طريقه عمل الكفته البطاطس البوريه باللحم المفرومه سريعه وسهله

1- هنهرس البطاطس هرس ناعم ونعملها بالتوم عادي كأنها بطاطس مهروسه متكتريش الملح

2- هتعصجي اللحمه وتظبطي البهارات وتحطي نص معلقه كذبره ناشفه لذياده النكهه
3- بعد معصجتي اللحمه وتبلتي البطاطس هتحطيهم علي بعض وتقلبيهم كويس
(متنسيش تظبطي الملح بتاع الاكله في حاجه من الاتنين اللحمه او البطاطس غير كده هتطلع مالحه)
4- تسيبيهم يبردو خالص وبعدين تبدئي تصبعي احجام حسب الرغبه
5- بعدين تسيبيها في التلاجه شويه تتماسك عشان تسهل عليكي القلي
6- تحطي البيض في طبق وعليه ملح وفلفل اسمر وممكن تذودي سنه ميه
7- وطبعا الدقيق والبقسماط في طبق ممكن الاستغناء عن الدقيق انا بعملها من غير دقيق وبتبقي حلوه بردو
8- بعد نص ساعه تطلعي الصوابع من التلاجه وتبدئي بالراحه تنزليها في البيض بعدين البقسماط او في الدقيق بعديين البيض بعديين البقسماط





9- وتبدأي تقلي بشويش عشان متتكسرش منك
(ممكن تكون جنب المكرونه اكتر من الرز)

بالهنا والشفا