أو

الدخول بواسطة حسابك بمواقع التواصل

#1

افتراضي مستلزمات الجهاز ياعروسة

السلام عليكم...
أنا قولت أعمل الموضوع ده عشان أفيد بيه كل البنات اللي بتجهز أو قربت تتجوز ومحتارة ومش عارفة تشتري إيه ومتشتريش إيه؟
وأنا شخصيا هأقولكم من خلال خبرتي المتواضعة جدا في الموضوع ولأني متزوجة حديثا وكمان نزلت كتير ولفيت وقعدت أدور ونزلت مع كتير من صحباتي عشان نشتري مستلزمات الجهاز
أول نصيحة أحب أقولها لك ... اهتمي بالجودة بتاعت أي حاجة تشتريها حتى لو الكم هيكون قليل وطبعا كل واحدة وحدود إمكانياتها واحتياجاتها
بس أنا بأشوف أنك لو اشتريتي حاجة جودتها كويسة وماركة معروفة حتى لو هتدفعي أزيد سنة فده مع مرور الوقت هتكتشفي إنه أوفر لك بكتير من إنك تشتري حاجات كتير جودتها مش أد كده وكل شوية تبوظ فتصلحيها أو تشتري غيرها... كإنك رميتي فلوسك في الأرض
تاني نصيحة اشتري احتياجاتك بس بغض النظر عن كلام الناس والبنت لازم تشتري كذا وتعمل كذا ... لأنك في الآخر أنتي اللي هتدفعي مش الناس
وبعدين أنك تشتري حاجات قليلة جودتها كويسة أحسن ماتشتري حاجات كتييييير بس ملهاش لزمة وأي كلام
أنا هبتدي معاكي بالمطبخ لأن حاجاته كتيرة جدا ومبتخلصش
والجملة الشهيرة ... ممكن تفضلي لحد يوم الفرح الصبح تشتري في حاجات وحاسة إنك لسه مخلصتيش
طبعا محبكيش توصلي للمرحلة دي
حاولي نشتري حاجاتك وتخلصي كل حاجة على أد ماتقدري ... واللي متعرفيش تخلصيه قبل الجواز أبقي اشتريه بعدها الدنيا ما أتهدتش...
اكتبي كل احتياجاتك في ورقة تبعا لأولوياتها واستشيري ناس سبقوكي تكوني بتثقي فيهم
طبعا المطبخ فيه:
1. حلل (تيفال – أستانلس – صاج - ألومنيوم) ...
[IMG]https://fbcdn-sphotos-a.***- /hphotos-ak-snc7/310848_246054622109782_202232713158640_639343_1909747551_n.jpg[/IMG]
أنا شخصيا أنصحك بشراء حلل تيفال للأرز والمكرونة والحاجات اللي ممكن تلزق وتتعبك في التنضيف وأستانلس في سلق اللحوم وطهي الخضراوات ... لأنهم عمليين جدا وصحيين جدا أكتر من الألومنيوم اللي بيسبب أمراض مع مرور الوقت والصاج لو الحلة اتخدشت هيبقى مفروض تترمي ومتستعمليهاش ... هتقوليلي طب ما التيفال برضو ممكن يتخدش .. هأقولك استعملي معلقة خشب
والتيفال فيه ميزة عدم الالتصاق وتنضيفه سهل جداااااااااا وطبعا اشتري التيفال من نوع معروف وأنا شخصيا شايفة أن أحسن نوع تيفال هو برستيج يليه تيفال زهران ... وأنا شخصيا جربت الاتنين برستيج التيفال بتاعه أمتن وفيه طبقات أكتر ومعاه ضمان مدى الحياة ... الأستانلس مش فارقة أوي أهم حاجة قاعدة الحلة تكون سميكة والحلة لما تيجي تمسكيها تحسي أنها تقيلة
