ست كوم بقلم جوزي (تعريف مبدأي بالشخصيات)وانتظروا الحلقه الاولى

تبدأ الحلقه الاولى والست نجلاء اللي اتكلمنا عنها فالتعريف بشخصيتها في الاستغلال كالعاده
جوزها على المكتب حواليه شوية طلبه بيديهم درس تاريخ
وبعد ما ينتهي الدرس تروح نجلاء لبنت من الطلبه ويبدا بينهم حوار بلهجتها الغريبه

المشهد الاول

^

نجلاء / بِط يا صاره
(تقصد بت يا ساره بس الظاهر ان الجيوب الانفيه تعبانه معلش)

ترد ساره باشمئزاز / نعم يا طنط ؟

نجلاء / هو انتى بتحطي على شعرك ايه يا بط

ساره / ليه يا طنط خير ؟

نجلاء / اصل شعرك علطول حلو كده وناعم قلت اكيد اكيد اكيد ابوكي اللي ليل نهار فالسعوديه
لازم بيبعتلك زيوت وكريمات و ...و ...و

ساره في صمت / اعوذ بالله ! وترد عليها وتقولها عادي ده زيت موجود منه فمصر بردو

نجلاء / طيب يا حبيبتي ابقى هاتيلي شويه اصل حاجة السعوديه احسن


ويقطع عماد الحوار بصوته الجهوري وينده على مراته ويقول / يا نجلااااااه

الحقيقه بردو مش فاهمين ليه دايما عماد يخلي معظم الكلام نهايته حرف الهاء !

اسمها نجلاء ويناديها نجلاه
اخته اسمها عبير يناديها عبيه
حد يساله اسمك ايه يقول عماه
مع انه اسمه عماد !!!

بجد انسان مبالغ فيه ههههههههههههه

ترد عليه نجلاء / عايز ايه

عماد / سيبي ساره فحالها وتعالي


ساره / انا ماشيه عن اذنكو

وتخرج ساره جري وتقفل الباب وكأنها بتهرب من نجلاء الجشعه

وفجاه يجي كريم ال فتانيه ثانوي ويجي يجري بطريقه تنرفز ومتخيل نفسه طفل ويقول
ماما ماما ماما

عمرو خد من العصير بتاعي شويه يا ماما

عماد / انت يا عارف يا قليل الاده منك له (يقصد الادب طبعا)

لو سمعت صوتكم ودوشتكم انتم حرين


ويروح كريم في صمت يشرب العصير الناقص حبه وتكاد الدموع ان تسقط من عيناه

مشهد يمزق القلوب فعلا

هههههههههههه

^

المشهد الثـــــــاني

@@@

الست فهيمه اللئيمه رايحه تشتري مبيد للصراصير من الصيدليه
شافت واحده رايحه تسال الدكتور على حاجه
وبتقوله ان من بداية الصيف والحر البيبي بتاعها بيطلع فى دراعه نقط
وقبل ما ينطق الدكتور بوصف شئ
تقطع فهيمه الحوار وتقولها
بسييييطه يا ست بسييييطه عادي كل العيال كده
هو انتو كل حاجه تجرو عالدكاتره كده
لازم يكون في حكمه وخبره

الزبونه في دهشه / شكرا يا استاذه بس انا بكلم الدكتور

فهيمه / بلاش كلام فاضي

كل ده قرف وكيماويات بتاذي العيال اكتر
انتى امسكي دراع الولد وادهنيه سمنه بلدي كل يوم قبل ما ينام
ولفيه بورق المونيا
وهيصحى تماااااااااااام

ضحك الدكتور جدااا ضحكه ساخره ورد قال / ااايوه وحطيه فى الطاجن وعالفرن عدل

فهيمه اللئيمه / ايييييه يا دوكتووووور انت بتستهزا بخبراتي
اسال مجرررب ولا تسال طبيب
دي البت سمر وهي صغيره كانت ....
قاطعها الدكتور وقالها / خلاااااااااااااص من فضلك
اتفضلي طلباتك ومع السلامه
ومشت فهيمه تكلم نفسها وتقول دانتا دكتور عايز ضرب النار في عز الضهر


(ماتفهموش بردو ايه الحكمه من عز الضهر يعني)
بس هنعمل ايه جملتها الشهيره !

هههههههه

^

المشـــــهد الثـــالِث

@@@

د / أمجد نازل من عربيته وراجع البيت
يقابل الست فهيمه اللئيمه على باب العماره فتكون سبب كافي بعذره للاشمئزاز هذه المره
لانه زي ما قولنا فالتعريف بالشخصيات انه دايما ملامحه مشمئزه يمينا ويسارا ههههههه
الست فهيمه في سذاجه وسماجه وتقل دم / ازززززززززززززززززززززززززززززززززززززيك يا دوكطر (تقصد ازيك يا دكتور)

لكن هي متخيله انها كده بتترقىَ
ههههه

يبصلها د/ امجد باشمئزاز ويهز راسه شمال ويمين في اسف وصمت قاتل
ويطلع السلم بلا اي تعليق
تواصل فهيمه رزالتها وتقوله اييييه يا دوكطور انت دايما متكبر كدااااليه
وتضحك ضحكه مستفزه وتدخل
اول ما تدخل مالباب تنادي على بناتها
لا دي بترد ولا دي بترد
تقول فهيمه انتي فين يا ( تيييت ) منك ليها
معلش حذفت للرقابه هههههههههههه
وكالعاده بناتها الاتنين بيتكلمو فالموبايل وهاتك يا رغي

تطلع رنا اخت فهيمه وتقولها انتي جيتي يا ابله فهيمه
فهيمه / ايوه يا رنا جيييت
فين العيال الجزم
رنا / ايوووووووه ايووووه عليهم يا ابله فهيمه من اعة مانزلتى مابطلوش كلام فالموبايل
من ساعتها بقولهم بتقولو ايه يا ولاااااااااد
ومابيردوش عليا
فهيمه / طول عمرك بلهاااء يا رنا يبقا الكلام فى وشك ولا انتي هنا مش تسمعيلي ال(تيييييت) دول بيقولوا ايه
ههه بردو حذفت للرقابه معلش ههههههههههههه
رنا / اهيييه هيه هيه ايوووه عليكي وعلى الفاظك يا ابله فهيمه
فهيمه / اوعي كده وانتي بارده عايزه ضرب النار في عز الضهر يا رنا
@@@

تدخل فهيمه تلاقي سمر فالبلكونه واقفه بتصفر !

فهيمه / ادخلى يا (تييييت) ههههه بتصفري لمين
سمر / ايه يا ماما طربتيني

هي تقصد خوفتيني بس هي دايما كلمة طربتيني معناها عندها خوفتيني
الحقيقه ماسمعتهاش من حد الا مالبت دي ههههههههههههه

فهيمه / بتصفري لمين يا جزمه ياللي عايزه ضرب النار فى عز الضهر

سمر / دمك تقيييييييل كل حاجه عندك فعز الضهر كده مينفعش فالصبح ولا العصر يعني

فهيمه / ردي يا فردة جزمه وماتضيعيش الموضوع كنتي بتصفري لمين

سمر / دا مستر هيثم اللي فالدور الرابع اصله كان واقف ادام عربيته وصفرتله وعملتله باي وقاللي هاي
هههههه ده عسل بشكل يا ماما يا خساره متجوز يا خسااااره
ههههههههههههههه

فهيمه / بس يا بت اتادبي يا بت وروحي ذاكري بلاش قلة ادب بنات اخر من عايزين ضرب النار فعز الضهر

سمر / دمك ...(تييييت) حذفت للرقابه بردو هههههههههههه
اصل العيله دي لسانها فالت ومابنتبلاش على حد هههههههه