أو

الدخول بواسطة حسابك بمواقع التواصل

#1

افتراضي مشاكلي مع جوزي خلاص واصلة للطلاق انصحوني

السلام عليكم




دلوقتي انا عندي مشكلة ان جوزي عنيد جدا وبيخاصم لفترات طويلة وعمره ما يصالح هو اخره يكلم العيال ويقولهم اسألوا ماما مثلا او روحوا لماما وانا بقي ابتدي واصالح طول 8 سنين كدة وكنت كل مرة بعند بس بيصعب عليا لانه كان بيمنع الاكل وبيبقي شكله تعبان المهم احنا كنا في بيت عيلة بس سلفي مسافر يعني حماتي بس وجت فترة حصلت مشاكل بينه وبين مامته لانها ست صعبة وعرضت عليه نمشي لاني زهقت ووافق وبيعت دهبي وفلوسي واداني فلوس كانت معاه مبلغ مش كبير وكملت من والدي واشتريت شقة جمب اهلي وبابا كان بيشطبها بس كان قدامنا لسة شوية وكنت متفقة هاروح اقعد عند اهلي فترات علشان ابني يروح مدرسته جمب اهلي المهم فجأة اخويا مات شاب 25 سنة وطبعا انا قعدت مع بابا وماما وبعدها بشهرين عرفنا ان بابا مريض جدا كانسر حالة متأخرة والدكتور قال قصاده كام شهر وفعلا مات بعد اخويا ب 6 شهور ولكم ان تتخيلوا حالتي وحالة ماما ايه وفي كل ده كنت بيخاصمني واصالح واكلمه اهزر ولا كان حياتي بتدمر وبحاول منكدش عليه بس بعد بابا انا فعلا شايفة الحياه سودة يعني اخويا اللي مربياه وبعده بابا سندي في الدنيا وصاحبي ورا بعض كدة وطبعا فترات من كلام صادم من الدكاترة ولف علي مستشفيات وبهدلة المهم توقعت انه هاينقل قريب مننا بقي ونتلم كل شوية حجج طيب حياتنا هاتفضل كدة طيب تعالنا خدنا حتي يوم العيال تحس ان ليها بيت لا انا هاجيلكم وييجي يبات ليلتين ويمشي وشوية ويخاصم واروح اصالح وده بعد وفاة والدي بأسبوعين بس وصالحت كذا مرة بس اخر حاجة بقي عمال يقولي مش تشغلي مخك بيا وشوفي العيال بس وشوية يقولي انتي دمرتيني انتي وامي طيب انا عملتلك ايه ده امك مبهدلاك تقارني بيها المهم اني زهقت ضغط علي اعصابي طول الوقت ومش حاسس بيا خالص المهم بعتله رسالة مفادها انه بيمثل الاكتئاب لانه بينزل شغله عادي ويروح مواعيده المهمة انما عند مراته وعياله بيكتئب وقولتله طلباتك مجابة انا هاشيلك من دماغي وبقالي اسبوع لا بكلمه ولا بعبره وطبعا هو مش هايكلمني كالعادة وبيكلم ابنه كل يومين علي الفيس كدة ولو ان دي مش عادته وانا كنت اخدة قرار الانفصال بس صعبان عليا العيال وصعبان عليا بردو اروح اصالحه واجي علي نفسي وبردو يومين ويتقلب تاني



#2

افتراضي رد: مشاكلي مع جوزي خلاص واصلة للطلاق انصحوني


@Om medo;
السلام عليكم ورحمة الله وبركاته
اهلا بكِ اختى الكريمة نورتى وباركتِ
بالنسبة لمشكلتك أختى هذه مشكلة مشابهة اقرئي رد العلماء عليها يسر الله لكِ كل عسير

