أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

عائلة مفككة

إضافة رد  أضف للمفضلة
https://vb.3dlat.com/showthread.php?t=66893
5994 11
#1

افتراضي عائلة مفككة

بسم الله الرحمن الرحيم
عزيزاتي كل المشتركات بهذا المنتدي ارجو النصيحة
انا زائرة وغير مشتركة فمنتداكم المحترم ولكن دائما ارى نصائحكم لكل مشكلة لذلك ارجوكم ارجو حل لمشكلة عائلتي كلها
احنا عائلة مكونة من اب وام وثلاث اولاد وبنتين
تزوجت انا واختي منذ 8 سنوات ولكل واحدة مننا ولدين وتزوج اخي وانجب ولدين ولكن لظروف سيئة طلق زوجته وتزوج واحدة تانية وطبعا اتشردو ابنائه واحد مع طليقته والتاني عند ابويا بيتربى فبيته وطبعا دة لان زوجة اخويا الجديدة رفضت انها تربيه وطردته بهدومه وللأسف اخويا معملش معاها اي حاجة ولا حتي زعقلها وعمر الطفل 4 سنوات وطبعا ابويا وامي زعلو جدا من تصرف زوجة اخويا وطبعا مرضيناش نتدخل على اعتبار ان اكيد اخويا هيتخذ معاه اكبر موقف فالتاريخ وهيعاقبها اشد العقاب ولكن مع الاسف ولا عمل اي حاجة وكأنه ملهوش اي شخصية وطبعا ابي غضب جدا لموقف اخويا وكلمه ونبهه ان ما فعلته زوجته اهانة لكل عائلتنا وخصوصا ان الطفل اصبح محروم الام ولازم له معاملة خاصة ولكن مع الاسف موقف اخويا سلبي كأن هذا الطفل لقيط اعوذ بالله ليس لديه اي عائلة ولا اب ولا ام ومفيش حد يرعاه غيري انا ومامتي ووالدي لدرجة ان اخويا اللي بقيت بقول عليه جاحد وملهوش عزيز قاطع ابويا وقال انا لو قابلت ابويا فالشارع مش هاسلم عليه وممكن اتكلم مع واحد يهودي ومتكلمش مع ابويا كل دة علشان ابويا اتكلم معاه انه يكون ليه شخصية قوية ولكن لا حياة لمن تنادي
وطبعا موقف امي وخواتي نفس موقف ابويا ولكن محدش راضي يتكلم مع اخويا لان طريقته مش محترمة ومبيوقرش اي حد واسهل حاجة عنده انه يقاطعنا ولا هنفرق معاه
يا جماعة الخير انتو مستوعبين المصيبة السودا اللي انا فيها




اخويا ابن امي وابويا قااااااااااااااااطع والديه علشان خاطر مراته واهلها ومبيكلمهمش ولا حتى بقى بيسأل عن ابنه اللي كان تعبان النهاردة وابويا وامي خدوه المستشفى وكشفولو ولما قلت لاخويا النهاردة ان الولد عيان تصدقو بأيه مردش عليا ودخل فموضوع تاني خالص
انا مخنوقة وصعبان عليا ابويا وامي وخصوصا ان اخويا دة وقع فمشاكل كتير قبل كدة ومحدش كان بيقف جنبه غير ابوه وامه واخواته ومع ذلك باعنا وعق ابوه وامه بسبب زوجة ربنا ينتقم منها بدال ما ترشده بتقويه على عقوق ابنه ووالديه
دلووووووني اتصرف ازاي ونعمل ايه ابويا مش بينام الليل بسبب الموضوع دة صعبان عليه حفيده المحروم من عطف الام ودلوقتي محروم كمان من الاب اللي مش فارق معاه
وبرضه ابويا زعلان على ابنه اللي رباه وكبره وعلمه وفالأخر هان عليه الذنب فضل مراته على العائلة كلها انا مش قصدي انه يعاملها معاملة وحشة بس كلنا كنا نتمني ان الموضوع ميعديش كدة من غير اي تصرف كلنا مستغربين هل هو بيحب ابنه ولا بيكرهه محدش من خلاني عاوز يدخل ويكلمه لانه مش محترم فردود افعاله وانا واخواتي قلنا لبابا متحطش فدماغك وادعيله ربنا يهديه بس فقرارة نفسنا بنقول ان ربنا هينتقم منه ومن مراته اشد انتقام بسبب عقوقه لواديه ومقاطعته ليهم ولأخواته



#2

افتراضي رد: عائلة مفككة

أدعيلو بالهدايه

والله بس اسم الموضوع مش لائق عائلتكم والحمدلله مش مفككه بس هيا مشكلة أخوكي ربنا يهديه الي عامله فيكم كذا بس أنتي قومي كذا بالليل وادعيلو بالهدايه والصلاح

وربنا يوفقك ويسدد خطاكي

تقبلي تحياتي أختك سمر من السعوديه
#3

افتراضي رد: عائلة مفككة

حبيبتى اى كلام مع اخوكى دلوقت مش حيفيد لانه واقع تحت تأثير حرمه المصون المحترمة لكن مع الوقت حيعرف مين هى لان النوع ده بيبان مع الوقت على حقيقته ومش حتقدر تضحك عليه للآخر
ادعيله بالهدايه ودى صلة دم عمرها ما تنقطع اكيد فى يوم من الايام ربنا حيهديه ويرجع لعقله
#4

افتراضي رد: عائلة مفككة

ينقل لقسم الفضفضة
#5

افتراضي رد: عائلة مفككة

حبيبتى انتو صعبان عليكم الولد اللى اتحرم من حنان امه وابوه وللاسف الشديد واضح كمان ان ابو الولد باع ابنه عشان خاطر مراته وحياته الجديده متزعليش منى اللى يبيع ضناه بالسهل كده متستغربيش انه يبيع ابوه وامه والدنيا كلها كمان لو حكمت بس نصيحتى ليكى ياحبيبتى انكو ترجعو الولد لأمه عشان هيا تربيه مع اخوه وكمان مش هتلاقو حد احن عليه من امه وممكن كمان تزوروه من وقت للتانى ويبقى كتر خير باباكى لو سابلهم مصروف شهرى ولو حتى بسيط عشان الولاد وصدقينى ربنا هيجازيه كل خير على معروفه مع احفاده وكمان هتضمنو ان امهم مش هتحوشهم عنكو بس ياقمر لازم الولد يتربى مع امه واخوه والا الولد ده هيجيلو حاله نفسيه فيما بعد لما يكبر ويلاقى نفسه لوحده من غير اب او ام او اخ وهيبقى صعب عليه جدا انه يعيش العيشه دى وربنا معاكو يارب
#6

افتراضي رد: عائلة مفككة

انتي لازم تحتسبي الأجر في رعاية الطفل وأهوه مالي عليكم البيت ..وأخوكي أتوقع دا طبعه من زمان فماتتعشميش فيه.. لأن الطبع صعب يتغير فانسي والولد مش ضايع ..اسمحيلي أقولك نص الأطفال الي أهلهم انفصلوا عاشوا عند الجد والجدة عادي اعتبريه أخوكي الصغير وشيلي من بالك حكاية أخوك ومراته
#7

افتراضي رد: عائلة مفككة

مزبوط كلام أم حمزة وعمر
أنا أؤيدها بقوة أنا كتبت الرد الأول قبل ماأشوف مشاركتها
وسبحان الله كده عرفتو إنو سبب الطلاق من أخوكي مش من الغلبانة المطلقة أم الولاد
الأفضل ترجع العلاقة بينكم حلوة عشان الولاد ويتربوا بينكم
#8

افتراضي رد: عائلة مفككة

صح ياا حمزه يسلم لسانك عايزه اسألك يااختي ايه الفكره ان الولد يعيش بعيد عن امه واخوة ده كده ظلم للأخوات
حرااااااااااااام اتنزلوا عن التحكم ده شويه ورجعوا الولد لمامته يتدفى في حضنها وترعيه هى الوحيده اللي حضنها يحس فيه بالحب والراحه والأمان وكل شئ افتقده مع اخوكي بجد لو صحيح بتحبوا الولد ده ويهمكوا نفسيته رجعوه لأمه واللي بتصرفوه ليه اعطوة لامه وزى ما قالت ام حمزه ابقوا زوروه او اتفقوا معاها
توديه عندكم يوم في كل اسبوع يكون مناسب للكل اما اخوكي ربنا يهديه مش هتكلم عنه علشان تقريبا اخويا زيه ماشي ورى مراته ومابيسمعش غيرها واحنا سايبينه لغاية ما يعرفها على حقيقتها
#9

افتراضي رد: عائلة مفككة

مشكووووووره أم حمزة

مبدعــــــــــــــــــــــه بجد

اوأيدك تماماً بالنسبه للولد
#10

افتراضي رد: عائلة مفككة

واللة يا اختى انا كنت هقول الى ام حمزة قالتة خلى الولد فة حضن امة واخوة وزوروهم

دا هيكون والله اعلم افضل على نفسية الولد وعشان يكون مع اخوة ويكونوا حنينين على بعض

اما اخوكى متستغربيش من حالة بقى فية من دا كتببر

ربنا يصلح لكم الاحوال
#11

افتراضي رد: عائلة مفككة

حبيبتي انا ما استغربت من كلامك اني ارى ما تذكرين عن اخيك في اخي الذي اصبح شرسا بكل ما تحمل الكلمة من معنى لدرجة ان امي التي تعبت في تربيتنا بعد وفاة ابي اصيبت بارتفاع الضغط بسبب اخي العاق و كلو من تحت راي زوجته،لم يسلم من اذاه احد من العائلة لاننا لا نرضخ لزوجته المتفرعنة و لم نجد حلا الا مقاطعتها لدرجة فقدت صوابه و هو ايضا و لم يجد ما يفعل
هذه الاشكال موجودة لكن الضحية هنا هو هذا البريء الذي لم يحتويه ابوه بعد تطليقه لوالدته
انا من راي الاخوات في ان تؤدوا الامانة الى اهلها
فليعش هذا الطفل في معية امه مادام حرم من ابيه و هو حي، وكل فرعون يبعثلو ربي موسى"وتلك اليام نداولها بين الناس"
إظهار التوقيع
توقيع : farcha
#12

افتراضي رد: عائلة مفككة

كلام العدولات تمام وكفاية انه اتحرم من حنان وحضن ابوه عوضوه بحنان امه واخوه وربنا يهدى اخوكى ويصبر والدك وامك


قد تكوني مهتمة بالمواضيع التالية ايضاً
الموضوع كاتب الموضوع المنتدى
موسوعة كاملة عن كل ما يخص البحار و المحيطات mahee عالم البحار والمحيطات
التعيش السلمي مع عائلة الزوج ام اروي فن الاتيكيت والتعامل مع الآخرين
بالصور.. أكبر عائلة للأقزام فى العالم صمت الورود غرائب وطرائف
معلومات عن الاسماك ريموووو عالم البحار والمحيطات
بحث الموسوعه عن ماوراء البحار ريموووو منتدى عدلات التعليمي


الساعة الآن 03:21 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل