ازاى تخلصى شغل البيت فى ساعتين
زى العنوان ما بيقول حنرتب الشقه كلها ونعمل الاكل فى 2 ساعه بس ، حتقولى ازااااى اقولك :
حنبدا بغرف النوم غرفتك وغرفه الاولاد ، كل غرفه حتاخد 10دقيقه وحنبدا ان شاء الله
اول حاجه تملى جردل المسح ولحد ما يتملى تكونى حطيتى الفرش فى البلكونه او الشباك يتهوى وتلمى كل الملابس اللى مرميه فى كل حته اللى عايز يتغسل على الغساله والباقى علقيه علىا لشماعه لمعى الموبليا والزجاج وبعدين اكنسى الارضيه وهاتى فرشه البلاط ونضفى بيها السجاده علشان تلم الشعر والوبر ...كده 10 دقيقه خلصوا نفس الشىء فى غرفه الاولاد يبقى كده 20 دقيقه .....نجى على غرفه المعيشه والصاله ..........الصاله رتبى الاحذيه فى الجزامه ولمى لعب الاولاد فى صندوق اللعب ورتبك ادواتهم المدرسيه والكتب واكنسى بالمكنسه وبالشرشوبه طوقى الارضيه يقى كده خلصناهم فى 1/2ساعه
الصالون والسفره
يتلمعوا على اساس انهم محدش بيهرس فيهم وبابهم مقفول دايما
ندخل على المطبخ تكونى مطلعه اللحمه من الفريزر تفك اول ما تصحى يحطيها تتسلق علشان الوقت
طبعا لو انتى لهلوبه يبقى مواعينك مغسوله من باليل والمطبخ نضيف وفل قبل ما تنامى ،اما لو حصل ظرف طارىء ومرتبتيش المطبخ قبل ما تنامى وباكد ظرف طارىء
يبقى لمى المواعين كلها فى ناحيه وامسحي الرخامه والبوتجاز وابدئى الطبخ قطعى البصل وحطيه يتحمر ..اثناء تحميره اضربى الطماطم فى الخلاط وبعدين اضيفيها للبصل اثناء التسبيك نضفى خضارك وقطعيه........ضفيه على الصلصه المسبكه وزودى بالشربه وحطى اللحمه تتحمر واعملى الرز وبكده نكون طبخنا .نخش على المواعين نغسلها ونمسح الارضيه الحوار ده حياخد 40 دقيقه
ارجعى افرشى حجره النوم ونوم الاولاد فرش الحجرتين فى 10 دقايق.....بعد كده نيجى للحمام ادعكى البانيو والحوض ونضفى التوليت وامسحى المرايه وبالفرشه البلاط نضفى الارضيه وربرضه حوار الحمام ده ياخد 10دقايق
يبقى كده ساعتين
اهم حاجه تلتزمى بالمواعيد يالضبط وتكونى خفيفه ويكون عندك اراده وتحدى
يا ريت يكون عندك ساعه حائط علشان تاخدى بالك من الوقت كويس وهى قطعه ديكور فى نفس الوقت
المثل بيقول( باب النجار مخلع )عارفه ليه مخلع لانه الباب الوحيد اللى مش بياخد عليه اجر ولا مكافئه
اقولك على حاجه لطيفه اعملى لنفسك مكافئه لو التزمتى بالوقت المحدد كل فتره هاتى لنفسك هديه بسيطه توكه او شراب او اى حاجه بسيطه حتحسى بالسعاده وان تعبك مبيروحش هدر ومحدش مقيم تعبك وكمان علشان ميبقاش باب النجار مخلع .....او ممكن تعملى حصاله وكل ما تنجحى فى شغلك تحطى فيها 2 جنيه مثلا وتحويشيهم ليكى طبعا
اقولك على سر النشاط ....قبل ما تنامى سبحى 33مره واحمدالله 33 مره وكبرى 34 مره واظبى عليهم كل ليله والله الله والله حتجيلك قوه ونشاط
إظهار التوقيع
توقيع : دوما لك الحمد
التوقيع لا يظهر للزوار ..
رد: ازاى تخلصى شغل البيت فى ساعتين
روعة
تسلمي
منتظرين جديدك المميز
تسلمي
منتظرين جديدك المميز
إظهار التوقيع
توقيع : نرجس الانوشة
التوقيع لا يظهر للزوار ..
رد: ازاى تخلصى شغل البيت فى ساعتين
رد: ازاى تخلصى شغل البيت فى ساعتين
إظهار التوقيع
توقيع : العدولة هدير
التوقيع لا يظهر للزوار ..
رد: ازاى تخلصى شغل البيت فى ساعتين
نصيحة مفيـــدةة
رح طبقهــآأ
رح طبقهــآأ
إظهار التوقيع
توقيع : إشرآقـــة أمل
التوقيع لا يظهر للزوار ..
رد: ازاى تخلصى شغل البيت فى ساعتين
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| فهم النفسيات بين الزوجين | نٌےـجَےـوِى ٱلجَےـزٱئريّےـة31 | فن الاتيكيت والتعامل مع الآخرين | ||
| شغل من البيت تفريغ محاضرات | doO | وظائف نسائية شاغرة | ||
| ثلاث نساء زهقوا من شغل البيت | سوسو الامورة | فرفشة عدلات | ||
| يالانشجع بعض علي شغل البيت | غاده السيد | الارشيف والمواضيع المكررة | ||
| موقف أهل السنة والجماعة من آل البيت | زاهرة الياياسمين | العقيدة الإسلامية | ||
الساعة الآن 05:20 PM
جميع المشاركات تمثل وجهة نظر كاتبها وليس بالضرورة وجهة نظر الموقع