ست كوم (بقلم جوزي) الحلقه التانيه

عسوووولاتي

لسه جايه مالفرح ومهدود حيلي والله

مارقصتش ماتفهموش غلط
دا جوزي يقطم رقبتي
هههههههههه

ورغم اني تعبانه مووووت

بس دخلت عشان انزلكم الحلقه التانيه فمعادها وزي ما وعدتكم وقلت اني هدخل بعد ماجي مالفرح لو فيا حيل

هههههههه

الاول نحط لنك الحلقه الاولى والتعريف بالشخصيات
https://adlat.net/showthread.php?t=73746


وثم ندخل عالحلقه التانيه



المشـــــــهد الاول

^

في بيت محمد وندىَ

ندى / آآآآآه ، خلاص مش قادره استحمل ، ضرسي هيموتني مالالم

محمد / طاب يا حبيبتي مانا قلتلك نروح نكشف احسن بدل ما كل شويه تقولى ضروسي وجعاني

وتاعبه نفسك ومصدعاني

ندى / مانتا عارف انا بخاف مالدكاتره

محمد / ماتخافيش دا الدكتور طارق جارنا دكتور شاطر اوي والناس كلها بتشكر فيه جدااا
انا هتصل بيه احدد ميعاد

ندى / امري لله هروح وخلاص


وبدأ محمد في الاتصال بدكتور طارق

محمد / وعليكم السلام ، ازيك يا دكتور
لالالا ماتقولش كده ـ دا احنا اللي مقصرين معاك
المهم بقا ندرى ضرسها تاعبها شويه وعاوزين نيجي لحضرتك العياده النهارده
الساعه سبعه ؟ اوكي يا دكتور هنكون عندك في الميعاد ان شاء الله
مع السلامه

@@@

محمد ينادي على ندى

يا ندى دكتور طارق قال الساعه سبعه معادنا

ندى / يااااه الساعه سبعه ازاى بس مش هلحق اجهز دي الساعه اربعه حالا
ازاي هجهز في 3 ساعات بس مانتا عارفني

محمد / معلش عشان خاطري المره دي تعالي على نفسك وحاولى تجهزي بسرعه في 3 ساعات بس

ندى / عشان خاطرك بس اوعدك اني هحاول !

محمد / خلاص انا هنام شويه وقبل ما تجهزي بعشر دقايق ابقي صحيني عشان اجهز نفسي

^

المشهد الثاني

@@@

في بيت الست فهيمه

الست فهيمه / ايه اللي انتي عملاه ده يا رناااا ، مش قلتلك تسيبي اللحمه تستوي الاول لوحدها

رنا / آيوووووووووه عليكي يا ابله فهيمه لازم تحسسيني اني مابعرفش اعمل حاجه
يعني هتفرق ايه لما تستوي لوحدها ولا مع الاكل

الست فهيمه / بردو بتأوحي ومفيش فايده فيكي ، يا بت اسمعي كلامي وخلاص دانا مفيش حد يفهم فى الطبخ زيي
دانتي عايزه ضرب النار في عز الضهر


سمر / صووووت عربية مستر هيثم اهووو ، تعالي يا بت يا اميره ندخل نبص عليه مالبلكونه بسرعه

الست فهيمه / اتأدبي يا بت يا (تييييييييت) منك ليها على الله واحده فيكم تطلع البلكونه

وفورا تروح الست فهيمه هي تبص مالبلكونه وتقول / ازيك يا مستررررر

يبتسم ليها مستر هيثم في اشمئزاز دون ان ينطق بحرف !!

الست فهيمه في صوت منخفض / انت عشان مانتا وسيم ومسمسم تتكبر كداهووو ، دانتا عايز ضرب النار في عز الضهر

@@@

المشــهد الــثالِث
@@@

في عيادة دكتور طارق

محمد بيقول للتمرجي / مساء الخير

التمرجي / مساء النور ـ اكيد حضرتك استاذ محمد ومدام ندا ـ معادكم بالظبط

محمد / بالظبط يا فندم احنا ، دكتور طارق موجود؟

التمرجي / موجود وفى انتظاركم بس الاول الكشف خمسين جنيه لو سمحت

.

دفع محمد الكشف وخد ندا ودخلو لدكتور طارق

دكتور طارق / اهلااااااااااً ، اهلا محمد ازيك ـ ازيك يا مدام ندا
انتو نورتونا والله ـ والله انا عارف اني مقصر معاكم بس مشاغل بس والله
تشربو حاجه ساقعه ؟ ولا بلاش ساقع عشان ضروس مدام ندا
تشربو شاي ارخص ؟ قصدي احسن ؟ ولا بلاش السخن بردو غلط
خلينا نكشف علطول


وكشف الدكتور طارق على ندا وخلع الضرس المتعب

دكتور طارق / ان شاء الله هتبقى كويسه يا مدام ندا ولو في اي مشاكل اتصلو بيا علطول
اوعو يكون الواد التمرجي خد منكو فلوس الكشف

محمد / ماتشغلش بالك يا دكتور دي حاجه بسيطه

دكتور طارق / طيب كده في كمان 100 جنيه بقا تمن خلع الضرس ياريت تدفعهاله بره
نورتنا يا محمد والله نورتونا يا مدام ندا

@@@

المشــــــــــهد الرابــــــــــع

^

على سلم العماره

ندا بتعيط من الم خلع الضرس

يقابلهم على السلم في الدور الاول مستر هيثم وزوجته لمياء

لمياء / خير يا ندووود مالك يا حبيبتي بتعيطي ليه يا رووح قلبي

محمد / لا ابدا اصلها خلعت ضرسها

مستر هيثم / يااااه خلعت ضرسها ؟ وازاي استحملت ؟؟ ده شئ مؤلم جدا
اتس اوفر !

محمد / ايه يا هيثم هو انا بقولك عملت عمليه ـ ده ضرس عادي يعني

وتضحك لمياء وتقول /
هههههههه لا اصل هيثم اخر مره خلع ضرسه طلع مالعياده يعيط وكل البنات اللي اعدين فالعياده ضحكو عليه



مستر هيثم / ايوه خليكو انتو كده هرجو واضحكو مانتو ماجربتوش ـ ربنا يكون في عونك يا ندا
قلبي معاكي فعلا اسال مجرب ولا تسال حبيب

@@@

في الطابق التاني تقابلهم ست فهيمه

الست فهيمه / ايييه مالك يا حبيبتي سلامتك الف سلاااامه ؟ مزعلها ليه يا استاذ محمد
معلش يا حبيبتي معلش هما الرجاله كلهم كده

محمد / يا ستي مزعلها ايه بس دي كل الحكايه انها خالعه ضرسها

الست فهيمه / خالعه ضرسها ؟؟؟ وتخلعه ليه دا كان كفايه عليها تتمضمض كل يوم بميه وملح سبع مرات قبل الاكل وبعد النوم

محمد / اوكي ماشى ، شكرا عالنصيحه ، المره الجايه بقى اخليها تتمضمض





ندى / اسكتتتتتت بعد الشر

الست فهيمه في صوت منخفض / ال تخلع ضرسها ال

دي ناس بتدلع عاوزه ضرب النار فى عز الضهر .

@@@

في الطابق التالت تقابلهم دكتوره مها

دكتوره مها / ايه يا جماعه خير بتعيطي ليه يا بنوته ؟

محمد / لا ابدا يا دكتوره دي بس خلعت ضرسها

دكتوره مها / آه ـ احسن كتير ،، وعلى فكره العياط ده مش شرط ابدا يكون الم
عندكم مثلا علم النفس بيقول ........

محمد يقاطعها ويقولها / انا بقول نروح احسن وبعدين نبقا نشوف موضوع علم النفس ده !