وشرح صدرك لكل خير
السلام عليكم
متزوجة منذ ثمان سنوات أعاني من مشكلة مع زوجي، حيث أنه يخاصمني كثيرا بسبب، وبدون سبب، ينتظر مني دائما أنا التي أطلب السماح حتى يرضى، في السنوات الأولى من الزواج، كنت أتقبل الأمر، لكن اليوم لم أعد أحتمل حالتي النفسية لم تعد تحتمل حيث أصبت بأعراض الاكتئاب قلق، خفقان القلب، الأرق أحس أنه لا يحس بي أبدا، ولا يقدرني حيث يكون خصامه بدون سبب، لم يفهمني حتى في النفاس، وفي الحمل.
أرشدوني ماذا أفعل فهو عنيد؟

الاجابة:
اعلمي أن المرأة الصالحة ودودة ولودة مواتية لزوجها إذا غضبت من زوجها، أو غضب منها هي التي تبادر، وهذا واضح في الحديث، وفي التوجيه النبوي، يعني في الحالين هي التي تبادر حتى تقول: (لا أذوق غمضًا حتى ترضى)، وطبعًا هذا مهم جدًّا للزوجات، ولبناتنا أن يفهمن هذه المسألة.
فإن من طبيعة الرجل أنه يريد أن يشعر أنه مُقدر، وأنه يُحترم، وكذلك من طبيعة الزوجة وسعادتها أن ترى نفسها دائمًا أنها تسعى في إرضاء زوجها، والإحسان إليه وتقديره، فواصلي ما كنت عليه من الخير.
وطبعًا هذه نتيجة طبيعية، فدائمًا أخواتنا وبناتنا يبادرن فيصلن ويحسن، لكن لما ترى من الزوج الصدود، أو تأخير، أو إهمال فهنا تتوقف، ونحن نقول لا تتوقفي، واستمري على ما أنت عليه من الخير، واعلمي أنك الأفضل عند الله، فخير الأصحاب عند الله خيرهم لصاحبه، فقد كنت على الخير، ودائمًا بادري واطلبي السماح حتى يرضى، وإن كان هو الظالم، فإننا ننصحك بعد أن تسترضيه أن تعاتبيه في وقت آخر، يعني يمكن أن تصالحيه يوم الجمعة ثم يوم الاثنين لقد أحزنني ذلك الموقف، وعند ذلك سيقول: أنا آسف ما كنت أقصد.
فكوني أنت دائمًا المبادرة، وكوني أنت من ترغب في الأجر، والثواب عند الله تبارك وتعالى.
ويؤسفني أن كثيرًا من الأزواج لا يقدر هذه المشاعر وحالة الزوجة، وهذا طبعًا خلل فينا وفي ثقافتنا، لأننا لم نرجع لهدي نبينا - صلى الله عليه وسلم – ولم نعرف كيف كان تعامله مع الزوجات، فهو الذي كان بيده الشريفة يمسح الدمعة، ويلقن الحجة، ويخفف عن الحزينة ويواسي الأرملة، ويواسي الضعيفة، عليه صلوات الله وسلامه ضرب أروع الأمثلة والقدوة في الكيفية التي يتعامل بها الرجل مع المرأة.
واقتضت حكمة الله تبارك وتعالى أن يتزوج النبي - صلى الله عليه وسلم – من كبيرات وصغيرات، وأرامل كبيرات في السن من بدويات، ومن حضريات، ومن عربيات، ومن غير عربيات، تزوج من بنات الأعداء، وبنات الأصدقاء، وأسعد الجميع، وشمل الجميع بعطفه ولطفه وإحسانه، عليه صلوات الله وسلامه.
لكن ما أحوجنا معشر الرجال، بل ما أحوجنا جميعًا إلى أن نقف مع هدي النبي عليه الصلاة والسلام نتعلم منه.
فأنت الآن لا تحملين نفسك فوق ما تطيقين، ولا تكلفي زوجك فوق ما يطيق، فإن هذه الأمور قد تحتاج إلى وقت، وكون الرجل لا يقدرك أو لا يُظهر ذلك لا يعني أنه لا يحبك، والدليل على ذلك أنك استمررت معه ثمان سنوات، بالتأكيد يلبي لك بعض الطلبات، بالتأكيد لك في قلبه مكانة عظيمة جدًّا، ولكننا نفشل في إظهار هذه المشاعر، وهذا خلل كبير عندنا، لكن لا تظني أنه لا يقدر، ولا تظني أنه لا يهتم، لأن هذا الشعور يكلفك فوق طاقتك فتغتمّي وتحزني وتهتمّي وتتأثري، والرجل هناك لا يبالي ولا يسأل، وكأنه لم يحدث شيء.
لذلك خففي على نفسك، واعلمي أن هذا الاضطراب النفسي إعطاء الأمور أكبر من حجمها، التأثر الزائد والندم والحزن الزائد يجلب أمراض العصر، وستخسري ويخسر هو في نهاية الأمر.
إذن ضعي الأمر في موضعه، واقبلي زوجك بما فيه من تقصير، ونمّي وطوري ما عنده من إيجايبات، وضخميها وشجعيها، وحاولي أن تتعاملي معها، وأن تكوني أنت الأفضل دائمًا، ليس لأجل سواد عيونه، ولكن لأن الله يريد منك ذلك، وكثير من النساء سيدخلن الجنة بصبرهنَّ على أزواجهنَّ وبإحسانهنَّ إليهم.
وتقصير الزوج لا يقابل بتقصير، كما أن تقصير الزوجة لا ينبغي أن يقابل بالتقصير، لأن الحياة الزوجية عبادة وطاعة لله تبارك وتعالى، كلنا يريد أن ينال الأجر والثواب عند الله تبارك وتعالى.
إذا كان زوجك عنيفًا، فلا تعطيه التعليمات، ولا تعطيه الأوامر المباشرة، وحاولي أن تتعاملي معه بلطف، وحاولي أن تختاري الوقت المناسب لطلباتك، والكلمات المناسبة لطلباتك، وقدمي بين يدي كل طلب ثناء وذكر إيجابياته وإشعاره بأنك سعيدة إلى جواره حتى لو توسعت في ذلك وبالغت، فإن الشرع يسمح لك بذلك؛ لأن هذا حديث بين الأزواج.
نسأل الله أن يعينك على الخير، ونتمنى أن نسمع عنك خيرًا، وسوف نكون سعداء لتواصلك مع الموقع، فأنت على خير، فاثبتي على هذا الخير، ونشكر لك هذا التواصل، ونبشرك بالأجر والثواب عند الله تبارك وتعالى، ولا تعطي الأمور – أكرر – أكبر من حجمها، واستعيني بالله تبارك وتعالى، وتوكلي عليه، واعلمي أن العاقبة للصابرين، وأن العاقبة للمتقين، وجزاك الله خيرًا، وبارك الله فيك.