2. صواني (تقديم – فرن – صواني كيك) ...
[IMG]https://fbcdn-sphotos-a.***- /hphotos-ak-snc7/301068_246059628775948_202232713158640_639375_1031731269_n.jpg[/IMG]
صواني التقديم دي خاضعة لذوقك وإمكانياتك إنما أنصحك أنك تشتري صواني الفرن والكيك تيفال وزي ما قولت قبل كده أن أحسن نوع هو برستيج هتشتريه وبجد هتنسيه ... عايزة تعملي كيكة وتقلبيها هتتقلب معاكي وعمرها ماهتلزق في ناس بتشتري صواني ألومنيوم وطواجن بيركس .. البيركس جميل وصحي جدا وكل حاجة بس عايز معاملة خاصة جدا وحرص
3. الكيتشن ماشيين...
[IMG]https://fbcdn-sphotos-a.***- /hphotos-ak-ash4/299646_246046332110611_202232713158640_639294_1227975563_n.jpg[/IMG]
في ماركات كتيرة جدا كويسة تتناسب مع إمكانياتك ... في براون ومونليكس وكينوود ... أنا شخصيا شايفة أن كينوود من أفضل الماركات لكذا سبب ... أولا هي ماركة عالمية معروفة جدا .. ثانيا بتوفر أغلب احتياجاتك (خلاط.. كبة.. مضرب بيض.. أسلحة تقطيع وبشر..عصارة برتقال) في جهاز واحد بسعر تحفة جدااااااااا ده غير أنك لو متابعة قناة فتافيت هتلاقي أغلب البرامج بتستخدم كينوود في أغلب الاستعمالات ... ممكن لو شايفة أن الكيتشين ماشيين ملهوش لزمة أو مش هي دي احتياجاتك تشتري خلاط بمطحنة وكبة (لأنك تقريبا دي أكتر حاجات بتستخدميها في الكيتشن ماشيين بشكل يومي يعني مينفعش تستغني عنهم)
4. طقم سكاكين ومعالق ... المعالق اهتمي أنك تشتري حاجة مصنوعة من الأستانلس عشان تعيش معاكي من غير مالونها يغير وطبعا أحسن
حاجة ف الأستنالس ... الألماني (طبعا هو أغلاهم) ...وده أنصحك تخليه للسفرة وتجيبي طقم تاني (6قطع من كل من الشوك والسكاكين والمعالق) تخليه للمطبخ ... بالنسبة للسكاكين ففي طقم سكاكين برستيج حلو جداااااااااا وأنا زعلت أوووووي أني معرفتش أن برستيج بتنزل أطقم سكاكين بسعر تحفة ومعاه حامل خشب تحطي السكاكين جواه وكان نفسي أرجع طقم السكاكين بتاعي وأجيب برستيج بس ملحقتش أعمل كده لأني اتزنقت في الوقت
5. الكوبايات والكاسات:
مستلزمات الجهاز ياعروسة
طبعا هتشتري كوبايات للشاي وشوبات للماء وكاسات للعصير ده غير حاجة النيش ... يستحسن أنك تشتري من كوبايات الشاي طقمين زي بعض وكذلك في الكاسات عشان لو جالك عدد كبير يبقى الحاجات كلها زي بعض
نآخد فاصل ونرجع نواصل إن شاء الله







#2

افتراضي رد: مستلزمات الجهاز ياعروسة

بالنسبة للمفروشات...

فأهم شيء برضو مش أنك تشتري حاجات كتير على أد ما الجودة بتاعت الحاجة اللي تشتريها مفروض تكون كويسة وياريت تكون كويسة أوي

المفروشات بتشمل:

1. الملايات والكوفرتات
2. الفوط والبشاكير والبرانس
3. البطاطين واللحفة

بالنسبة الملايات والكوفرتات والفوط والبشاكير والبرانس ... أهم شيء تكون قطن 100%
في ناس بتشتري حاجات نسبة القطن فيها 85% والـ 15% الباقيين بيكونوا بوليستر

أنا شخصيا مش بحبذ غير القطن 100% ... لأنها بتمص العرق ومبتسببش أي حساسية ودي حاجة مهمة جدا وبتكون خفيفة ف الحر

وحاولي تنوعي بين الملايات المنقوشة والملايات المطرزة وإن كانت الملايات المطرزة شكلها أشيك وعرايسي أكتر طبعا

والفوط القطن أحسن مليوووووون مرة من الفوط القطيفة وإن كان شكل الفوط القطيفة جميل فبرضو الفوط القطن أحسن مليووووون مرة لأنها بتشرب المية كويس جدا
حاولي زي ماقولت قبل كده تشتري نوع كويس حتى لو أغلى نسبيا لأنه هيعيش معاكي والألوان هتفضل ثابتة وهيفضل شكله متميز عن غيره

وبالنسبة لأحسن أنواع في الفوط والملايات والكوفرتات:

1. سوفت لينبن (جبت منه فوط وملايات)
2. العز والسراج (جبت منه أطقم ملايات)
3. السروجي (جبت منه كوفرتة وبشكيرين)

طبعا في حاجات أحسن من كده بس دي أحسن ماركات وأسعارها معقولة

وفي أطقم بتلاقي نفس النقشة اللي على الملاءة هي نفسها اللي على الفوط وعلى البرنس وعلى طقم اللحاف بيبقى شكلها تحفة جدااااااااااااا ...
زي كده...

[IMG]https://files2.***- .com/2011/10/13197319915675.jpg[/IMG]

ممكن تشتري حاجة زي كده... أنا شخصيا اشتريت طقم ملاية وفوط نفس رسمة التطريز... كان شكلها متميز وهو ده اللي فرشته ساعت فرحي وكان من سوفت لينن...وعجب حماتي وأخت زوجي جدا

لو هتفرشي شقتك مودرن هاتي مفرش سرير مودرن أنا شخصيا شايفة أن المفارش المودرن غالية شوية وغالبا مش بتتفرش غير في أول الزواج

لو هتفرشي شقتك ستيل طبعا هتجيبي مفرش كلاسيك ودول متوفرين بكافة الأسعار يعني اللي يناسبك هاتيه أهم شيء يكون لايق على ألوان شقتك وشكله رقيق وناعم

بالنسبة للأعداد تجيبي أد إيه... السؤال الشهير جدا

أنا شخصيا شايفة أنك لو اشتريتي من كل حاجة في (الملايات – فوط الوجه ) 6 بس جودتهم عالية يبقى كفاية أوي

ممكن تشتري طقم فوط فيه كذا مقاس وتكملي بقية فوط الوجه بفوط تانية مفيش مشكلة

ولو هتشتري بشاكير مش هتحتاجي برانس والعكس

والكوفرتات كفاية أووووي 2

والبطاطين (أحسن خامة في البطاطين الأسباني وفي حاجات صيني بتكون حلوة) 2 و ممكن تشتري بطانية ولحاف ودلوقتي اللحفة الفايبر مالية السوق

#3

افتراضي رد: مستلزمات الجهاز ياعروسة

بالنسبة للملابس ... الموضوع المحير دائما لكل البنات...

هنقسم الملابس كالآتي:

عباءة الاستقبال:

أنا رأي تكتفي باتنين واحدة قطن أو كتان مطرزة

وواحدة تانية تكون فيها أورجنزا أو شيفون وتطريز وخرز وكده

أو في ناس ممكن يشتروا واحدة صيفي وواحدة شتوي ده شيء يرجع لك ويرجع لظروف أهلك وأهل زوجك والناس اللي هيزروكم وكده وحسب هتتجوزوا أمتى

طقم الدخلة: بيبقى أبيض وكل ما كان بسيط كل ما كان أشيك

ملابس البيت: بيجامات وقمصان قطن في الصيف وجلاليب وترينجات في الشتاء

ورأي تجيبي كام حاجة شيك أوي وحاجات تانية عادية شوية عشان تلبسي منهم وأنتي واقفة في المطبخ أو بتنضفي الشقة ومتبهدليش الحاجات الشيك اللي عايزة تفضلي محتفظة بشياكتها ورونقها

ورأي برضو تجيبي حاجات أكبر شوية من مقاسك عشان لو ربنا أكرمك بحمل أو تخنتي شوية بعد الزواج مترميهاش وتحتاسي عشان تشتري غيرها

وبالنسبة لـ...

ملابس الخروج:

هتشتري الطقم بكل مستلزماته (يعني بطرحته والبندانة بتاعته والمعصم والشراب والجذمة والشنطة)

وممكن تشتري في الجذم والشنط الألوان اللي بتمشي على كل ألوان اللبس زي (الأسود - البني - الأبيض)

ممكن تشتري 3 أطقم شيك أوي عشان الخروجات وكده في أول الزواجد ... وأطقم تانية عادية وممكن تخلي حاجة عشان تروحي بيها السوق وشراء مستلزمات البيت عشان متبهدليش أشيك حاجات عندك

ده بمنتهى البساطة موضوع اللبس في أي واحدة عندها سؤال أو استفسار؟؟؟

#4

افتراضي رد: مستلزمات الجهاز ياعروسة

شكرا جزيلا
إظهار التوقيع
توقيع : نجمة منورة
#5

افتراضي رد: مستلزمات الجهاز ياعروسة

مشكورة حبيبتي على مجهودك
تم التقييم

إظهار التوقيع
توقيع : لؤلؤة الايمان
#6

افتراضي رد: مستلزمات الجهاز ياعروسة

يسلموووووو
إظهار التوقيع
توقيع : ام رغد
#7

افتراضي رد: مستلزمات الجهاز ياعروسة

كفيت ووفيت تسلمي
#8

افتراضي رد: مستلزمات الجهاز ياعروسة

احلى تقييم

موضوع حيساعد العرايس كتير اوى

رائعه يسلم ذوقك واختيارك
دائما انت متميزة ومتالقه
اتمنى لك دوام التميز

ريموووو

رد: مستلزمات الجهاز ياعروسة

إظهار التوقيع
توقيع : ريموووو
#9

افتراضي رد: مستلزمات الجهاز ياعروسة

شكرا يابنات ... يارب يكون الموضوع مفيد بالنسبة لكم
#10

افتراضي رد: مستلزمات الجهاز ياعروسة

بجد ممتاز موضوعك هيفيد كثييييير
#11

افتراضي رد: مستلزمات الجهاز ياعروسة

عندك حق خالى لسة شايفة جهازوا وفعلا جايب الحاجات بالهبل تسلمى يا سكر عقبالك برغم ما شوفت ملف انك اتجوزتى او لا
إظهار التوقيع
توقيع : نونو حسن
#12

افتراضي رد: مستلزمات الجهاز ياعروسة

جزاكى الله خيرا


#13

افتراضي رد: مستلزمات الجهاز ياعروسة

وإياك ياقمر
#14

افتراضي رد: مستلزمات الجهاز ياعروسة

شكرا جزيلا
إظهار التوقيع
توقيع : قلب واحد
#15

افتراضي رد: مستلزمات الجهاز ياعروسة

موضوع اكثر من ممتاز

تم التقييم يا قمر

و في انتظار كل جديد منك

إظهار التوقيع
توقيع : زهرة الأوركيدا
#16

افتراضي رد: مستلزمات الجهاز ياعروسة

يسلمو كلام وموضوع حلو يهبل
تقبلى تحياتى

إظهار التوقيع
توقيع : ليبية وافتخر
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
أعشاب طبيعية مفيدة لأمراض الجهاز التنفسي , 7 أعشاب طبيعية مفيدة لأمراض الجهاز التنفسي العدولة هدير الطب البديل
تسوق واشتري العاب اطفالك من موقع واحد ألعاب مول...ألعاب أكثر متعة أكثر فريال علاء سوق عدلات النسائي العام
كيفيةوقاية الجهاز التنفسي من الامراض والحفاظ على صحته لولو حبيب روحي العيادة الطبية
مستلزمات الجهاز ياعروسة / مستلزمات كل عروسة / جهاز العروسة / قايمة العروسة / جهاز مشمشة المفرفشة نصائح وترتيبات
((وفي أنفسـكم أفــلا تبصــرون )) الجهاز البولي ريموووو العيادة الطبية


الساعة الآن 02:11 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل