أو

الدخول بواسطة حسابك بمواقع التواصل

#1

افتراضي تفتكرو انى ظالمه وقاسيه

السلام عليكم حبيباتى انا عندى مشكله جامده ولازم تقولولى الحل انا زوجه من 4سنين متزوجه عن حب واناوزوجى متفاهمين لابعد الحدود وانا زوجه والحمدلله باره بزوجى واولادى وحماتى رحمها الله وابواى وكنت اخدم حماتى برموش عينى واحبها كثيرا الى ان توفت ولكنى لم انساها وازورها دوما معه او بمفردى لانها كانت امى الثانيه المشكله ان زوجى له اخ واخت غير شقيقه من ام ثانيه وهى الكبيره ووالده متوفى من زمان وزوجى اصغر اخواته كانت ااخت زوجى عايشه فى الامارات حياه مستهتره هى وزوجها عندها ثلاث اطفال وزوجها كان يشتغل فى احدى البنوك الهامه ويتلقى راتب كبير وبسبب الاستهتار وعمل القروض على الفاضى والمليان اصبحو عليهم ديون كتيره جدا وقبل محماتى تموت طلبت منه تبعت فلوس لهم علشان الاخت واولادها ينزلو مصر علشان متبهدلين هناك ومش ياكلو خالص ومعيشتهم صعبه جدافرفضت حماتى مع العلم انها مربيياهامنذ ان كانت عنده 5سنوات لان والدتها توفت واستغربت لرفض حماتى صبحان الله توفت حماتى بعدها فاخذت كل دهب حماتى التى كانت قد اوصتنى باخذه كله فستاذنت زوجى وبعته كله وارسلته لاخت زوجى لتنزل مصر وتعيش فى شقه ابوها وكنت منذ تزوجت لم اتعرف عليها ال من خلال التيلفون وزياره لها لم تتعد اليومان اثناء شهر عسلنا وعندما اخذ زوجى ميراثه من امه طالبته ان يساعها ويعطيها جزء منه ولم اعترض ولكن الموضوع اصبح انانيه فظيعه فاستقرت هنا وصممت ان تتدخل اولادها مدارس اجنبيه رغم انها لا تملك المصاريف فطالبت زوجى بدفعها وايضامصاريف الدروس الباهظه والماكل والمشرب بسفه ودونيه فاصبح الموضوع غصب عننا ولازم ندفع برضا اوغصب لدرجة ان هذه المصاريف اصرت على معيشتنا جدا ومتتطلبتنا احنا وعيالنا وبصراحه انا تعبت من تتدبيير معيشتى على القد فى حين ان اخته تعيش فى رفاهيه جامده بفلوسى واصبح معظم مرتب زوجى لها هى واولادها واخوه المعاق ولكن انا التى اخدم اخوه المعاق خدمه كامله وده انا بعمله عن نفس مسامحه وانا حبه انى اخدمه اكراما لحماتى ولااتحدث عن مصاريفه اطلاقا ده ثواب وفرض على زوجى ولكنى اعانى من ظام اخته فانا احسست انها تتحدانى وبتغظنى وتزتفزنى معظم الوقت وكانه زوجها هى وليس انا بجد تعبت وبدات احس انى غلطت غلطه عمرى لما نزلتها وعرفت ليه حماتى مكنتش عايزاها تنزل اكيد هى عارفه اخلاقها واسلوبها اكتر منى وبدات اتخانق انا وزوجى بسببها ويقولى طب اعمل ايه هى اللى بتطلب منى بمنتهى البجاحه اعمل ايه هو كمان متضايق ومش عارف يعمل ايه لانه حاسس انه مقصر معنا بس انا عذراه ممكن تقولولى اعمل ايه وياترى انا كده ظالمها وعلى فكره هى متزوجه من ابن عمها وله اخوات كتيير ومقتتدريين لكن مش بتتطلب منهم لانهم كلهم بيكرهوها وبيقولو انها السبب فى ضياع اخوهم وديونه