إظهار التوقيع
توقيع : أم أمة الله
#3

افتراضي رد: مشاكلي مع جوزي خلاص واصلة للطلاق انصحوني

شكرا اختي علي الرد الجميل وهو فعلا ليه مميزات انا لا انكرها وقد يكون خصامه ومصالحتي ليه بيحسسه بقيمته واني بحبه بس في نفس الوقت انا نفسيا محتاجة انه يتخلي عن شخصيته ويسندني بالذات بعد الصدمات اللي حصلتلي علشان كدة انا حساه مافكرش فيا خالص
#4

افتراضي رد: مشاكلي مع جوزي خلاص واصلة للطلاق انصحوني

ربنا يصلح الحال مش عارفه اقولك ايه بس بعد موت باباكى واخوكى اظن انك لازم تكوني هادئه وتفكري كويس يعنى كنتى مستحمله كل ده اظن انك تعبتي بس لازم تحافظى على بيتك وتكلميه وتروحى مكان ماهوا قاعد وتقعدى معاه لو عند والدته فاجئيه
وروحي هناك وقولي له انك مش هتقدرى تستغنى عنه وبعدها براحه اقنعيه انكوا تنقلوا للشقه التانيه

إظهار التوقيع
توقيع : حياه الروح 5
#5

افتراضي رد: مشاكلي مع جوزي خلاص واصلة للطلاق انصحوني

مش هقولك تتطلقي لان انتي متستغنيش عنه وهو بردو بيحبك بس احد علي كده انك دايما انتي اللي بتصالحي وانتي اللي مهما عمل هيحسسك انك غلطانه فمره مره المره دي خصمتيه اسبوع وكلميه عادي متعتذريش وبعدين طولي المده شويه لو عملها تاني هو هيحس بتغيير بيقولولك اتقلي علي الرز يشيط صح ولا ايه وربنا يصلحلك الحال يارب ويهديهولك ويهديكي له ويرحم والدك واخوكي يارب بس متفكريش في الانفصال عشان ولادك بس حتي وعشان دلوقتي انتو محتاجينه اكتر من الاول
ونصيحه تانيه ملهاش بالموضوع اوووعي تعصيه عل مامته عشان ميبقاش حرام

#6

افتراضي رد: مشاكلي مع جوزي خلاص واصلة للطلاق انصحوني

اسأل الله العظيم ان ييسر لكي امرك ويصلح حالك ويرزقك الراحة والطمأنينة ، اللهم أمين أمين
#7

افتراضي رد: مشاكلي مع جوزي خلاص واصلة للطلاق انصحوني


المشاركة الأصلية كتبت بواسطة om dahab
مش هقولك تتطلقي لان انتي متستغنيش عنه وهو بردو بيحبك بس احد علي كده انك دايما انتي اللي بتصالحي وانتي اللي مهما عمل هيحسسك انك غلطانه فمره مره المره دي خصمتيه اسبوع وكلميه عادي متعتذريش وبعدين طولي المده شويه لو عملها تاني هو هيحس بتغيير بيقولولك اتقلي علي الرز يشيط صح ولا ايه وربنا يصلحلك الحال يارب ويهديهولك ويهديكي له ويرحم والدك واخوكي يارب بس متفكريش في الانفصال عشان ولادك بس حتي وعشان دلوقتي انتو محتاجينه اكتر من الاول
ونصيحه تانيه ملهاش بالموضوع اوووعي تعصيه عل مامته عشان ميبقاش حرام
شكرا علي ردك بس هو مكتئب او عايش دور الاكتئاب وعايز يوصلي اني السبب وبنكد عليه وانا اصلا مش بشوفه ده بيجي يومين يتعشي وينام وحتي كان بيجي ياخدنا يومين هناك بطل وانا مش حابة انه يحرم مامته من العيال اما علاقتي بمامته مش وحشة انا مش بسخنه عليها وحتي لما بقول ننقل ده احنا هناخد اوضة زيادة هناك وحاجات من المطبخ وهاشتري انتريه واكمل باقي الشقة علي راحتي عايزاه بس ييجي يومين او 3 وباقي الاسبوع هناك وهما اصلا متخاصمين وكل واحد في شقته مش بيرموا السلام علي بعض بس انا مش عايزاه يسيبها خالص وكمان ليه اخ مسافر وعايش حياته و3 اخوات بنات

#8

افتراضي رد: مشاكلي مع جوزي خلاص واصلة للطلاق انصحوني

بأذن الله ربنا هيشيل عنك
#9

افتراضي رد: مشاكلي مع جوزي خلاص واصلة للطلاق انصحوني

رنلي الصبح رنة صغيرة قولت يمكن عايز ييجي ومكسوف بعتله رسايل علي الواتس ماقراهاش وقفل النت واتصلت بيه قولت هو بيتكسف يمكن عايز يشوف عياله ماردش عليا ولا مراعي اننا بدون راجل ولا مراعي اي حاحة انا عايزة اتكلم في الانفصال بس صعبان عليا ولادي لانه اخره هايكلمهم فيس وعمره ما هاييجي يبص عليهم
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
حياتي بين يديك ...♥ ♥mnoon♥ قصص - حكايات - روايات


الساعة الآن 06:24 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل