اخطاء تجنبيها فى المطبخ
أخطاء الستات فى المطبخ
اول خطأ انها تسيب المواعين فى الحوض طول اليوم واخر الليل تغسلهم
اولا منظر المطبخ بيبقى مش ظريف بالمرة اولا بياثر على نفسيتك غير كده عيالك وجوزك ملهمش ذنب فى المنظر المقرف ده
اتعودى دايما بعد كل وجبة تشطفى الطباق مش هتاخد منك 10 دقايق على بعض
لان ممكن يحصل اى حاجة تعطلك عن غسيلهم بليل ويفضلوا تانى يوم
او يطب ضيف على فجاه او تجيلك زيارة او سفريه هتعملى ايه ساعتها
فوط المطبخ
فى ناس اللى بتمسك بيه الحلل هى اللى بتمسح بيها الرخامة هى بتنضف بيها البوتجاز هى اللى بتجرى عليها وقت ماحاجة تقع الارض
وطبعا بتبقى كلها دهون ولونها اسود ومقرف
لو
اخطاء بترتكبها الستات فى المطبخ
الخلاط والكبة والمفرمة الخ
فى ناس للاسف لما بتستخدمهم وايديهم فيها بصل او بهارات او لحمة بتروح ترجعهم تانى ماكنهم عادى ويمر اسبوع اسبوعين يبقى منظرهم يخض تلزيق وسواد وزيوت ومغبرين وحالتهم حاله وتبقى محتارة تنضفهم ازاى
الحل انك بعد كل استخدام بفوطة مندية بشوية ديتول تمسحيهم وتعنيهم
طب افرضى حالهم ميسرش لاعدو ولا حبيب تعملى ايه هاتى بخاخة حطى فيها ديتول وميا وبريل ورشى وامسحى واستخدمى فرشاه سنان ونضفيها
**********************
حوض المطبخ
فى ستات لما بتطبخ اى حاجة بتقشرها بتقشرها فى الحوض واى اكياس وارمى فى الحوض اى بقايا خضار فى الحوض
وطبعا الحوض يسدد وهاتك ياتسليك وتحطى ميا سخنة ووووو وبعد فترة تجيبى السباك يشفط المواسير
ليه بس كل الغلبه دى
استخدمى صفايه للحوض
ودايما حطى صينيه قديمة جنبك قشرى عليها الحاجة اللى بتستخدميها وارمى فيها اى فضلات وبعدها تفضيها فى الباسكيت
الرخامات
فى ستات للاسف الشديد بتخلى الرخامة عاملة زى سوق العتبة جميع انواع المجات على مطبقيات الشوربة على اطقم سكاكين ومعالق وصوانى ولما تيجى تطبخ الدنيا كلها بتتكربس غير كده بتلاقى الحجات دى بتترب وبتبقى ملزقة
الحل كفايه طقم التوابل مع المجات و
*********************
البوتجاز
فى ستات بوتجازها اجارك الله كله سواد وحروق واكل لازق وتيجى كل ماتفكر تعمل حملة على مطبخ تحتار وتسال الحقونى بوتجازى كله دهون اعمل ايه
طب ليه يا
**********************
سبت الخضار
فى ستات مش بتديله العناية الازمة يعنى تلاقيه دايما مسود ومترب ولازق فيه دهون من المطبخ وتحته تلاقى قشر بصل وتوم ورملة من البطاطس
الحل انك فى كل رف تحطى ورق علشان الجاجة متقعش ع الرف التحتانى وكمان تمتص الرطوبة
وكمان مينفعش اننا كل حاجة نركنها فيه يعنى مكروات واكياس دقيق الخ
لان رجله مش بتستحمل الضغط فبيتكسر بسرعه
اخطاء بترتكبها الستات فى المطبخ
مشاية المطبخ
بلاش يعنى تبقى فيها دهون والوان من كتر اللى بيقع عليها وتعملك ريحة كمكمة فى المطبخ بسبب الميا والسوايل اللى بتقع
كل يوم والتانى هويها فى البلكونة وكل اسبوع بشوية بريل ومقشة خشنة وامشى عليها وانشريها علشان تحافظى على ريحة ونضافة مطبخك
تحت الحوض
ياريت بلاش المناظر المقرفة اللى احيانا بنشوفها والريحة اللى بنشمها والصراصير الل بتفط منها
دايما حافظى على جفاف المكان ده لو حوضك بيسرب صلحيه ودايما هوى المكان واغسليه بكلور وعقميه ومتخليش فيه اى سوايل
دواليب المطبخ
ياريت نعتنى بيها شوية مش علشان مدارية تبقى متكربسة ومكتومة وكلها حجات ملهاش لازمة
لازم كل فترة تفتحيها وتمسحيها بمطهر وتغيرى مفارشها وترمى اى حاجة ملهاش لازمة
حفظ البقوليات
مينفعش يعنى استخدم نص كيس مكرونة وارمى الكيس فى الضرفه
وبعدها لسان عصفور وارمى
وتلاقى الضرفه كلها معكوكة دقيق على مكرونات على حجات منهية الصلاحية على نمل على سوس على حشرات
اتعودى تفضى الحجات دى فى برطمانات او جرادل مخصصة ليها
الانبوبة
ليها حق النضافة زيها زى البوتجاز والله يعنى مش كل متقلى بطاطس يطرطش زيت على الانبوبة وتمسحى البوتجاز والانبوبة لا
اتعودى دايما تغلفيها لو بقماشة وتمسحيها كل فترة وترشى تحتها مبيد حشرى علشان الصراصير متستخباش فيها
شباك المطبخ
اتعودى كل يوم الصبح تفتحيه وتهوى مطبخك
بلاش يبقى كله دهون وغبار دايما امسحيه ولمعيه
اخطاء بترتكبها الستات فى المطبخ
***************
فوق التلاجة
ياريت بلاش العلب الفاضية والكراتين والروشتات وكل حاجة نرميها فوق بيبقى منظر مش حلو وكلها كراكيب ع الفاضى
إظهار التوقيع
توقيع : حنين الروح123
التوقيع لا يظهر للزوار ..
رد: اخطاء تجنبيها فى المطبخ
رد: اخطاء تجنبيها فى المطبخ
رد: اخطاء تجنبيها فى المطبخ
إظهار التوقيع
توقيع : حنين الروح123
التوقيع لا يظهر للزوار ..
رد: اخطاء تجنبيها فى المطبخ
إظهار التوقيع
توقيع : حياه الروح 5
التوقيع لا يظهر للزوار ..
رد: اخطاء تجنبيها فى المطبخ
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| أنواع ديكور المطبخ | شوشو السكرة | مطابخ 2022 | ||
| نصائح مجربة لتنظيف المطبخ | ريناد المتولي | استشارات ونصائح مطبخية | ||
| التخزين في المطبخ كيف يكون فنآ وديكورا | اماني 2011 | استشارات ونصائح مطبخية | ||
| أحدث المطابخ وأدوات المطبخ خطوات بسيطة لجعل المطبخ عصريا | konouz | سوق عدلات النسائي العام | ||
| نصاايح مجربة لتنظيف المطبخ | نٌےـجَےـوِى ٱلجَےـزٱئريّےـة31 | الارشيف والمواضيع المكررة | ||
الساعة الآن 04:39 PM
جميع المشاركات تمثل وجهة نظر كاتبها وليس بالضرورة وجهة نظر الموقع