#2

افتراضي رد: تفتكرو انى ظالمه وقاسيه

حبيبتي انت ظلمتي مين؟
انا شايفة ان انتم المظلومين والله انا في رأيي انكم تجمدوا قلبكم شوية وأخوكي يواجهها بأن الرفاهية بتاعتها دي انتوا مش ملزمين بيها ومتقدروش عليها
وتعيش على قدها أو ترجع تروح تعيش مع زوجها ويشيلوا هم نفسهم
وان كان ضروري من المساعدة يبقى للمتطلبات الضرورية أما الرفاهيات دي متخصكوش
ومتكثفوش لأن الكلام ده مفهوش غلط أو عيب انتو ليكم بيت وأولاد محتاجين
ومحدش يضمن بكرة فيه ايه
يمكن النهارده فيه لكن الله أعلم بكرة فيه وللا مفيش
وربنا يسترها معاكم ومع الجميع يارب
إظهار التوقيع
توقيع : رحيق
#3

افتراضي رد: تفتكرو انى ظالمه وقاسيه


المشاركة الأصلية كتبت بواسطة رحيق
حبيبتي انت ظلمتي مين؟
انا شايفة ان انتم المظلومين والله انا في رأيي انكم تجمدوا قلبكم شوية وأخوكي يواجهها بأن الرفاهية بتاعتها دي انتوا مش ملزمين بيها ومتقدروش عليها
وتعيش على قدها أو ترجع تروح تعيش مع زوجها ويشيلوا هم نفسهم
وان كان ضروري من المساعدة يبقى للمتطلبات الضرورية أما الرفاهيات دي متخصكوش
ومتكثفوش لأن الكلام ده مفهوش غلط أو عيب انتو ليكم بيت وأولاد محتاجين
ومحدش يضمن بكرة فيه ايه
يمكن النهارده فيه لكن الله أعلم بكرة فيه وللا مفيش
وربنا يسترها معاكم ومع الجميع يارب
انا مع رحيق في كل كلمة
إظهار التوقيع
توقيع : نيڨين
#4

افتراضي رد: تفتكرو انى ظالمه وقاسيه

عايزهاقولكم ان زوجى حاول قبل كده ومافيش فايده
#5

افتراضي رد: تفتكرو انى ظالمه وقاسيه

بصى يا قمر اولا مش تحطى فى بالك انها بتستفزك
او بتغيظك
انتى الحل فى أيدك وبكل بساطة
اقعدى مع جوزك وأتكلمى معاه بهدوء تااااااااااام جدا
وقوليلو يعنى انت بتصرف عليها وهى جوزها عايش
ودلوقتى هى عاية ومتهنية بفلوسك فى الوقت اللى انا واولادك فيه حياتنا باظت فيه وقوليلو حتى لو ماكنش علشانى وعلشان اولادك علشان خاطر أخوك حتى هو أولى بالقرش عنها هى وجوزها
وقوليلو انت لو فضلت تديها كدة حياتنا هترخم أوى وهيبقى فيها مشاكل كتير أوى وسعادتنا هتنتهى
وقوليلو يا تاخد معاها موقف وتقولها انا ماعنتش هدفع حاجة تانى ليكى ولا لاولادك جوزك عندك
وقوليلو انه حرام انه يعمل كدة
وخلية يسأل أى شيخ فى أى مسجد وهو هيقولو ان ده حرام
والمثل بيقول اللى يحتاجة البيت يحرم على الجامع
انا شايفة ان جوزك لازم يجمد شوية من ناحيتها حتى لو هى طلبت منه ببجاحة هو كمان يرفض طلبها ببجاحة
إظهار التوقيع
توقيع : semsemahasan
#6

افتراضي رد: تفتكرو انى ظالمه وقاسيه

اعوذ بالله شكلها طماعة وانانيه دى عاوزه تتعاملوا معاها بالمثل وربنا يصلح الحال
#7

افتراضي رد: تفتكرو انى ظالمه وقاسيه

ربنا يعينك حبيبتى

اولا انتى مش ظالمه ولا حاجه دنتى عملتى شئ اختها اللى هى اختها ابدا مكنتش عملته عشانها
انك تبيعى ورثك من حماتك عشان تنزليها مصر ده شئ فوق الخيال

وانك كمان تصرى على جوزك يديها نصيب من ورثه ده شئ طيب منك بس للاسف انتى بجد اتسرعتى وغلطتى كمان

ايوه حبيبتى اغلطتى

يا اختى الانسان ايوه لازم يعمل الخير ويرميه ورى ظهره بس مش لازم هو يعرف الاول هو بيعمل لمين؟؟
وكمان لا يبالغ فى عمله

يعنى انتى لو مثلا بعتى جزء من الذهب وادتيها كان معلش بس تبيعيه كله ده غلط

وكمان تجبرى جوزك يديها من ميراثه ده غلطك التانى

ياحبيبتى الدنيا بيع وشراء وكنتوا انتوا احق بالفلوس دى
انتى طمعتيها فيكم بالعربى
هى متعوده على الصرف والترف ولما شافتكم بتدوها من غير حساب قالت وماله اكيد هم مدكنين خليهم بقى يصرفوا عليا
كل انسان بيحب الراحه والدلع وهى لقت من يصرف عليها وعلى اولادها حتعوز ايه تانى......

خلى جوزك يمسك ايده معاها
مثلا لو حابب يديها يحدد لها مبلغ محدد بس لا يزيد ولا ينقص
مع انى مستغربه انه بيصرف عليها وجوزها وظيفته ايه؟؟؟
هو مش مسؤل عنها دى متجوزه
وجوزك عنده عيله اولاد عاوزين يكبروا وزوجه محتاجه ومتنسيش اخوه المعاق

يعنى وجودها فى حياتكم غلط غلط غلط وانتى السبب فيه للاسف
عارفه انك كنتى عاوزه الخير بس للاسف ماوزنتيش الموضوع صح

مكنتى اخدتى رأى اخواتك هنا قبل ما تتصرفى مش كان افضل لك؟؟

ربنا يهديكى
اتصرفى بسرعه قبل ما قطار الديون يوصل لكم وتخليكم على الحديده زى جوزها وبعدين انتوا اللى حتشحتوا مع اولادكم وهى قاعده حاطه رجل على رجل
إظهار التوقيع
توقيع : ريموووو
#8

افتراضي رد: تفتكرو انى ظالمه وقاسيه

يا حبيبه قلبى الله يعينك دى
فعلا طماعه اوى ومش بتشكر ولا بتقدرولا بتشيل جميل لحد
المفروض هى اللى تعيش ع قدها وانتم واجبكم تساعدوها اه مش تتكفل بجميع مصارفها
وبعدين دى متزوجه يعنى زوجها هو الكفيل بيها وباولاده
حبيبتى اقتصرى من يها خالص وخالى زوجك يحكم عقله ف علاقته بيها
واضح انها بتستغلكم
مش مبداء انها محتاجه وعايزه مساعده
دى طماعه
إظهار التوقيع
توقيع : ♥ احبك ربى ♥
#9

افتراضي رد: تفتكرو انى ظالمه وقاسيه

بصي حبيبتي هي بجحة ومينفعش معاها غير البجاحة في الصد
يعني هتستلفوا بعد كدة عشان تصرفوا عليها؟؟
وأمورها هي تصرفها بمعرفتها هي وجوزها
معلش هي مش هتغصب عليكم تطلعوا من جيبكم وتدوها
الموضوع محتاج منكم شوية شدة وتجمدوا قلبكم من ناحيتها شوية
إظهار التوقيع
توقيع : رحيق
#10

افتراضي رد: تفتكرو انى ظالمه وقاسيه


المشاركة الأصلية كتبت بواسطة رحيق
حبيبتي انت ظلمتي مين؟
انا شايفة ان انتم المظلومين والله انا في رأيي انكم تجمدوا قلبكم شوية وأخوكي يواجهها بأن الرفاهية بتاعتها دي انتوا مش ملزمين بيها ومتقدروش عليها
وتعيش على قدها أو ترجع تروح تعيش مع زوجها ويشيلوا هم نفسهم
وان كان ضروري من المساعدة يبقى للمتطلبات الضرورية أما الرفاهيات دي متخصكوش
ومتكثفوش لأن الكلام ده مفهوش غلط أو عيب انتو ليكم بيت وأولاد محتاجين
ومحدش يضمن بكرة فيه ايه
يمكن النهارده فيه لكن الله أعلم بكرة فيه وللا مفيش
وربنا يسترها معاكم ومع الجميع يارب
انا كمان من رائي رحيق لازم تواجهيها
إظهار التوقيع
توقيع : لولو حبيب روحي
#11

افتراضي رد: تفتكرو انى ظالمه وقاسيه

عندكم حق والله انا السبب بس لوكنتى بتسمعو العياط فى التيلفون وانهم قاعدين 4 ايام ياكلو فينو بس لان مافيش فلوسك كنتو عملتو ذى وعلى فكره ياريمو جوزها رفضوه من البنك بسبب الديون وعرفنا انها بتبعتلو من الفلوس بتاعتنا لانه قاعد من غير شغل ومش عارف ينزل لانهم سحبو جواز سفره
#12

افتراضي رد: تفتكرو انى ظالمه وقاسيه

أنا من رأي البنات
دي عايزة تمشي معاها بمبدأ المثل اللي بيقول " اللي عايز تحيره خيره "
هو جوزك يحدد لها مصروف شهري بحيث ميأثرش على مستوى معيشتكم
ويقولها دي امكانياته عجبها ماشي معجبهاش يبقى تتصرف مع نفسها بقى
انشاءالله تنزل تشتغل والصنف ده لما يشقى علشان القرش بيعرف قيمته ويقدر تعب الناس اللي كانت بتساعده
لكن طول ما أنا قاعدة مرتاحة واللي بطلبه بيجيني لحد عندي يبقى ححس بظروف الناس وشقاها على القرش ازاي ؟
#13

افتراضي رد: تفتكرو انى ظالمه وقاسيه

انتى مش ظالمة ولا حاجة دا انتى طيبة اوى ربنا يصلحلك الاحوال
واتفق مع رأى البنات جدا
إظهار التوقيع
توقيع : حسناء
#14

افتراضي رد: تفتكرو انى ظالمه وقاسيه

ربنا يعينك عليها ويصلحلك حالك
إظهار التوقيع
توقيع : dodo modo
#15

افتراضي رد: تفتكرو انى ظالمه وقاسيه

حبيبتى انتى عملتى خير فيها واعتبريه لوجه الله تعالى ولاتندمى عليه علشان اجرك ميروحش والانسان مابيتعلمش ببلاش
المهم اللى جاى اقنعى زوجك ان اخته ليها زوج مسئول عنها وهو قادر يصرف عليها وان عيشتها تفوق ظروفها وان ولادكم واخوه المريض اولى بالفلوس الزيادة اللى بتصرفها على البذخ وان اخته لو كانت ظروفها فعلا تحتاج مساعدتكم لن تتأخروا عنها
حبيبتى الخير اللى عملتيه هتلاقيه فى ولادك وتذكرى ان البر لايبلى والديان لايموت .
إظهار التوقيع
توقيع : دفء الجنوب
#16

افتراضي رد: تفتكرو انى ظالمه وقاسيه

تعرفى انى عندى مشكلة اشبة بمشكلتك من جهة اهلة اللى طمعانيين فينا بشكل يخنق بس ربنا وكيلى حسبى الله ونعم الوكيل فى كل اللى يستحل تعب وشقى وجهد غيرة


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجازة الأولاد بدأت.. تعالوا لهذا الدرس الهاااااام أم أمة الله العناية بالطفل
انسانه مش سعيده نورهان عامر فضفضة وحل المشاكل
كورسات ممارسة الانجليزى اونلاين للبنات + تجربة بعض المشتركات مع هبه عوض أمــانــدا مشاريع وافكار تجاريه
بنت محبطة جدا جدا ...ارجو الدخول د_رغدة فضفضة وحل المشاكل
هل انا شريرة ؟ غير مسجل فضفضة وحل المشاكل


الساعة الآن 07:31 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل