كان يستاهل تستني شوية .
لو كنتي استنيتي شوية
كان يمكن نتجوز
ونجيب أطفال سُّذج تشبهنا
ونقضي السهرة بنتفرج علي فيلم قديم
وننام بنفكر في حياتنا
فتقولي لنفسك : لو كان بيخونني كانت مناديله هتعرق روج
فاضحك وانا نايم وافردلك ايدي
فتنامي ببطء وتحطي اديكي ف ايديا
لو كنتي استنيتي شوية
كنت هاذاكر لعيالنا حساب
واشتكي من نقص الملح ف اكلك
واديك المصروف الشهري
فيضيع نُصه ف تجديد الأوضة وستارة البلكونة البحري
ويهل علينا الشهر التاني نسهر نحسبله
العب ف التراس مع ابوكي طاولة واتغلبله
تضحكي / اضحك
تندهيلنا للغدا نتغدي
كان زمان العمر عدي خفيف عليا
لو كنت استنيتي شوية
كنت هابوسك قبل ماسافر ع الباب
من غير ماولادنا يشوفوا
ويمر عليكي الليل
تقري ف اوراقي علي المكتب
فتلاقي قصيدة قديمة
تقنعي نفسك انها ليكي
تقريها لجارتك في التليفون
وتنامي وهي ف حضنك تستنيني ارجع
وتقولي بحبك فاسمع
وارجع اسرع
تبوسيني قصاد الباب من غير ماولادنا يشوفوا
وتأجل حضن كبير للسفرية الجاية
لو كنتي استنتي شوية
كنا هنضحك ع الشعر الابيض
اول مايشب ف راسنا
تصبغي شعرك
افهم
تضايقي
ماهتمش
فتبان ف عنيكي فرحة وتنزاح الكآبة
تقوليلي ان انا اجمل من رشدي اباظة
اضحك
كداب بيجامل كدابة
كنا زمنا بنضحك ع الماضي
ونجهز روحنا للرحلة الجاية
بالذمة
مش كل المدهش ده
كان يستاهل تستني شوية .
كان يمكن نتجوز
ونجيب أطفال سُّذج تشبهنا
ونقضي السهرة بنتفرج علي فيلم قديم
وننام بنفكر في حياتنا
فتقولي لنفسك : لو كان بيخونني كانت مناديله هتعرق روج
فاضحك وانا نايم وافردلك ايدي
فتنامي ببطء وتحطي اديكي ف ايديا
لو كنتي استنيتي شوية
كنت هاذاكر لعيالنا حساب
واشتكي من نقص الملح ف اكلك
واديك المصروف الشهري
فيضيع نُصه ف تجديد الأوضة وستارة البلكونة البحري
ويهل علينا الشهر التاني نسهر نحسبله
العب ف التراس مع ابوكي طاولة واتغلبله
تضحكي / اضحك
تندهيلنا للغدا نتغدي
كان زمان العمر عدي خفيف عليا
لو كنت استنيتي شوية
كنت هابوسك قبل ماسافر ع الباب
من غير ماولادنا يشوفوا
ويمر عليكي الليل
تقري ف اوراقي علي المكتب
فتلاقي قصيدة قديمة
تقنعي نفسك انها ليكي
تقريها لجارتك في التليفون
وتنامي وهي ف حضنك تستنيني ارجع
وتقولي بحبك فاسمع
وارجع اسرع
تبوسيني قصاد الباب من غير ماولادنا يشوفوا
وتأجل حضن كبير للسفرية الجاية
لو كنتي استنتي شوية
كنا هنضحك ع الشعر الابيض
اول مايشب ف راسنا
تصبغي شعرك
افهم
تضايقي
ماهتمش
فتبان ف عنيكي فرحة وتنزاح الكآبة
تقوليلي ان انا اجمل من رشدي اباظة
اضحك
كداب بيجامل كدابة
كنا زمنا بنضحك ع الماضي
ونجهز روحنا للرحلة الجاية
بالذمة
مش كل المدهش ده
كان يستاهل تستني شوية .
إظهار التوقيع
توقيع : ادرنالين
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| 60 سؤالا في أحكام الحيض والنفاس للشيخ بن عثيمين رحمه الله | شوشو السكرة | فتاوي وفقه المرأة المسلمة | ||
| قصص القرآن الكريم .. | حبيبة أبوها | القرآن الكريم | ||
| الانثى | انا دلوعة اوووى | المنتدي الادبي | ||
| سيرة المصطفى من المنشا للبعثة,مقال شامل عن سيرة المصطفى عليه الصلاة والسلام | ام الاء وبيان2 | السنة النبوية الشريفة | ||
| [قصص مرعبة] الحافلة مظلمة | My Sweat Heart | قصص - حكايات - روايات | ||
الساعة الآن 07:42 PM
جميع المشاركات تمثل وجهة نظر كاتبها وليس بالضرورة وجهة نظر الموقع