أو

الدخول بواسطة حسابك بمواقع التواصل



يمكنك الآن التسجيل في عدلات. سجلي الآن وشاركي معنا وأحصلي على 100 نقطة هدية بداية تسجيلك! اربحي معنا من كتابة الموضوعات. شاركي معنا في عدلات واحصلي على نقاط تقييم لاستبدالها بدولارات!

الدرر السنية



249 6
#1

افتراضي نصائح من ذهب

نصائح 3dlat.com_19_19_5af5

=انا قلبي مهموم و مافيش حد حاسس بيا اعمل اية ؟
• قال تعالي " إِنَّهُ يَعْلَمُ الْجَهْرَ وَمَا يَخْفَىٰ "
الايه دي بتهون كتير عليكى , بتهون عليكى إن الله " يعلم " , إنه الوحيد الـى يعلم الحقيقه كامله , الوحيد الى عالم بالى حصل في حياتك و الـى حصل جواكى :
- لما أتكسر قلبك جامد ظلم و سكت و كتمت .
- لما مارضتيش تواجهى مش عشان خايفة , لكن عشان المواجهه يعني خساره .
- لما أتكسر خاطرك من الناس الـى كانت بتجبر خاطرك , و مابينتيش.
- لما حقك راح قدام عينيكى و كنتى عاجزة تاخديه .
- لما ماشتكتيش الا ليه هو بس , عشان متوجعيش قلب حد عليكي .
- لما حياتك كانت متدمره و بينتى قدام الناس ان حياتك ولا أجمل عشان ماتشكيش ربك لحد..
- لما أظهرتى القوة في النهار , و بكيتي أخر الليل ع سجادتك و قولتيله : أنا أضعف الناس.
- لما عاملتى بالحسنى الناس الـى وجعتك مش عشانهم , لكن علشان الله .
- لما شوفتى نعمه نفسك فيها و دعيتى لصاحبها بالبركه و همستى كده جواكى : أرزقني يارب .
= كل واحد فينا عنده جزء من الحقيقه , الناس بيظهر لها جزء بس , لكن بـتتبقى جزء منها , جوة كل واحد فينا , و أجمل حاجه في الجزء ده إن مافيش حد مُطلع عليه الا إله سمى نفسه " السميع العليم " , يعني مٌطلع و شاهد كل صراع أنتى عديتى بيه جواكى , شاهد على كل لحظه صعبه أوي شوفتيها , شاهد و سميع و بصير , و علشان هو شاهد , و علشان هو أكرم الاكرمين قال (( إن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ )) ,الحمدلله ان لينا رب بيعوض خير لانة الله


قال تعالي "فَاتَّخِذْهُ وَكِيلًا "
لما بتحكي مشكلتك لحد ثقة بتروح تنام مطمن جداً مع ان المشكلة لسه ماتحلتش بس فكرة انها مع حد ثقه هيعرف يتصرف بطمنك ، ابدأ يومك بنفس البدايه دي ، اطمن ان امرك بأيد ربك " فأتخذه وكيلا " ، اعمل لربك توكيل لكل امور حياتك رزقك و حلمك و كل الـى انت محتاجه ، و اطمئن ، فأنت مع الله ، مع القوه التي لا تغلب ، و قولها من قلبك :
" حسبي الله لا اله الا هو عليه توكلت ، و هو رب العرش العظيم "


= انا اتظلمت كتير و خايفة من اذي الناس اللي حواليا
قال تعالي :
" إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِنْ لَدُنْكَ رَحْمَةً "
خدتي بالك في سورة الكهف ان ربنا لما أواهم من الى ظلمهم أواهم في كهف ؟
يعني مكان بلا باب ؟
و مافيش انسان قدر يلمسهم ولا يقرب منهم !
عشان بس تعرفي ان ربك اسمة الحفيظ لما يحفظك ، هيحفظك و لو كنتى في خطر عامل ازاي ، و لما يريد لك النجاه هينجيكى و مافيش انسان هيقدر يقف قدامك حتي لو مين كان ، حاشاه ان يُضيع عبد أعتصم به ، حاشاه
• رددي بكل قوة و يقين مع كل احساس بالقلق من شخص او شيء ..
بسم الله الحفيظ احفظني
بسم الله الحفيظ احميني
بسم الله الحفيظ نجيني


