جوالاتهم مايقصرون
تركي : جيل خربان كله كذا
الام : انت مضايق ياولدي
تركي بداخله : ياليتك تدرين بالي يصير
تركي بمرح ؛ وش ابي دام الزين راضيه علي مبسوط ومرتاح بعد
الام : الله ييسر امرك ياحبيبي
تركي بتردد :تأمرين بشي
الام: قم صل الوتر وقرا وردك
تركي : ابشري. فصل ومنها وسوا كل الي قالته
دق ع ناصر : ترى موب جاي ارقد
وفصل قبل يسمع طنازته ونام
وفي راسه يسحب ع دوامه ويأخذ اجازة ويتفرغ لها
في صباح يوم جديد يطل ع ابطال روايتي المزززززززززززز
صاحى من نومه وفي باله خطه بينفذها
اخذ شور لبس ثوبه وفتح الباب وطلع وهو يعدل كبكه ابتسم يوم شاف فطور جاهز جلس في الطاولة واستغرب عدم وجودها
وتذكر الي صار

دق باب غرفتها
تكلم بصوت مسموع افطرتي
ردت بنفس المستوى : فطور عندي جالسه افطر
تركي تنهد : زين
وجاء يلف الا على فتحت الباب : تركي
التففت شافها بعباية بتردد : ابي اكلمك بموضوع قبل تروح
سحب كرسيه وجلس : زين تفضلي تكلمي على ما أكل
بتردد : وقت ثاني
تركي با اصراره : قعدي
سحبت الكرسي وجلست قباله: اول ششي ماتزعل ولا تعصب
تركي : طيب
: الحين انا زودتها ببيتك حيل ومتعبتك وماانسى انك طردت خويك عشاني بعد
قاطعها : المطلوب
نزلت راسها : ودني مركز الشرطه وخلاص مابي شي
نزل كوبه بقوة ع الطاوله : تمزحين
رفعت راسها بسرعه : شفتتتتتت عصبت
تركي يهدي نفسه : ما ابي تدخلين مكان مو مناسب لك وبعدين انتي بنت وغيره المكان الي لقيتك فيه غريب شوي
تنهد: فهمتي
نزلت دموعها : ابد مافكرت بذا الشي

تركي بالحاح : لازم نفكر قبل كل خطوه انا مااعرف ماضيك وكل شي وارد وعيال الحرام يا مكثرهم ويلا امسحي دموعك

بحيا : أكل طيب قروشتك
تركي بيتسامه : صدقتي
ضحكت بخفيف : مطول اليوم بعد
تركي كاتم ضحكته : باخذ اجازة ٣ ايام
ردت بسرعه: ليشش
تركي بخبث : اتفرغ لزوجتي
وجهها انصبغ الوان وقفت بسرعه : مجنون

قاطعها : مزوح يالخبله انتي لاتشغلين بالك وانا بشوف طريقه ترجع ذاكرتك وماتدرين يمكن احد سأل عنك
جلست بعفويه : ملل
تركي وهو يشرب قهوته: مو مشكله العصر امرك
بفرح : صدق احلففف
تركي ابتسم ع عفويتها : اي
ضمت يدينها : اخيرا بطلع
تركي : وامس وش تسمينه ههههههه
انحرجت : ذاك شي غير

وطلع ومن شقته ومر اخذ اجازة بسهوله لانه نادر ما يطلب
دق جواله ورد من دون ما يناظر :ياخااااايين
تركي بضحكه : نعم شتبي انت
ناصر: طل بعيونك وراه ماتقول بااخذ اجازة
تركي : اي وتنشب لي
ناصر بهبال: اخرب عليك وعلى المدام
تركي سكت لا يفجر فيه
ناصر : امزح معك وبعدين استح على وجهك عمرك٢٦ اعرس يابوي
تركي : يلا زين طس انا مااجز بس مو للوناسه
ناصر فهم عليه : الله وياك
دخل مركز الشرطه ينتظر شخص
وقدمو له شاهي
الشرطي : حياك الحين الضابط جاي
تركي بداخله : هل الي بسويه صح ولا غلط

وانفتح الباب ودخل بهيبته ورزته
قام تركي وضمه
: تروك وينك يااخوي مختفي
تركي بنص عين : أيالنصاب انا مختفي ولا انت
الضابط بضحكه : انا ماجد موب الناصب (((( عرفتوه

تركي : اي اخبارك قلت اتفقدك
ماجد رجع راسه للخلف : شوفة عينك المكتب معفوس تعب وضغط شديد هاليومين اختطاف اختفاء اغتصاب سرقه قتل متفقين كله موجود
تركي وكانه صحصح : ابيك بسالفه
ماجد حس بجدية الموقف: تكلم

وحكاه السالفه كلها الا اليوم

تركي : ماابغيت ابلغ واستعجل هي حتى اسمها ماتذكره
ماجد وايده تحت ذقنه هنا المشكله
تركي تنهد بضيق
ماجد ببتسامه : ذيب من يومك
تركي بادله
شوي ماجد طلع ملفات وفردها : يلا شد الهمه وشمر لو مو واثق مااعطيتك لزوم ننهي القصه وان شاء الله نلقى شي يفيد
تركي : هم ونزاح مابنساها لك
ماجد فتح اول ملف: بسم الله
تركي بجديه : اعطني خطف واختفاء
ماجد يشوف خويه يجاهد لها : لو رجعت لاهلها وش بتسوي
تركي رفع راسه : ذا سأل اكيد ابيها ترجع
ماجد اتصل بمساعده: مابي احد يدخل
وسكر
ماجد بتفكير: شرايك اعينك مساعد ليه استنتاجك للاحداث رهيب وممكن هذا الي حاصل
تركي وهو يقرا : اسكت وقرا ملفك مابي اكدر نفسك
ماجد :زين
وستمر الوضع ساعات وتركي وماجد يفصون الملفات
ماجد : لقييييتتتتته نفس التاريخ قبل يومين شف
تركي اخذ وتمعن بالمكتوب مده له: لا
ماجد :شلون
تركي : موب مواصفاتها
تركي شد انتباه ملف اختفاء وبدا قراته : وصار ولقيناه
ماجد فرح : زيييييين جييها وخلصنا
تركي عطاه نظره: نور عمرها ٢٠ والوصف نفسه بس الي مستغربه اسبوع
ماجد وقف من طوله: بنت الريييان
تركي يهز راسه : المعروف هاذا مو بعيد قالب الدنيا عليها
تركي بسخريه : حلوه ذا الخير كله وبتختفي وعلى اقواله انه مهدد من فتره بس مااجاه اي اتصال من مختطف وصار اختفاء
ماجد رفع جواله: بتصل عليه
تركي بسرعه: لا
ماجد رما جوال بالمكتب : اي وبعدين
تركي : هاذي قضيتي انا
بحده : تمزح انت
بغضب: وقته امزح معك لاتندمني اني قلت لك
ماجد بتضجر: كمل ياحظرت الضابط
تركي : يعني شلون تبي اقولها انتي بنت الريان يلا توكلي اممم اختفاء بس مو بارادتها
ماجد ساكت له وقطع الصمت : وش دراك ممكن كانت
تركي بعجله : مو من ذا النوع
ماجد بملل : جب البنت
تركي وصلت معه : افهمممم لا
ماجد: شفيك انت خبل
تركي سفهه : قضيتنا خطف متأكد لانها هربت منهم كيف بيهددونه ؟؟ الضرب اكبر دليل
ماجد بثقه: فكرت بلي افكر فيه
تركي بنص عين : اتحفنا ياكونان
ماجد يناظر : ممكن كلامك صحيح بس نسينا من ممكن يتجرأ ويخطفها الا واحد خبيث وكبير انا خايف عليك افهم ولو مو حظها الزين كان مالقيتها وش ظمنك محد شافك
تركي تنهد : والي يقولك راضي
ماجد برفعة حاجب : ممكن تموت بعد
تركي : اموت الف مره كان ماوفيت بوعدي وانت معاي وبتساعدني
ماجد يناظر ساعته: خلنا ع اتصال
ووقفوا
ماجد تنهد واتجهه لمكتبه وطلع سلاح صغير ومده له: انتبه لنفسك
تركي اخذ السلاح وضمه: ماطلبت شي على هالخشم
وخرج من مكتبه وهو مبسوط من نفسه
اما ماجد رما نفسه ع كرسيه:حرب الكبار الله ييستر وتتقفل القضيه باأقل الخساير

اما تركي بينه وبين نفسه مافضل يقولها للي توصل له وبيأجلها شوي
وقف سيارته وهو يردد الآذان
نزل صلى العصر
طلع شاف حرمه كبيره بالسن
طلع من جيبه وعطاها المقسوم
ارتاح وهو يسمعها تدعي له من الدعاوي الزينه
تركي وهو يهمس : امين

اتجهه لشقته
اول مادخل نقزت نور بوجهه: تاأخرت
تركي بتعب : بااخذ شور وبدل
نور : اذا تعبان نأجلها

تركي قعد يطالعها وهي بعباتها : لا بنطلع الحين

نور شافت نظراته : اي شكرا ع الملابس بعد جات على مقاسي بالضبط
تركي ابتسم وهو يذكر خواته لانه كان يساعدهم دوم في الاختيار وماتعب يوم يدور لها ملابس تمشي حالها فيهم

دخل اخذ ربع ساعه على ماااطلع كاشخ
وطاق اوم الكشخه نور فهت معه
نور بداخلها: كل ذا مخبيه علي والله ذوقه جميل
تركي يأشر قدام وجهها : هي وين رحتي
نور منزله راسها : ولاشي

تركي اخذ لفه على نفسه
: شلون اخققق في امل يرقموني البنات
نور رفعت راسها بتشميق : يعني مو مره

اما هو كاتم ضحكته ع شكلها باين تعانده بس
تركي : يلا امشي

طلعوا ونزلوا السيارة وتركي كل شوي يعدل شعره
نور : لو سمحت ركز بالطريق
تركي التفت : لا تعالي سوقي نايبه عني

نور بخوف: لاتطالعني ركز بالخط

تركي بهمس : خوافه درجه أولى

وعم السكوت حب يكسر تركي
لقاها مسرحه: شفيك
نور ؛ ابد ولاشي

تركي بضحكه: ابشرك ماعندك لازوج ولا عيال تفكرين في من

نور بفهاوة؛ هاا

تركي حس على نفسه : هويتي ببير

نور عصبت : لاتدعي

تركي لف عطها نظره: لي ساعه اكلم نفسي

فججججججججججججاااءه صرخت : تركككككككي انتبه

الرد باقتباس

إظهار التوقيع
توقيع : البرنسيسة2000
#9

افتراضي رد: رواية دموع خلف حدود الضباب/؛كاملة

كملي ياقمر وبالتوفيق

إظهار التوقيع
توقيع : جنا حبيبة ماما
#10

افتراضي رد: رواية دموع خلف حدود الضباب/؛كاملة

thanks my dear
#11

افتراضي رد: رواية دموع خلف حدود الضباب/؛كاملة

هحاول اتابعها ي دوراا
تسلمي

إظهار التوقيع
توقيع : كيوت متل التوت
#12

افتراضي رد: رواية دموع خلف حدود الضباب/؛كاملة

متابعة معاكي
إظهار التوقيع
توقيع : حنين الروح123
#13

افتراضي رد: رواية دموع خلف حدود الضباب/؛كاملة

رد: رواية دموع خلف حدود الضباب/؛كاملة
إظهار التوقيع
توقيع : حياه الروح 5
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
قرآن كريم كامل استماع وتحميل مباشر بصوت اكثر من قارئ جزء 2 سلمى سالم2 القرآن الكريم
قرآن كريم كامل استماع وتحميل مباشر بصوت اكثر من قارئ جزء 1 سلمى سالم2 القرآن الكريم
ملف لروايات كامله بأقلام عدلات الذهبيه, روايات حصريه بالعدولات ,شاركينا بروايتك السفيرة عزيزة أقلام عدلات الذهبية
♥♡ ˚° لحظات انزف فيها دموع من دم ஓღ◦˚° نَقاء الرُّوح منوعات x منوعات - مواضيع مختلفة
نجيب محفوظ ريموووو شخصيات وأحداث تاريخية


الساعة الآن 05:36 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل