أو

الدخول بواسطة حسابك بمواقع التواصل



يمكنك الآن التسجيل في عدلات. سجلي الآن وشاركي معنا وأحصلي على 100 نقطة هدية بداية تسجيلك! اربحي معنا من كتابة الموضوعات. شاركي معنا في عدلات واحصلي على نقاط تقييم لاستبدالها بدولارات!

72 2
#1

افتراضي نصائح التربيه من تجربتي، تعليمات هامه لولادك من تجربتي

التربيه, تجربتي, تجربتي،, تعليمات, لولادك, نصائح, هامه


التربيه, تجربتي, تجربتي،, تعليمات, لولادك, نصائح, هامه
طبعا كل ام تحلم ان تربي اطفالها التربيه السليمه وان يكونوا بافضل صحة وحال لان دي نعمه كبيره من ربنا ، الله منحها لنا لتكون مسؤليه علينا ان نربي جيل صالح بفضل الله
.
بهذا الموضوع بحكي لكم نصائح هامه من خلال تجربتي البسيطه المتواضعه مع اولادي:-
1- قبل الولاده لابد من التغذيه السليمه والاكل الصحي لان عدم الغذاء السليم بيخلي ولادنا بصحة مش مستقره ومناعة قليله ده بسبب طبعا ضعفهم ووزنهم القليل وقت الولاده , ده غير لا قدر الله ممكن توصل لحضانة بعد الولاده فليه كل ده نتابع بس الاكل الصحي والمفيد لكم ولولادكم
.
2 - بالنسبه للاولاد يفضل النظافه المستمره والرضاعه وعدم الامساك به طويلا لان الطفل بيتعود على الشيل وده بيكون صعب على الام ان تراعي امورها الاخري.





3- للمواليد الذكور يفضل طهارة الطفل بعد 40 يوم ، عانيت مع ابني الكير لان تمت طهارته بعد عام وكام شهر وطبعا اتبنج كلي وكان يتالم جدا جدا وبكاء وصريخ كتير ده غير حركته الكتير المتسببه بالمه اكتر . لكن بعبد الرحمن تم العمليه بعد الاربعين يوم والحقيقه كان الموضوع اسهل كتير له وليا لانه طبعا رضيع لا يتحرك كثير والحمد لله عدت بخير.
4- يراعي عدم السماع لاقوال الاخرين فانتي اكثر واحده تحسي بوضع ولادك ووضعك الصحي , مثلا بابني هاني انا مشكلتي ان لبني ضعيف جدا يكاد يكون قليل قوي فكنت بحس ابني الكبير لا يشبع ولا ينام من كتر طبعا الجوع وانا بعرف ان الطفل باولي مراحله ينام كتير وده مكنتش بشوفه مع هاني لو نام يبقي دقايق ويصحي يعيط كتير . طبعا قولت اكشف عليه عشان لو كده الدكتور يديله لبن صناعي لان لاحظت وزنه بيقل جداااا عن يوم ولادته. وكانت المشكله لقيت اغلبية من حولي يقولوا لا غلط هيتعود على الصناعي ومش هيرضع منك. سمعت كلامهم لاكتر من شهر ونصف لحد ما قررت الحق ابني واذهب مع زوجي بدون علم احد للطبيب واكد لي الطبيب انه ابني كان هيروح مني وحرام جدا استنيت كل ده بعذبه .وقتها قررت امشي بمصلحة ولادي واللي شايفاه انا وزوجي صح لمصلحة ولادنا.
5- طبعا الطفل بيكبر والمسوليه بتزيد, اشركي طفلك دائما معك احكي له ، غني له ، خليه يساعد ويناول طعام او غيره معك, كل ده بينمي مهارات حركيه وسمعيه وبصريه بالمحاكاة والتقليد.
6- طبعا مش كل ما يريد الطفل يجاب ، ودي كانت مشكلتي مع ابني الكبير اول ما يشاور بس على حاجه فورا تتجاب حتي لو من بره مهما كانت بكام ، لازم الطفل يعي ايه يتجاب وايه ملوش لزوم .
7- الحمام طبعا الطفل يتعود على البوتي او التواليت من بدري حتى يفهم يعني ايه حمام وده المكان المخصص للتواليت وكده ، مره على مره هيقلدك وهيعمل زيك، حفزيه وشجعيه عشان يتعلم ولو غلط وعمل على روحه ابعدي تماما عن علو االصوت لان بيجيب نتيجه عكسيه.
8- مشكلة الغيره بين الاطفال : طبعا عندي هاني كان يغار كثيرا من قدوم بودي لان طبعا حد قاسمه بالحنان والاهتمام. فحاولي قد الامكان الاهتمام الكبير لان الصغير لا يدرك وهو رضيع. حتى لما يكبر لازم الاخوات يحبوابعض ويشاركوا بعض بكل حاجه .
9- البعد عن التدليل الزائد : لازم الطفل يعرف وقت الجد ووقت الضحك واللعب يعني لما يغلط يعرف غلطه عشان لا يكرر لان الطفل لما يتعود على الدلع بيكون صعب بالترييه وبيتعب الاباء جدا.
10- خلق جو اسري دافئ وممارسة اي نشاط جماعي حتى لو فسحه سوى كل فتره الاولاد يحسوا بالدفء الاسري وتغيير جو لكل الاطراف والبعد عن ضغوطات الحياة.
11- عند بداية الطفل الكلام نحاول قد الامكان تحفيظ الطفل ايات من القران وتكرارها معه حتي يكبر على حب الله وحب القران بفضل الله.
12- عدم عقاب الطفل لمجرد العقاب وخلاص فالطفل حقه يفهم هو اتعاقب ليه وعمل ايه غلط حتى يعاقب ، والبعد عن الضرب والصريخ المتواصل لان بيخلق طفل ضعيف الشخصيه كتير.
13- طبعا انا برده ما زال ولادي صغيرين بس بحاول قد الامكان تعليم كل ما هو طيب ومفيد لهم والبعد عن المثال السئ ، لازم نكون قدوه حسنه لاولادنا يعني لا يجوز طلب من طفل يصلي والاب والام لا يلتزمون .
اخيرا اتمنى تكون نصائحي المتواضعه افادتكم
ربنا يبارك بكل اولادكم ويرزق كل مشتاقه
اللهم امين


التربيه, تجربتي, تجربتي،, تعليمات, لولادك, نصائح, هامه



إظهار التوقيع
توقيع : هبه شلبي
#2

افتراضي رد: نصائح التربيه من تجربتي، تعليمات هامه لولادك من تجربتي

أحسنتِ أحسن الله اليكِ وأفادك وجعله في ميزان حسناتك

إظهار التوقيع
توقيع : أم أمة الله
#3

افتراضي رد: نصائح التربيه من تجربتي، تعليمات هامه لولادك من تجربتي

كلامك كله صح حبيبتي عندك حق
انا عانيت الكلام ده مع ابن سلفتي موضوع اي حاجه عايزاها تجاب مكنش بيهمه الوقت ولا الفلوس ولا هو عنده زيها ولا لا لازم الاب والام يبعدو تماما عن ان اي حاجه عايزاها الطفل تتجاب


الكلمات الدليلية
التربيه, تجربتي, تجربتي،, تعليمات, لولادك, نصائح, هامه

أدوات الموضوع

الانتقال السريع

قد تكوني مهتمة بالمواضيع التالية ايضاً
الموضوع كاتب الموضوع المنتدى
نصائح طبخيه هامه ، اهم تعليمات لجمال مطبخك 2019 هبه شلبي استشارات ونصائح مطبخية
الطفل الانطوائي ، تعليمات هامه للتعامل مع الطفل الانطوائي هبه شلبي العناية بالطفل
نصائح مطبخيه هامه ، اهم تعليمات للمطبخ ، نصائح هامه للطبخ والمطبخ 2019 هبه شلبي استشارات ونصائح مطبخية
نصائح هامه فى تربية الطفل تعليمات عند العنايه بالطفل 2019 هبه شلبي العناية بالطفل
نصائح للام عند اعطاء الطفل الدواء تعليمات هامه عند تناول طفلك الادويه هبه شلبي العناية بالطفل



الساعة الآن 11:08 PM


جميع المشاركات تمثل وجهة نظر كاتبها وليس بالضرورة وجهة نظر الموقع


خيارات الاستايل

  • صورة خلفية
  • عرض الصفحة
  • تصميم جدول المنتدى
  • فصل الاقسام
  • صور المنتديات
  • خلفية المنتدى
  • اللون الاول
  • اللون الثاني
  • لون الروابط
  • الخط الصغير
  • اخر مشاركة
  • حجم خط الموضوع
  • طريقة عرض الردود
إرجاع الخيارات الافتراضية

التسجيل للنساء فقط

نعم أنا بنت لا أنا ولد
أو

التسجيل بواسطة حسابك بمواقع التواصل