رساله لكل زوجه تعاني من " إهمال الزوج "

السلام عليكم ورحمه الله وبركاته

رساله لكل زوجه تعاني من " إهمال الزوج "
أولا خلينا نتفق ... " ان الشيء المهم والمؤثر ... يصعب على المرء إهماله " ... وإن الناس لا تستطيع التنازل عن ما يجلب لهم الراحه والسعاده
وعشان الامور تستقيم ... ونعالج حاله الاهمال ... لازم تعترفي انك فقدتي أهميتك عند زوجك ... ولم تعودي محور الراحه والسعاده في حياته
... هاحاول اعرفك على مفاتيح الوصول لعقل وقلب معظم الرجاله
- الراجل بيحب مراته تبقى كتله من الاتزان والاحترام بره البيت ... وفي نفس الوقت يحبها تبقى اكثر النساء خلاعه وميوعه ودلع ... وهي معاه ، خليكي هانم انيقه بره البيت ... ورقاصه منحرفه جوا البيت
- الراجل ما بيحبش الزوجه " الأم " ... اللي بتوجهه وتنتقد تصرفاته ... ولا يحب الزوجه " الابنه " اللي مش بتعرف تتصرف من غيره
لكنه ميال جدا للزوجه " الصديقه " اللي تقوله انا معاك لو حتى رايحين في داهيه ... وتحسسه انها ضهره في لحظات ضعفه
- الراجل بيكره لما يحس ان مراته بتحب ولاده اكتر منه ... فخليكي حريصه انك تحسسيه انه اهم عندك من ولادك ... ومن شغلك ... وحتى من اهلك.
- الراجل بيكره الست اللي تظهر اعجابها باي راجل غيره ... حتى لو فنان او سياسي او أبوها ذات نفسه ..... لازم دايما تحسسيه انك شايفاه اعظم راجل في العالم.
- حاولي ترضي " سي السيد " اللي جوا جوزك ... مش عيب انك تبوسي ايده ... وتحضريله الحمام بتاعه ... وتغسليله رجليه بميه وملح.
- لو انتي عامله كل اللي انا كاتبه ده ... وجوزك برضوا مش حاسس بيكي ... فارجوكي احرميه من كل ده ... واعكسي كل تصرفاتك معاه ... لان في بعض الرجاله لما بتحس انها متدلعه بزياده بتتمرع و تسوق فيها ... وما بيحسوش بالنعمه الا لما يتحرموا منها
ارجوكي اعتبري ان استعاده جوزك دي اهم معركه في حياتك ... وانا عارفه ان الست لما بتحط هدف في دماغها ... لازم بتوصله
وأسفه للاطاله ...