أو

الدخول بواسطة حسابك بمواقع التواصل



يمكنك الآن التسجيل في عدلات. سجلي الآن وشاركي معنا وأحصلي على 100 نقطة هدية بداية تسجيلك! اربحي معنا من كتابة الموضوعات. شاركي معنا في عدلات واحصلي على نقاط تقييم لاستبدالها بدولارات!

934 7
#1

افتراضي ازرعوا الحب في بيوتكم ازرعوا الحب في قلوب ولادكم

ازرعوا الحب بيوتكم ازرعوا الحب قلوب 3dlat.com_28_18_d861


المنزل اللي مفيش فيه حب ما هو إلا سجن، صحراء جرداء لازرع فيها ولا ظل ولا ماء ،والبيت العامر بالحب، هو السعادة والراحة، هو جنة الله في الأرض علشان كده لازم نهتم بالحب داخل البيت، ونهتم بإننا نظهره لكل الأطراف المحيطة بينا .


الحب بين الزوجين


كثير من العلاقات الزوجية بتبدأ حياتها بالحب (إما حبوا بعض فاتجوزوا أو اتجوزوا وحبوا بعض في أول الجواز) ولكن للأسف بعد فترة مع انشغالهم إما في حياتهم العملية وشغلهم أو انشغالهم بأولادهم ومشكلاتهم بينسوا يعبروا لبعض عن حبهم ويهملوا بعض فيبدأ الحب اللي بينهم يتدبل زي الوردة الجميلة اللي معادش حد بيسقيها، يفضل الحب يدبل ويدبل ويدبل لحد ما يموت الحب وتبدأ علاقتهم تسوء ببعض ومع بعض فيكرهوا بعض


يبدأ الزوج يدور على الحب خارج البيت ومع أول ست تهتم بيه هيتعلق بيها ويدور على الحب فيها

سؤال للزوجة:

أخر مرة قلتي لزوجك بحبك إمتى ؟

تبدأ الست تدور على الحب بعيدا عن زوجها اللي مفتقده حبه واهتمامه ومع ظهور أول راجل في حياتها هيسألها عامله ايه النهاردة هتحبه وتتعلق بيه

سؤال للزوج:

آخر مرة قلت لزوجتك بحبك إمتى؟

أيها الأزواج


ازرع الحب في قلب زوجتك اهتم بيها، عبرلها عن حبك، اشكرها على كل اللي بتعمله حتى لو على الأكل، قولها بحبك طول الوقت بسبب وبدون سبب وقولها كلام حب، اسأل على يومها، اتصل بيها في وسط اليوم قولها بطمن عليكي، متهنهاش ولا تضربها، ما تتكلمش عن أهلها بسوء، خرجها، هاتلها هدية حتى لو وردة ، متنامش بالليل إلا وانت متصافي معاها ومش زعلانين من بعض، ساعدها في شغل البيت،دلعها وناديلها باسم بتحبه بلاش أم العيال وأم قويق،ودعها بأسلوب لطيف وادخل البيت بلهفة واضحك في وشها كده بلاش تدخل وحواجبك عامله سبعات وتمنيات، أكلها بإيديك زي ما النبي عليه الصلاة والسلام علمنا هزر واضحك معاها مش مع اصحابك وأهلك وبس، ابعتلها على الواتس أو الفيس كلام رومانسي، حاسسها انها ملكة وبيتها مملكتها، اشركها وخد رأيها في حياتك وشغلك وأمور البيت بلاش تحسسها انها كرسي أو ان مالهاش رأي ولا ليها لازمة، حابي عليها وارويها واوعى تكون سبب في انها تدبل .


أيتها الزوجات


ازرعي الحب في قلب زوجك، اهتمي بيه زي ما بتهتمي بأولادك وزيادة، اعمليله الحاجات اللي بيحبها، استقبليه بلهفة وودعيه بدعوة، اسأليه عن يومه وشغله، سيبيه يرتاح لو حسيتي انه تعبان ومتخليش الولاد يتشاقوا لحد ما يصحى من النوم، اكرمي أمه وأهله، كبريه قدام أهلك واتكلمي عنه بكل طيب، البسي اللبس اللي بيحبه وبلاش تستقبليه وفي إيدك بصلة وحاطاله اسبراي التوم، بلاش تصرخي في وشه وتقوليله مش كفاية مستحملة قرف عيالك، غيري من شكلك كل شوية علشان يفضل دايما شايفك جميلة ومتجددة، ابعتيله على الفيس والواتس كلام حب، دلعيه والعبي معاه وحسسيه انه طفلك المدلل، حسسيه إنه ملك وأمير وانه سيد الكل، هاتيله هدية صغيرة دا النبي عليه الصلاة والسلام حتى قال: “تهادوا تحابوا” املكيه بدل ما يطير لغيرك


الحب بين الآباء والأبناء

كثير من الآباء والأمهات بيهتموا بولادهم ويشبعوهم حب وخصوصا الطفل الأول وبعد فترة لو جه أطفال تانيين أو من غير ما يجوا بيبدأ اهتمامهم بطفلهم يقل وتعبيرهم عن حبهم ليه يختفي، بل غالبا كمان بيتبدأ تظهر سلوكيلت سيئة من الطفل ويتم التعامل معاه بشدة وعنف فيهيء للطفل بإن باباه ومامته بيكروه ويبدأ فعلا يقتنع بكده فيبدأ هو كمان يكرههم ويبعد عنهم

يبدأ الولد يدور على الحب وسط أصحابه، اللي منهم كثير أصحاب سوء بسبب الزمن السيئ اللي عايشين فيه

تبدأ البنت تدور على الحب وسط صديقاتها ومع أول ظهور أول ولد في حياتها هتحبه وهتتعلق بيه وتدور فيه على الحب اللي مفتقداه

سؤال للآباء:

آخر مرة قربت من ابنك ولا بنتك واخدتوهم في حضنكم وبوستوهم وقلتله أو قلتيلها بحبك كانت إمتى؟


أيها الآباء والأمهات


ازرعوا الحب في قلوب ولادكم

انزلوا لسنهم والعبوا معاهم، اتكلموا معاهم واخلقوا معاهم حوار يومي، لما يروحوا مدارسهم ودعوهم بأحضان وقبلات ولما يرجعوا استقبولهم بلهفة وأحضان واسألوهم عن يومهم، شاركوهم في هواياتهم، اوعوا تتفهوا أحلامهم وطموحاتهم، احتفلوا بأي إنجاز يحققوه واوعوا تقللوا من إنجازاتهم علشان متموتوش فيهم الطموح والثقة في النفس، شاركوهم في أمور حياتكم علشان يحسوا انهم مهمين وليهم دور في حياتكم، اخرجوا معاهم كثير وفرحوهم، استحملوا قصورهم ومتنسوش انهم أطفال ولازم هيغلطوا، قربوا منهم واحتووهم وكنوا ليهم المصدر الأول لكل حاجة للحنان والحب والمعلومات والثقافة، لكل حاجة، كونوا ليهم نعم القدوة كأب وأم وكزوج وزوجة



وفي النهاية حابب أقولكم إن الحب ري الوردةحلوة وجميلة طول ما احنا بنسقيها ونراعيها وبمجرد ما نهملها هتدبل وتموت

ازرعوا الحب في بيوتكم هتحصدوه حب وسعادة واستقرار طول العمر بإذن الله .


ازرعوا الحب بيوتكم ازرعوا الحب قلوب 3dlat.com_28_18_d861





إظهار التوقيع
توقيع : ام سيف 22
#2

افتراضي رد: ازرعوا الحب في بيوتكم ازرعوا الحب في قلوب ولادكم

بالفعل ظغطتي على الوتر الحساس
الف شكر ليكي

#3

افتراضي رد: ازرعوا الحب في بيوتكم ازرعوا الحب في قلوب ولادكم

تسلم ايدك
إظهار التوقيع
توقيع : حياه الروح 5
#4

افتراضي رد: ازرعوا الحب في بيوتكم ازرعوا الحب في قلوب ولادكم

تسلمي ياقمر موضوع ممتاز

إظهار التوقيع
توقيع : جنا حبيبة ماما
#5

افتراضي رد: ازرعوا الحب في بيوتكم ازرعوا الحب في قلوب ولادكم


إظهار التوقيع
توقيع : ام مالك وميرنا
#6

افتراضي رد: ازرعوا الحب في بيوتكم ازرعوا الحب في قلوب ولادكم

نورتونى ياقمرات

إظهار التوقيع
توقيع : ام سيف 22

الكلمات الدليلية
ازرعوا, الحب, بيوتكم, قلوب, ولادكم

أدوات الموضوع

الانتقال السريع

قد تكوني مهتمة بالمواضيع التالية ايضاً
الموضوع كاتب الموضوع المنتدى
كلام فى الحب, اجمل كلام فى الحب, احلى كلام فى الحب, كلام حب للعشاق, كلام حب للرو ام طاطو المنتدي الادبي
شعر عن الحب 2019 - عبارات عن الحب - كلام جميل عن الحب - اشعار حب قصيرة وله المنتدي الادبي
أفضل ما قيل عن الحب,أفضل ما قاله الحكماء والمشاهير عن الحب جنا حبيبة ماما حكم واقـوال
رسايلة : معانى الحب بكل الحروف زاهرة الياياسمين رسائل وتوبيكات
الحب من الالف الى الياء ... زهره التحرير منوعات x منوعات - مواضيع مختلفة



الساعة الآن 02:41 AM


جميع المشاركات تمثل وجهة نظر كاتبها وليس بالضرورة وجهة نظر الموقع


خيارات الاستايل

  • صورة خلفية
  • عرض الصفحة
  • تصميم جدول المنتدى
  • فصل الاقسام
  • صور المنتديات
  • خلفية المنتدى
  • اللون الاول
  • اللون الثاني
  • لون الروابط
  • الخط الصغير
  • اخر مشاركة
  • حجم خط الموضوع
  • طريقة عرض الردود
إرجاع الخيارات الافتراضية

التسجيل للنساء فقط

نعم أنا بنت لا أنا ولد
أو

التسجيل بواسطة حسابك بمواقع التواصل