" اصبحنا و اصبح المُلك لله "
ابدأ يومك و انت حاسس كل الملك و النعم لله وحدهُ ..
لان مفيش حد في ايديه يساعدك ولا يفيدك ولا يوفقك للـى انت عايزه غير ربك
اصبحتُ علي اسم الله " الرزاق "و قد رجوتك يا رزاق ذو القوة المتين ان توسع لي رزقي من "الأمل " ، فـ املأ قلبي به ، فـ ذاك الرزق هو بابُ الحياه ، و انت خير الرازقين
صباح التوكل علي الله


= انا حاسة ان مجهودي ضاع و مهما اعمل مافيش تقدير
• قال تعالي { قُلْ كَفَى بِاَللَّهِ شَهِيدًا بَيْنِي وَبَيْنكُمْ َ }
• قال تعالي { وَكَلْبُهُمْ بَاسِطٌ ذِرَاعَيْهِ بِالْوَصِيدِ }
" كم من مشهـور في السماء , مغمور في الارض "
انتي عمرك خدتي بالك في سورة الكهف ان ربنا ذكر
"الكلب " .. و ماتكلمش عن الملك ؟!
تخيلى الحيوان ده إسمه أتخلد في القرآن و الملكلأ ؟!
دة يعلمني و يعلمك ان مش لازم الناس تكون عارفه انتى عملتى ايه .. و بتعملى ايه .. و تعبتى قد ايه .. و بتتعبى قد ايه .. و هتتعبى قد ايه .. مش لازم صدقيني ..
" يكفي بإن الله يعلم " ..
أصل يعني الناس عرفت ؟ تمام .. ايه ال هيحصل ؟ .. هيقولو فيكى كلمتين حلوين ؟
و خلاص هينسوا .. لا هايملكوا ضر ولا نفع ليكي ..
" إذا علم الله حقيقتك , فلا يضرك أن تكوني مجهولة "
= عملك مش بيضيع .. الله شهيد يشهد علي كل شيء .. خليكى مخلصة .. و توكلى على الله .. =
قولي دائما " كفى بالله شهيدا "


=انا بمر بكرب و ضيق شديد و حاسس بالوحدة و مافيش حد بيسمعني




• قال تعالي " فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ َ "
اية تطمن قلبك مع كل مرة بتحس بشدة و تحس ان الناس بعدت عنك ، قربك من الله هو الحاجه الوحيدة اللي هتريحك وتسعدك ، لانة { قريب ، مجيب }
يعنى انت مش محتاج حد ولا تقولى مش لاقي حد يسمعنى انت معاك الله القريب المجيب
ادعي و انت شايف اسم المُجيب قدامك
( فأستجبنا له ) يعني أستجابه مؤكده باذن الله


= انا حاسس من جوايا اني مدمر نفسيا و تعبت خلاص
أخطر حاجه إنك تنهزم من " جواك " مش عوامل خارجيه ..
أنت مؤمن بالله و عندك يقين بيه لما تتقوى بالله حتى لو ضعفت و أتوجعت و أتكسرت ما ده طبيعي يحصل , بس عارف بيحصل ليه ؟!
عشان تحتاج لربك و تعرفة بأسمائه و صفاتة
فـتجري عليه و تلجأ له من ضعفك لقوته .. " القوى "
من فقرك لـ غناه .." الغني "
من ذلُك لـ عزه .. " العزيز "
من ضعفك و كسرتك لـ رحمته الواسعه .. " الرحيم "
منك ليه هو .. " القريب " فـتقوى من جواك تاني بسرعه و تبدأ تشوف هتعمل ايه و هاتتصرف إزاي و هو يعينك و يسخرلك كل اسباب تساعدك هو جنبك مش هايسيبك لحظه , هو مش بيسيبك أصلاً حتى لو أنت نسيت , فـ ما بالك لو جريت على بابه محتاج هيعملك ايه ولا أيه ..
خليك قوي و مستغني بالله من جواك , ده " السر "


إيهاب سعد الدين

نصائح 3dlat.com_19_19_b028





#2

افتراضي رد: نصائح من ذهب

بارك فيكِ وسلمت يداكِ

إظهار التوقيع
توقيع : أم أمة الله
#3

افتراضي رد: نصائح من ذهب

»»←♥مشكوره حبيبتي ♥→««

إظهار التوقيع
توقيع : حياه الروح 5
#4

افتراضي رد: نصائح من ذهب

يا هلا ويا مسهلا
السســلآم عليكم ورحمةة الله وبركاتــهه ..
كل الشكر لك على هالأثراء الجميل
مواضيع هنا وهناك في طيات هذا المنتدى
وهذا يدل على نشاطك المميز وتواجدك الفعال
احب اشكرك على كل بصمة لك سواءً
مواضيع مطروحة أو ردود أو تواجد
فلك مني كل التحايا والاحترام

لا تحرمينا من جديدكم ..

شكرًا لكِ .. تقبلـي مروري







#5

افتراضي رد: نصائح من ذهب

تشرفت بمروركن العطر
جزاكن الله خيراً

#6

افتراضي رد: نصائح من ذهب

خايفة من بكرة ...
مضايقة ..
مهمومة ..
طب بصى كدة معايا ربنا بيقول اية ؟؟
و عيشى مع كل اية و اطلعى بيها بأسم من اسمائة الحسني ..
قال تعالي ( فَمَا ظَنُّكُم بِرَبِّ الْعَالَمِينَ )
كم مرة بتبقى هتغرقى خلاص، و بينقذك ، فتفرحى أوي ، و تيجي تغرقى تاني فينقذك و في كل ضيق و في كل كرب بحسن ظنك و تسليمك لله كان دايما بيفرجها عليك ..
* اسم الله ( الوكيل )
________________________________________________
قال تعالي " أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدْتُ أَنْ أَعِيبَهَا "
كل عيب او ضيق من تقدير الله دايما هتلاقي وراءه حكمة و رحمة من إرادة الله .
*اسم الله ( الحكيم )
________________________________________________
قال تعالى ( لا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )
لولا هذهِ الأية لماتت بعض القلوب همًا
*اسم الله ( المدبر )
________________________________________________
قال تعالي " وَلَسَوْفَ يُعْطِيكَ رَبُّكَ فَتَرْضَى "
و كأنها يد حانية تمسح على كل من قُهر قلبه
*اسم الله (الجبار )
________________
كل موقف في حياتك هتلاقي اسم من اسماء الله بيعبر عنة و دة بيكون الاسم الاعظم اللي بتحتاجية عشان تدعي بية ..
اسماء الله الحسني هي اللي بيسير تحتها كل ذبذبات و ترددات الكون ... وهي فطرة الخير اللي جوة كل انسان
... لو ادركتي معني انك خليفة الله علي الارض و فيكى نفخة من روحة و تأملتى اسم الله ( الواسع ) بالتأكيد هتشوفى كل شيء في حياتك بمنتهي الوعي و الجمال ودة يوصلك بسرعة لكل الخير و اليسر ..

"يُدبّرُ الأمر"
أكتر أية بتخلي قلبك يطمن و دوشة دماغك تقفّ ، و حكاية ضيقك و مشكلتك دلوقتي ، هي قصة " تدبير الفرج " هتحكيها لغيرك بعدين و تأخير استجابة دعائك ده في تدبير " توقيت " بيتم دلوقتي باذن الله , بيفرحنا ساعة الاجابه ازاي اترتبت في التوقيت ده و بالطريقه دي ، اصبر و ماتبطلش تدعي ، كل دعوه بتدعيها بتجمل التوقيت اكتر ، و الاجابة بتبقي أكرم مما في خيالك ، شوف تدبير اخوة يوسف عليه السلام للتخلص منه هو نفس تدبير الله لتمكينه ، دة يعلمك ان مع ُ كل قصة فرج بتسمعها ، و تتأمل في جمال تدبير ربك في الموقف ، تثق ان فعلاً : لو كشف لي غطاءُ الغيب ما أزددتُ في الله الا يقين
عشان يبقى " الاول " في زمانه
فمتحطش نقطه دلوقتى و تنهي قصتك , للقصه بقيه ,
و اللهُ يبدل الاحوال
﴿ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ﴾


• الناس بقت قاسية اوي و حاسس بالوحدة •
= قال تعالي " وَحَنَانًا مِّن لَّدُنَّا "
لو جة عليك وقت وحسيت انك مفتقد حاجة في حياتك ..، دور كويس هتلاقي ربنا معوضك بنفس اللي انت محتاجة بس من باب تاني .،
من كتر ما احنا مركزين علي اللي ناقصنا مش شايفين ابواب الجمال و الخير كلها ..
ممكن انتي تكوني بنت جميلة و رقيقة مفتقدة امان و حماية الاب هتلاقي ربنا معوضك بأخ طيب القلب او اخت حنينة ..
ولو مفتقدة دفيء اللمة مع اخواتك هتلاقي ربنا رزقك بناس بتحبك من قلبها او صديقة وفية ..
ولو انت زوج و مفتقد بهجة الاولاد هتلاقي اللي بيعتبروك زي والدهم و مهتمين ازاي يسعدوك و يخلوا بالهم منك و يخافوا عليك..
ولو انتي مفتقدة دعوة الام او الاب هتلاقي اللي بيدعيلك بظهر الغيب من غير ما تعرفي ..
الدنيا مترتبة بحكمة شديدة بس احنا اوقات بنقفل قلوبنا و بصيرتنا عن خير ربنا و رزقة و حنانة ..
ربي اغفر لنا و انر قلوبنا بنورك و ارزقنا حنانا من لدنك

إيهاب سعد الدين



الكلمات الدليلية
ذهب, نصائح

أدوات الموضوع

الانتقال السريع

قد تكوني مهتمة بالمواضيع التالية ايضاً
الموضوع كاتب الموضوع المنتدى
خواتم ذهب ، خواتم ذهب روعة ، خواتم ذهب أنيقة ندى ام اكسسوارات ومجوهرات وأحذية
خواتم زواج ذهب ابيض روعة خواتم عرايس من الماس خواتم ذهب ابيض للعريس ندى ام اكسسوارات العروس
اطقم ذهب عرايس 2019, اجمل اطقم ذهب عرايس, ذهب العرايس, ذهب اطقم للعرايس ريموووو اكسسوارات العروس
خواتم ذهب جنان خواتم اخر شياكة خواتم ذهب شيك ندى ام اكسسوارات ومجوهرات وأحذية
ذهب الظمأ من أروع ما قرأت عن لذة الصيام أوعى يفوتكم لأول مرة بالمنتديات Aya Essam عدلات في رمضان



الساعة الآن 08:46 AM


جميع المشاركات تمثل وجهة نظر كاتبها وليس بالضرورة وجهة نظر الموقع


خيارات الاستايل

  • صورة خلفية
  • عرض الصفحة
  • تصميم جدول المنتدى
  • فصل الاقسام
  • صور المنتديات
  • خلفية المنتدى
  • اللون الاول
  • اللون الثاني
  • لون الروابط
  • الخط الصغير
  • اخر مشاركة
  • حجم خط الموضوع
  • طريقة عرض الردود
إرجاع الخيارات الافتراضية

التسجيل للنساء فقط

نعم أنا بنت لا أنا ولد
أو

التسجيل بواسطة حسابك بمواقع التواصل