أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

الكدب له حل او علاج

إضافة رد  أضف للمفضلة
https://adlat.net/showthread.php?t=99906
2183 6
#1

جديد الكدب له حل او علاج

[FONT=""][COLOR=""][SIZE=""]انا عاوزة احكى لكم وافضفض على اللى جوايا وعاوزة منكم حل او رأى انا متجوزة من سنة وشهرين تقريبا المشكلة اللى بتنغص عليا حياتى هو ان جوزى كداب للاسف وده اكتشفته بعد الجواز اوى ومش كده وبس وبيخبى عليا حاجات هامة فى حياته مينفعش زوج يخبيها على زوجته وخصوصا ان اهله عارفين واللى خباه عليا وعرفت بالصدفة هو انه اشترى شقة ومقليش على موضوع الشقة دى انا عرفته بالصدفة وعرفت ان اهله كلهم عارفين الا انا المغفلة الوحيدة واحنا دلوقتى مش فى مصر وهو اشترى الشقة لما نزلنا اجازة من ورايا طبعا مع العلم اننا معندناش شقة فى مصر خاصة بينا ولما بننزل اجازة بنقعد عند امه وقالى انه مرضيش يقولى على موضوع الشقة ده عشان مشبطش فيها واقوله اقعد فيها وتبقى شقتى وعشان هو عاوز يشترى شقة لكل عيل من عياله (هو عنده عيال من زوجة قبلى ومنفصل عنها واولاده عايشين معاها وبيبعت لها مصارفهم ) وشقة ليا ويوزع هو الشقق على حسب ما بيقول طبعا الحجة دى مدخلتش دماغى مش مصدقاه مع ان ام عياله عارفة بموضوع الشقة دى وانا لا
انا مش حاسة بالامان معاه بعد الموضوع ده بالذات وكمان مبقتش اصدقه فى حاجة يقولها بعد ما اكتشفت كدبه اكتر من مرة ومش قادرة اطمن له ولا حتى طايقاه ولا طايقة انه يلمسنى والعلاقة الزوجية بقيت اكرهها ومش عاوزاها ولو قلت لحد من اهل مش هيعمل حاجة عشان فى سوء تفاهم بينه وبينهم من قبل ما نتجوز وكمان هما مبيدخلوش بين اى واحدة من اخواتى وجوزها وملهمش دعوة ودلوقتى انا حامل وقرفانة اوى من عمايله ومش طايقة اشوف وشه ولا اقعد فى المكان اللى موجود فيه وكمان عمل موقف زفت يوم الوقفة وكدب طبعا لما سألته وحرق دمى الموقف ده وكل ما اعاتبه يقولى خلاص لما انا مش عاجبك يبقى كل واحد يروح لحاله انا بصراحة نفسى اطلق بس اهلى مش هيقبلونى وانا مطلقة نفسى حد يقولى اعمل ايه واتصرف ازاى وهل فى اعمل انه يتعدل ولا لا ؟[/SIZE][/COLOR][/FONT]


#2

افتراضي رد: الكدب له حل او علاج

للاسف ياحبيبتى

لو انتى مش حامل!!!

كنت قلتلك انفذى بجلدك ده بيانه واحد عاوز يعيش حر وبمزاجه

بس انتى حامل وحرام الطفل يتولد من غير اب

وبعدين انتى ازاى حتربيه وانتى وحدك؟؟ ده حتى اهلك مش مضمون انهم يقبلوا بيكى فمابالك وانتى معاكى عيل

واضح ان زوجته الاولى نفذت منه بس بعد ايه؟؟ عندها اطفال منه
وشكله كده حيكون مصيرك لو معرفتيش تتصرفى معاه صح

انا فهماكى الكذاب العيش معاه صعب اوى
مافيش امان ولا مصداقيه

بس حاولى تغيريه وتتعايشى معاه لحد ماربنا يقومك بالسلامه يمكن حاله يتصلح لمايشوف ضناكى منه ويحاول يتعدل عشانه

وربنا يعينك
إظهار التوقيع
توقيع : ريموووو
#3

افتراضي رد: الكدب له حل او علاج

حبيبتي عايزاكي تصبري على
الأمور شويه بكرة الايام تخلي جوزك يطمنلك ويبقى سره معكي
مع الوقت والعشرة صدقيني
والله امور كتير بتتصلح غير
انك بتعرفي جوزك صادق في ايه
وكداب في ايه وان شاء الله تجيبي
طفل ويبقى همه يأمنله مستقبله
برضواصبري وادعيله بالهدايه
وربنا معاكي
#4

افتراضي رد: الكدب له حل او علاج

معلش يا قمر اصبرى يمكن فى حاجة حصلت بينكم تخلية مش بيقولك على حاجة او يمكن عرف انك بتحكى لاهلك وخاف منهم
بس
دة اكيد مش مبرر انة يكدب عليكى
اصبرى شوية لانة شكلة عايز يسيبك وبيتسلق علشان تيجى منك
محدش بيستحمل حد حتى لو اهلك
ربنا معاكى
#5

افتراضي رد: الكدب له حل او علاج

الكدب حاجة فظيعة وفهماكي ياقمر وعذراكي بس يمكن فعلا عامل الشقة دي لعياله وده مش عيب وبكرة ان شاء الله لما تولدي برضه هايعمل شقة لابنك بصي هو فيه لفته حلوة انه بيفكر في عياله في زمن معدش حد بيفكر في حد الا نفسه بس لو انتي فعلا مش طايقة بتتعاملي معاه اكيد اسلوبك معاه دلوقتي وحش وانا عذراكي بس خلي بالك كده الشيطان هيخليه يصدق انه كان عنده حق انه يخبي عليكي اصبري شوية
ومعدتيش تفكري فيه انتي دلوقتي حامل ربنا يتمم حملك علي خير ويرزقك بطفل ينسيكي جوزك وكذبه
لان الطلاق مش حل خصوصا انك مش بتشتغلي يعني هاتحتاجي حد يصرف عليكي وانتي شايفة الدنيا دلوقتي عاملة ازاي والمصاريف استعيني بالله واكثري الاستغفار وعاملي جوزك بما يرضي الله اولا ومافيش حق ربنا بيضيعه ابدا عامليه كويس لوجه الله وعسي ان تكرهو شئ وهو خير لكم ربنا معاكي وطمنينا عليكي ياقمر
إظهار التوقيع
توقيع : لولو حبيب روحي
#6

افتراضي رد: الكدب له حل او علاج

[FONT=""][COLOR=""][SIZE=""]
المشاركة الأصلية كتبت بواسطة لولو حبيب روحي
الكدب حاجة فظيعة وفهماكي ياقمر وعذراكي بس يمكن فعلا عامل الشقة دي لعياله وده مش عيب وبكرة ان شاء الله لما تولدي برضه هايعمل شقة لابنك بصي هو فيه لفته حلوة انه بيفكر في عياله في زمن معدش حد بيفكر في حد الا نفسه بس لو انتي فعلا مش طايقة بتتعاملي معاه اكيد اسلوبك معاه دلوقتي وحش وانا عذراكي بس خلي بالك كده الشيطان هيخليه يصدق انه كان عنده حق انه يخبي عليكي اصبري شوية
ومعدتيش تفكري فيه انتي دلوقتي حامل ربنا يتمم حملك علي خير ويرزقك بطفل ينسيكي جوزك وكذبه
لان الطلاق مش حل خصوصا انك مش بتشتغلي يعني هاتحتاجي حد يصرف عليكي وانتي شايفة الدنيا دلوقتي عاملة ازاي والمصاريف استعيني بالله واكثري الاستغفار وعاملي جوزك بما يرضي الله اولا ومافيش حق ربنا بيضيعه ابدا عامليه كويس لوجه الله وعسي ان تكرهو شئ وهو خير لكم ربنا معاكي وطمنينا عليكي ياقمر
انا اللى مزعلنى ان كل الناس عارفين الا انا يعنى هو انا عدو مثلا عشان يخبى عليا ولما قلت له اخواتك عرفو وانا لا يقولى عشان هما لو معرفوش هيزعلوا يعنى هو خايف من زعل اخواته ومش خايف انى ازعل ولا تفرق معاه زعلى والمبرر بتاعه انه عمل كده عشان محدش يقوله انا عاوز شقة يقصدنى انا طبعا عشان انا معنديش شقة فى مصر وانا رضيت بكده للاسف وفى الاخر يعمل كده وكانت حجته ساعتها انه معهوش فلوس واننا هنسافر برة وننزل اجازات شهر فى السنة وان الشقة هتقفل عالفاضى ويدفع ايجار على الفاضى بس انا دلوقتى للاسف الشديد مش بصدق كلامه وبشك فى كل كلمة بيقولها وغصب عنى بواجهه بالكدب وبقوله مش بصدقك بس اعتقد انه واخد على كده متفرقش معاه[/SIZE][/COLOR][/FONT]
#7

افتراضي رد: الكدب له حل او علاج

[FONT=""][COLOR=""][SIZE=""]
المشاركة الأصلية كتبت بواسطة نورى
معلش يا قمر اصبرى يمكن فى حاجة حصلت بينكم تخلية مش بيقولك على حاجة او يمكن عرف انك بتحكى لاهلك وخاف منهم
بس
دة اكيد مش مبرر انة يكدب عليكى
اصبرى شوية لانة شكلة عايز يسيبك وبيتسلق علشان تيجى منك
محدش بيستحمل حد حتى لو اهلك
ربنا معاكى
مفيش حاجة حصلت بينا تخليه يعمل كده انا مبحكيش لاهلى اى حاجة هو بيعملها معايا وانا صريحة معاه جدا ومحدش من اهلى بيدخل فى حياتى خالص بس انا قررت انه اعامله بالمثل واكدب واخبى عليه لانه يستاهل كده[/SIZE][/COLOR][/FONT]



الساعة الآن 12:34 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل