كيك الكريم كراميل من مطبخ مورا ( قدرة قادر )

السلام عليكم ورحمة الله وبركاته


مسائكم \ صباحكم فل يا عدولات

تعالوا اتعملموا معايا كيك الكريم كراميل ( قدرة قادر )




المقادير :

(1)

1\2 كوب سكر

(2)

كوب لبن
3 بيضه
فانيليا
علبة زبادى
ملعقه صغيره قرفه
3 ملعقة كبيره قرفه
كيس لبن بودره نيدو

( 3 )

3 عدد بيض
فانيليا
1\2 كوب لبن
3 ملعقه كبيره سكر
1\4 كوب زيت
كوب الا ربع دقيق
نص باكو بيكنج بودر
ملعقة نشا
( انا ضيفت فى الكيك 2 ملعقة كاكاو خام ) اختيارى

الطريقه :


. انا مقسمه المقادير 3 مجموعات
. نعمل السكر كراميل فى الصينيه اللى هنعمل فيها الكيك
(نسيح السكر على نار البوتجاز لحد مالونه يبقه دهبى ونسيبه يبرد ومتخافيش لو الكراميل نشف عادى )
. نضرب مقاديرالمجموعه التانيه فى الخلاط ونضيفها فى الصينيه اللى فيها الكراميل .
. نضرب مكونات المجموعه التالته فى الخلاط ( مكان الخليط السابق عادى مش هيحصل حاجه ) ونضيفه فى الصينيه من على جنب .
. نسخن الفرن لمدة عشر دقايق
. نحط الصينيه فى صينيه اكبر منها ونحط فيها مايه ( حمام مائى ) وندخلها الفرن وهتاخد فى السوا حوالى ساعه الا ربع .
. لما تطلع من الفرن نسبها تبرد شويه وندخلها التلاجه لمده لا تقل عن ساعتين
. لما تطلع من التلاجه نقلب الصينيه ونقطعها وتاكليها بالف هنا وشفا .









الكيك اسمها كيك الكريم كراميل او قدرة قادر
ليه بقه اسمها قدرة قادر ؟
علشان انتى لما بتيجى تعمليها بتحطى المكونات كلها على بعض فى صينيه واحده وبقدرة قادر بتطلع 3 طبقات
الكراميل




والكريم
والكيك

سبحان الله قدرة قادر هههههههههه