(اللي فات خلاص نبدا من جديد بقا ال10 الاواخر من رمضان)
اسفه والله يا جماعه هديلى كتير مبدخلش بس الامتحنات والدرسه وكده بس اهو خلاص خلاصت واخت الاجازه وجيبلك النهارده موضوع مهم واتمنا حسن استمعكم
بعنوان (اللي اللي فات خلاص نبدا من جديد بقاال10 الاواخر من رمضان)
بكره مع آذان المغرب هنكون دخلنا فعلياً في ليلة ٢٠ إن شاء الله ....
١٠ نقاط مُختصره وسريعه ومُحدّده
١- ليلة القدر سُمّيت هكذا لإنها تُقدّر فيها مقادير العباد السنويه
ادعوبالتوفيق والسعادة والعافية والنجاه ..
٢ - ليلة القدر بعبادة ٨٤ سنه.... ليله واحده ب ٨٤ سنه عباده ...الساعه في ليلة القدر ب ٨ سنين عباده.. والدقيقه ب ٥٠ يوم عباده
....فأين المُشمّرون. 
٣- مفيش أي دليل شرعي ثابث صحيح عن النبي صلي الله عليه وسلم ... ولا احد من الصحابه ... ولا سلف الامه ... يُجزم ( وحط علي كلمة يُجزم ده خمسين خط ) إن ليلة القدر ليله ٢٧ ....... كل اللي انت بتسمعه ده عباره عن إجتهادات من بعض الفُقهاء بدون دليل
... والأثر الوارد عن الصحابيّ أُبيّ ابن كعب رضي الله عنه إن ليلة ٢٧ هيا ليلة القدر كان الظاهر من مقصود كلامه إنها كانت ليلة ٢٧ لتلك السنه وليست في كل السنين 
٤- معلوم وثابت ومتواتر إن ليلة القدر تتنقّل وليست ثابته ... سنه تبقي ٢٥ .. وسنه تبقي ٢٧ .. وسنه تبقي ٢٩ .. وسنه تبقي ٢٣
٥-خطأ كبير وخلل عظيم ... إنك تجتهد ف القرآن والقيام والدعاء واعمال الخير ف الليالي الوتريه فقط (21 _ 23_25_27_29) وتتكاسل وتتراخي ف غير هذه الايام ... انت كده عملت بالظبط زي اللي عنده امتحان ف 10 دروس فذاكر 5 منهم بس ودخل الامتحان
....أبسط قواعد المنطق بتقول إنّه لايمكن يجيب الدرجه النهائيه ف الامتحان لانّه أكيد هيجيله سؤال من الدروس اللي مذكرهاش
بالإضافه إلي إن فيه أقوال مُعتبره عن بعض الصحابه وبعض السلف وبعض فقهاء الأمّه أن الليالي الوتريه قد تكون ( ٢٢ _ ٢٤_٢٦ _٢٨ ) لإن طريقة حساب العرب زمان كانت مختلفه عن طريقة حسابنا اليوم .....ولكن المشهور والراجح ان الليالي الوتريه هيا الليالي الفرديه ...... المهم ما عليك إلا أن تجتهد في العشره كلهم فردي وزوجي إبتداءاً من الليله
٦- متسخّرش طاقتك ومجهودك في الانشغال بليلة القدر هتكون يوم كام ...ولا تشغل نفسك بعلاماتها ... سخّر جهدك وطاقتك في إنك تشتغل ال ١٠ ليالي دول وكأنهم أخر ١٠ ليالي ليك في
الدنيا .... وليلة القدر تطلع زي ما تطلع
٧- لو كنت من الناس الل فرّطوا وضيّعوا من أول رمضان ...أو لو مكنتش لسه بدأت أصلاً ...لسه عندك فرصه متضيّعهاش... يقول ابن تيمية
( العبرة بكمال النهايات لا بنقص البدايات
لو مش هتعدّي مع النّاس الل هتعدّي الأيام ده هتعدّي إمتي ؟؟؟؟ 
.....إنقذ ما يُمكن إنقاذه.......قال أحدهم ( حُسن الختام خيرٌ من حماسة البدء ٨- لو مرتبط ببرنامج مُعيّن من أول رمضان ... خليك ماشي عليه .... ولو قدرت تزود الجرعه شويه بها ونعمه ... مقدرتش خليك علي اللي انت ماشي فيه
٩- دلوقتي جهّز ورقه وقلم واكتب فيها حاجاتك ورغباتك ودعواتك .... حاول ما تكتّرش .. خليهم ٤ أو ٥ حاجات علشان تركّز عليهم ... وافضل ادعي بيهم من الليله .. وتحرّي أوقات الإجابه وخصوصا الثلث الاخير من الليل .. وماتدعيش بلسانك ادعي بقلبك وحاول تبكي وانت بتطلب الحاجه ( اصنع قدرك بنفسك ) ...... قال ابن عبّاس رضي الله عنه ( للعبد مع الله قدران ... قدر بالدعاء ... وقدر من غير الدعاء
١٠- للشباب والبنات .. ابتداء من مغرب غداً لو عرفت تعتكف في المسجد من بعد التراويح لحد الفجر يبقي تمام أوي...إعتكافك في المسجد بعيد عن الاختلاط بالناس هيساعدك علي إتيان العشر الأواخر بشكل مختلف
.....( ولو قررت تعمل كده سيب تليفونك في البيت 
علشان لو خدته معاك الشيطان هيخليك تفتح نت في المسجد ويبوّظ عليك الل بتعمله )نتعب ياجماعه ... نتعب ياجماعه ... نتعب ياجماعه
يقول ابن الجوزي رحمه الله ( إن الخيل إذا شارفت نهاية المضمار بذلت قصارى جهدها لتفوز بالسباق .. فلا تكن الخيل أفطن منك .. فإنما الأعمال بالخواتيم ..فإنك إذا لم تحسن الاستقبال ..لعلك تحسن الوداع )
واذا عجبكم الموضوع اوعه تنسه التقيم
#_ميمى_دودو_عدلات
إظهار التوقيع
توقيع : ميمى دودو
التوقيع لا يظهر للزوار ..
رد: (اللي فات خلاص نبدا من جديد بقا ال10 الاواخر من رمضان)
إظهار التوقيع
توقيع : أم أمة الله
التوقيع لا يظهر للزوار ..
رد: (اللي فات خلاص نبدا من جديد بقا ال10 الاواخر من رمضان)
إظهار التوقيع
توقيع : ام مالك وميرنا
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| فهم النفسيات بين الزوجين | نٌےـجَےـوِى ٱلجَےـزٱئريّےـة31 | فن الاتيكيت والتعامل مع الآخرين | ||
| اشعاري الحزينة تحت ضوء القمر وختمها بدمي | lara well | المنتدي الادبي | ||
| روايه احببت مجرماً كامله بدون تقطيع #بقلمى | وغارت الحوراء | أقلام عدلات الذهبية | ||
| قصة حقيقية مؤثرة جدااااا عن الصداقة | جزائرية تركية | قصص - حكايات - روايات | ||
| رسائل فراق , رسائل حزينة جدا جدا عن الفراق , مسجات فراق الحبيب حزينه مصرية | Marwa El-shazly | رسائل وتوبيكات | ||
الساعة الآن 10:18 AM
جميع المشاركات تمثل وجهة نظر كاتبها وليس بالضرورة وجهة نظر الموقع